Elena Calvillo Arteaga ( Beasain , 1970eko apirilaren 3a ) euskal mendi-korrikalaria da. [1]
Senarrak animatuta 35 urte zituela hasi zen errepidean korrika lasterketak lehiatzen. Txikitatik mendian ibiltzea gustuko zuenez, Zegama-Aizkorri Maratoia prestatzea erabaki zuen eta 2010ean Idiazabalgo Mendi Taldean sartu zen. Urte berean Euskadiko Mendi lasterketako Kopan txapelduna izan zen [2] eta 2011n Euskadiko mendi selekzioan sartu zen. [3]
Ehunmiliak proba izan du gustuko. [4] 2010ean Goierriko Bi Haundiak irabazi zuen (luzeraren erdia duen proba). Proba nagusian bigarren izan zen 2014, 2017, 2018 eta 2019an [5] eta azkenik 2022an lortu zuen garaipena. [6] Aurrez, 2015ean, Euskal Herria Mendi Erronka irabazi zuen. [7]
2022an Beasaingo Udalaren Kirol Sari Nagusia jaso zuen. [5]