Edward Whymper ( Londres , 1840ko apirilaren 27a - Chamonix , 1911ko irailaren 16a ) ingeles mendigoizale eta artista izan zen, Matterhorn mendia (4.478 m) lehen aldiz igo zuena. Anaiarekin batera zurezko grabatuak egiten zituen. 1860an Alpeetara bidali zuten Alpeei buruzko liburu baterako grabatuak egitera, eta han mendigoizale egin zen. 1861ean Pelvoux mendia igo zuen, eta 1864an Les Ecrins . Matterhorn gailurrera zortzigarren ahaleginean, 1865ean, iritsi zen gora; itzuleran izandako istripu batean lau mendigoizale hil ziren eta hiru bizirik geratu, denak lotzen zituen soka etenda. Mendigoizaleen historian ezagutzen den istripurik ezagunenetakoa da, Whymper berak egindako grabatuetan argitaratua. Groenlandia alderik alde igarotzen ahalegindu zen. Hego Amerikan Chimborazo eta Cotopaxi gailurretara igo zen.

Edward Whymper
Irudi gehiago
Bizitza
Jaiotza	Londres ,? 1840ko apirilaren 27a
Herrialdea	Britainia Handia eta Irlandako Erresuma Batua
Heriotza	Auvernia-Rodano-Alpeak ,? 1911ko irailaren 16a ?(71 urte)
Hobiratze lekua	Cimetiere de Chamonix (en)
Familia
Aita	Josiah Wood Whymper
Anai-arrebak	ikusi Frederick Whymper (en)
Hezkuntza
Hizkuntzak	ingelesa
Jarduerak
Jarduerak	mendigoizalea , ilustratzailea , esploratzailea , argazkilaria eta idazlea
Lan nabarmenak	ikusi The amateur's greenhouse and conservatory (en)
Jasotako sariak	ikusi Patroiaren domina ?(1892)