Cesar Alierta

Cesar Alierta
	; Irudi gehiago
Bizitza
Jaiotza	Zaragoza , 1945eko maiatzaren 5a
Herrialdea	Espainia
Heriotza	Zaragoza , 2024ko urtarrilaren 10a (78 urte)
Heriotza modua	berezko heriotza : pneumonia
Familia
Aita	Cesareo Alierta Perela
Ama	Juana Izuel Labad
Anai-arrebak	ikusi Mariano Alierta Izuel ; Juana Alierta Izuel (en) ;
Hezkuntza
Heziketa	Columbia Business School (en) ; Zaragozako Unibertsitatea
Hizkuntzak	gaztelania ; ingelesa
Jarduerak
Jarduerak	abokatua eta enpresaburua
Enplegatzailea(k)	Telefonica
Jasotako sariak	ikusi Grand Cross of the Order of the Second of May (2015) ;
Kidetza	Finantza eta Ekonomia Zientzien Errege Akademia

Cesar Alierta Izuel ( Zaragoza , Espainia , 1945eko maiatzaren 5a - ibidem , 2024ko urtarrilaren 10a ) espainiar enpresaburu eta abokatua izan zen.

Bizitza [ aldatu | aldatu iturburu kodea ]

Bere aita, Cesareo Alierta , Zaragozako alkatea izan zen 1960ko hamarkadan , baita Real Zaragoza futbol taldeko lehendakaria ere. Bere anaia, Mariano Alierta , Espainiako Alderdi Popularreko senataria eta Zentro Demokratikoaren Batasuneko diputatua izan zen Espainiako Kongresuan.

Cesar Zuzenbidean lizentziatu zen Zaragozako Unibertsitatean 1967an . Hiru urte geroago, Enpresen Kudeaketan master titulua lortu zuen New Yorkeko Columbiako Negozio Eskolan .

1996an Jose Maria Aznar Espainiako presidenteak Tabacalera enpresa publikoko presidente izendatu zuen. Aliertak erakundea pribatizatzeari ekin zion eta 1999an Seita enpresarekin fusionatu zuen Altadis sortzeko. Presidente zenean delitu egin zuen. Hori dela eta, Justiziak Tabacalera Auzia izeneko kasua ireki zuen delituak epaitzeko. Izan ere, karguaz baliatzea leporatu zioten enpresako akzioak informazio pribilegiatua erabiliz erosteagatik. 2009an Madrilgo Auzitegiak aske utzi zuen delitua preskribitu zelako. ^[1]

2000n Jose Maria Aznar Espainiako presidentearen gobernuaren ekimenez Telefonica telekomunikazio-enpresako lehendakari izendatu zuten, Juan Villalongaren lekukoa hartuz. Ia 16 urtez egon zen lehendakaritzan, 2000ko uztaila eta 2016ko apirila bitartean. ^[2]