Cesar Sariak
Saritutakoa	Frantziako zinemaren sariak
Babeslea	Academie des arts et techniques du cinema
Herrialdea	Frantzia
Lehen sari banaketa	1976
Webgune ofiziala	academie-cinema.org

Cesar Sariak ( frantsesez : Cesar du cinema ) Frantziako zinemaren sari nagusiak dira. 1976tik urtero ematen dira, Academie des arts et techniques du cinema elkartearen eskutik. 2002tik Theatre du Chatelet Parisko antzokian banatzen dituzte sariak, otsailean.

Historia [ aldatu | aldatu iturburu kodea ]

• 1976ko apirilaren 3an lehenengo ekitaldia antolatu zuten.
• 1980an Jerry Lewisek ohorezko saria eman zion Louis de Funesi .
• 1989an Isabelle Adjanik , hirugarren aldiz emakume aktore onenaren saria jasotzean, Salman Rushdieren Bertso satanikoak liburuaren zati bat irakurri zuen.
• 1995ean 20. urteurrena ospatu zuten, eta Jeanne Moreauri ohorezko saria eman zioten.
• 1998an Jean-Luc Godardek ohorezko saria eskuratu zion Clint Eastwoodi .

Markak [ aldatu | aldatu iturburu kodea ]

• Le Dernier Metro ( 1981 ) eta Cyrano de Bergerac ( 1991 ): sari gehien (10) lortu duten filmak.
• Roman Polanski : zuzendari onenaren sari gehien (5: Tess , Le Pianiste , The Ghost Writer , La Venus a la fourrure eta J'accuse filmekin) eskuratu duena.
• Michel Serrault : gizonezko aktore onenaren sari gehien (3: La Cage aux folles , Garde a vue eta Nelly et Monsieur Arnaud filmekin) lortu duena, 8 aldiz izendatuta egon delarik.
• Isabelle Adjani : emakumezko aktore onenaren sari gehien (5: Possession , L’Ete meurtrier , Camille Claudel , La Reine Margot eta La Journee de la jupe filmekin) lortu duena, 8 aldiz izendatua izanik.
• Georges Delerue eta Alexandre Desplat : musikagile onenaren 3na sari eskuratu dituzte, eta 8na aldiz egon dira izendatuta.

( 2014ko ekitaldia arte kontuan hartuta).

Ikus, gainera [ aldatu | aldatu iturburu kodea ]

• Oscar Sariak
• Goya Sariak

Kanpo estekak [ aldatu | aldatu iturburu kodea ]

• (Frantsesez) Cesar Sarien webgune ofiziala