Wikipedia, Entziklopedia askea
Adrastea
(grekoa: Αδρ?στεια), edo
Jupiter XV
,
Jupiter
planetaren satelite natural bat da.
Adrasteak forma irregularra du: 20 × 16 × 14 km-ko tamaina. Jupiterren lau barne-sateliteetan txikiena da (
Amaltearen
taldea), eta planetarainoko distantziaren ordenan bigarrena,
Metis
baita Jupiterretik hurbilen dagoena.
Jupiterren eraztun nagusiaren barnean dago, eta, Jupiterren marea-indarren eraginez, errotazio-periodo sinkronoa du, hau da, bere buruaren inguruan bira oso bat egiten du planetaren inguruan bira oso bat egiten duen bitartean; beraz, aurpegi bera erakusten dio beti planetari.
David Jewitt-ek et G. Edward Danielson-ek aurkitu zuten, 1979an,
Voyager 2
zundak urte hartan bertan bidalitako argazkiak aztertuta. Espazio-ontzi batek egindako argazkien bidez, eta ez Lurreko teleskopio batetik, aurkitutako lehen satelite naturala izan zen.
Adrastea satelite-izena mitologia grekoko
Adrastea
pertsonaian du jatorria; Adrastea ninfa bat zen.
Hasieran,
S/1979 J 1
izendapen sistematikoa eman zitzaion sateliteari; kode horrek adierazten du 1979an lehen aldiz ikusitako Jupiterren lehen satelitea zela. Adrastea behin betiko izena 1983an eman zitzaion.
