≪
We are so young, our lives have just begun but already we're considering escape from this world. And we've waited for so long for this moment to come, we're so anxious to be together, together in death. Won't you die tonight for love, baby join me in death.≫
(
EN
)(
Join me in death
,
1999
)
≪
Nuatar a sem acse ?ovan, la nostra vita l'e pena tacada ma a-j-em bela pinsa ad scapar via da cal mond che. A-j-em spita un mu? ch'a rivis cal mument che, acse ?manio? 'd esar insem in dla mort, in dla mort. Murires-at 'sta not p'r amor? Picula, vi? meg in dla mort.≫
Gl'HIM a 'l
Provinssirock
dal 1999: da sinistra Mige, Ville, Gas, Juska e Linde
Gl'
H.I.M.
(
Lo
, acronim par schers ad
His Infernal Majesty
,
So Maesta Infernala
) i e? un grup
gothic metal
finlande?, funda in dal 1991 da 'l cantant
Ville Valo
(prima al fava al cas?r in dal negosi ad ?avai p'r al ses ad so padar), da 'l chitarista
Lily Lazer
(
Mikko Lindstrom
) e da 'l basista
Mige Amour
(
Mikko Paananen
). I test dal so canso?, in genar, i dascoran 'd amor e ad mort.
Al simbul dal grup 'l e 'l
heartagram
, ugno? 'd un cor e 'n pentacul arbalta, mis dentar in un ser? p'r indicar al fat che 'l amor 'l e da da 'l mis?ius (al ser?) dal be? (al cor) e dal mal (al pentacul), sentiment che, a dita ad
Ville Valo
al sares, a gh'e al ca?, ≪minga la roba piu impurtanta ma 'l unic muti? parche la matina a m leva da let≫.
Biugrafia
Gl'inisi
'L
heartagram
La banda la fa gnir fora al so prim lav?r, 'n EP cun quatar bra? ciama
666 Ways To Love: Prologue
vindu s?l in mila copi, in dal 1996 cun in dla cupertina al grugn ad la madar ad
Ville Valo
, Anita. I s fa? cgnosar par merit dla cover ad
Chris Isaak
Wicked Game
.
In dal Nuvembar dal 1997 l'e la volta dal prim album,
Greatest Love Songs Vol.666
, dimondi pupular in di pae? scandina? (in dua 'l e gnu fora in Nuvembar mentar in
Germagna
s?l in dal ?nar dal 1998). Al 666 'l e al numar dal
Diavul
ma 'l e sta drua in manera funsiunala par cuntrastar, cum a suced da spes cun li l?r, la parola
love
(
amor
).
Al disc al gh'a dentar gl'hit
Your Sweet Six Six Six
e al lent simbul
When Love And Death Embrace
(c'n al bas ch'al caresa al tasteri mentar al chitari pe?i i sonan lenti), la mulada le cun un taj
It's All Tears
e soquant bra?
doom
cuma la
For You
ch'la vera al disc o la ?lada
Our Diabolikal Rapture
. In ?onta a 'l pes 'd
Isaak
a s cata anc n'atra cover, la
Don't Fear The Reaper
di
Blue Oyster Cult
cun un duet a d? vo?, mas? e femna (ad l'at?ra
Sanna-June Hyde
), mis?ia dimondi be?.
≪
All our times have come here but now they're gone, the Seasons don't fear the Reaper, nor do the wind, the sun or the rain, oh, we can be like they are, come on baby, don't fear the Reaper baby, take my hand, don't fear the Reaper, we'll be able to fly, don't fear the Reaper baby, I'm your man.≫
(
EN
)(
Don't Fear The Reaper
,
1997
)
≪
I nostar de i e? riva tut che ma ades i e? anda via, al stagio? i n gh'a? bri?a paura dal M??r, gnanc al vent, al s?l o la piova, oh, a psresan esar cuma qui le, andem picula, bri?a aver paura dal M??r, to la me ma?, mia aver paura dal M??r, a gh'la cavarem a vular, minga aver paura dal M??r, te?or a so? al to om.≫
Al suces
Gl'HIM tolt ?o a Mila? in dal 2005
In dal 1999 i tacan a far-as cgnosar in tut l'
Europa
(prim post in
Germagna
) par via d'l album
Razorblade Romance
(
Rumantici?um da lameti
), specialment par la canta
Join Me in Death
(sincsent-mila copi vindudi in dal marca tedesc in d? me?), druada in dla culona sunora dal film
Il tredicesimo piano
diret par
Josef Rusnak
.
Right Here in my Arms
(dura e sunada a la ?velta),
Poison Girl
e l'al?era
Gone With the Sin
i e? i atar singui mentar degni ad nota i e? almanc
I love you (prelude to tragedy)
, la rabida
Razorblade kiss
, la
bonus track
dl'edisio? americana
Sigillum diaboli
e l'acustica
One last time
.
Al disc gh'iva da ciamar-as
Slippery When Dead
in un?r di
Bon Jovi
e dal so
Slippery When Wet
. Gl'HIM i gh'a? abu di prublema a far gnir fora c'l album che in di
Stat Uni
parche la a gh'era bela un grup cun cal nom le. Prima 'd aver-la abuda vinsa (armetend-ag dimondi besi), i finlande? i e? sta custret a vendar mila copi ad
Razorblade Romance
sota 'l nom ad
H.E.R.
(
L?
, acronim ad
Her Evil Royalty
,
Cati? dirit 'd autor ad l?
).
≪
I love your skin oh so white, I love your touch cold as ice and I love every single tear you cry, I just love the way you're losing your life. My baby, how beautiful you are, my darling, completely torn apart, you're gone with the sin.≫
(
EN
)(
Gone with the sin
,
1999
)
≪
L'a m pia? la to pela acse ?biavda, 'l a m pia? al to toc fred cum al gias e i m pia?an tut al lagarmi ch'at pian?, semplicement l'a m pia? la manera ch'at dr?? par perdar la vita. Amor, cum at s? bela, te?or mio, dasfata dal tut, ta t s? parduda in dla pca.≫
Gl'HIM a Los Angeles in d'l Avril dal 2010
Al ters album dal grup 'l e d'l Agost dal 2001 e al s ciama
Deep Shadows and Brilliant Highlights
(
Ori grandi e lu?or brilant
). 'L e sta fat cun
Janne Puurtinen
a 'l tasteri e al gh'a dentar quatar singui,
Pretending
,
In Joy And Sorrow
,
Heartache Every Moment
e
Close To The Flame
, e anc la cover dal bra?
dance
ad
Benjo James
Please Don't Let it Go
.
Al disc al s piasa incora na volta a 'l prim post dla clasifica dal so pae?, roba ch'la n sa vdiva da i temp di
Hanoi Rocks
in di an Utanta. Anc in
Germagna
al disc al va fort (second post) ment'r al singul
Pretending
al riva a la decima pu?isio?.
≪
In joy and sorrow my home's in your arms, in a world so hollow, it's breaking my heart.≫
(
EN
)(
In joy and sorrow
,
2001
)
≪
In dla cuntintesa e in dal dul?r la me ca l'e in di to bras, in un mond acse v?d, al me cor 'l e dr? a carpar.≫
In Avril dal 2003 al quart lav?r dal grup scandina?,
Love Metal
(al nom dal genar mu?ical ch'i s eran da), al cuntinua la stada dal suces, cun tri singui spara be?,
Buried Alive By Love
,
The Funeral of Hearts
e
The Sacrament
.
≪
Your tomb is where your heart is, I should have told her but within me hid a secret so terrible. To cry is to know that you're alive but my river of tears has run dry, I never wanted to fool you, no, but a cold heart is a dead heart and it feels like I’ve been buried alive by love.≫
(
EN
)(
Buried alive by love
,
2003
)
≪
La to tomba l'e in du 'l e al to cor, a gh'arev abu da dir-gh-al ma dentar ad me a l?g un segret acse spavinto?. Pian?ar 'l e saver ch'at s? viva, ma al me fium ad lagarmi al s e suga, a n o mai vlu inganar-at, no, ma un cor fred 'l e un cor mort e a par ch'al sia sta sapli vi? da 'l amor.≫
Al grup da 'l vi? in dal 2007
In dal 2004 al grup al fa gnir fora la so prima racolta
And Love Said No
,
E 'l am?r al di? ad no
) ch'la met insem i prim quatordas singui e d? bra? no? ad paca, la cover ad
Neil Diamond
Solitary Man
(singul vindu be? in
Finlandia
, second, e in dal
Regn Uni
, non), sunada a la manera
metal
(pes fat anc da di at'r artista cuma
Chris Isaak
e 'l nostar
Gianni Morandi
c'n al titul ad
Se perdo anche te
), e
And Love Said No
(sempar seconda pu?isio? in dal so pae?).
In dal 2005
Ville Valo
al da la vo?, insem a 'n atar finlande?
Lauri Ylonen
di
The Rasmus
, a 'l grup di
Apocalyptica
p'r al singul
Bittersweet
e po in Setembar al fa vgnir fora al so prim disc par la
major
Warner Music
,
Dark Light
(
Lu? scura
), al so lav?r piu cumercial e cura fi? a cal punt le. Cucia su p'r al singul
Wings Of A Butterfly
(
Vampire Heart
'l e po al second), 'l album al gh la cava a finir in di prim vint post dla clasifica di
Stat Uni
vindend la da pio ad sincsent-mila copi.
Gl'HIM i s fa? un nom anc dal nostri bandi. Sempar in c'l an le i sonan a 'l
Download Festival
insem a i
Black Sabbath
e i
Velvet Revolver
.
≪
Heaven ablaze in our eyes, we're standing still in time, the blood on our hands is the wine, we offer as sacrifice. Come on and show them your love, rip out the wings of a butterfly, for your soul, my love.≫
(
EN
)(
Wings of a butterfly
,
2005
)
≪
Paradi? in vampi in di nost'r o?, a sem in p? ferum in dal temp, al sang? in sal nostri ma? 'l e ve? ch'a ?ibem in sacrifisi. Vi? che e fem ved'r-ag al to amor, s?ianchem gl'ali dna parpaja, par la to anma, amor.≫
La Madurasio?
Prim pia? ad Ville Valo
Al 17 ad Setembar dal 2007 a vi? fora in
Itaglia
Venus Doom
al second lav?r dal grup par la
Warner
(paraguna, a dita ad
Valo
, a 'l
Master of Puppets
di
Metallica
e a i lav?r di
Black Sabbath
), rigistra in di studi dla
Finnvox
sota la diresio? ad
Tim Palmer
(ch'l iva laura cun
Ozzy Osbourne
). La cupertina la nas da un quadar d'l artista
David Harouni
cumpra dal cantant a
New Orleans
.
Al sest album dla banda la gh'a di test piu madur, pi? ad pue?ia e mago? (
The Kiss of Dawn
l'e stada scrita p'r arcurdar 'n amig ch'al s era tolt la vita e la cumplesa
Sleepwalking Past Hope
la gh'a di riferiment a 'l Infer'n ad
Dante Alighieri
, durand da pio ad de? minut, na roba mai vista p'r al grup finlande?). Al chitari i e? sempar in prim pia? e
Valo
al droa tut al noti ch'al p?l far, anc dimondi basi. I singui i e?
The Kiss of Dawn
e
Bleed Well
ment'r al bra?
Passion's Killing Floor
'l e sta sarni par la culona sunora dal film
Transformers
ad
Michael Bay
.
In di
Stat Uni
al fa subit al so ingres in clasifica al dudice?um post cun 38.000 copi mentar 'l e prim in
Finlandia
, ters in
Germagna
e trentune?um in dal
Regn Uni
.
≪
My hell begins from the 10th and descends to the circle, six hundred threescore and six and from there I crawl beneath Lucifer's claws just for one last kiss.≫
(
EN
)(
Sleepwalking past hope
,
2007
)
≪
Al me Inferan al taca dal decim ser? e al va ?o para, si? sent ssanta e si? e da le a tra? par tera sota al ?granfgni ad Lucifar s?l par 'n ultim ba?e?.≫
'L ot ad Mars dal 2008 al grup al sona dal nostri bandi a
Nunantla
, in dal mudne?, e anc a
Milan
e
Firense
.
Al 14 ad Favrar dal 2010, antisipa dal singul
Heartkiller
ch'al s psiva dascargar da d? me? dal sit ad
Myspace
dal grup, a ved la lu? al setim lav?r in studi,
Screamworks: Love in Theory and Practice, Chapters 1?13
(
Lav?r da sig: Amor a paroli e fat dabo?, capitui da 'l o? a 'l tredas
), un disc rigistra a
Los Angeles
e prudot par
Matt Squire
. Un second singul 'l e sta fat al 29 ad Mars dal 2010 e 'l e la canta
Scared to Death
. Inveci la canso?
Disarm Me (With Your Loneliness)
l'era stada fata p'r al disc
Dark Light
ma po 'l era sta deci? ad lasar-la fora parche la gh'intrava poc cun al rest dal lav?r.
≪
Ave Maria we've tried, Ave Maria we've cried, Ave Maria we've died. Lift the lid off your heart's casket in the arms of rain, drift along this river of sadness 'til we feel no pain.≫
(
EN
)(
In the arms of rain
,
2010
)
≪
Ave Maria a gh'em prua, Ave Maria a-j-em pian?u, Ave Maria s sem mort. Tira su al quer? dal scrign dal to cor in di bras dla piova, nuatar a 'ndarem a 'l larg lung cal fium che ad tristesa, in fi? che a n sentirem piu dal dul?r.≫
A dita dal cantant (intervista a
Kerrang!
) 'l album 'l a tolt la so ispirasio? da la relasio? cun la so dona ch'l'era finida mal in cal mentar: ≪'L e un diari sunor ad cal lav?r le. 'L album al dascor anc di d? aspet, in sla carta e dabo?, dal relasio? amuro?i ch'i e? un prublema ch'al n s p?l bri?a risolvar.
Screamworks
'l e un sig primari e liberatori, un di medi tira su, un “Ma anda a ciapar-'l in dal cul”, me a voj far cum a m par a me≫.
Al disc 'l e anda be?, cum al solit, in
Finlandia
(second) e
Germagna
(quart), ma anc in
Bra?il
(prim) e
Grecia
(second), meno in
Itaglia
(s?l 68?um).
Na versio? rimixada dal disc cun de? bra? dentar,
SWRMXS
, l'e gnuda fora in dal Dicembar dal 2010.
Cun un cumunicat dal 28 ad Mars dal 2011, in sal so sit, gl'HIM i di?an ch'i ? dividan da la so ca discugrafica dop si? an.
Furmasio?
Al
leader
di HIM, Ville Valo
Quela 'd ades
- Ville Valo (
Ville Hermanni Valo
) -
vo? (1995 - inc?)
- Lily Lazer (
Mikko Lindstrom
) -
chitara e vo? (1995 - inc?)
- Mige Amour (
Mikko Paananen
) -
bas (1995 - inc?)
- Emerson Burton (
Janne Purtinnen
) -
tasteri (2000 - inc?)
- Gas Lipstick (
Mika Kristian Karppinen
) -
bateria (1999 - inc?)
Ex cumpunent
- Antto Melasniemi -
tasteri (1995 - 1998)
- Zoltan Pluto (
Juska Salminen
) -
tasteri (1998 - 2000)
- Juhana Rantala -
bateria (1995 - 1999)
Discugrafia
Album
- Greatest Love Songs Vol. 666
(1997)
- Razorblade Romance
(2000)
- Deep Shadows and Brilliant Highlights
(2001)
- Love Metal
(2003)
- Dark Light
(2005)
- Venus Doom
(2007)
- Screamworks: Love in Theory and Practice
(2010)
EP e Demo
- Witches and Others Night Fears
(1992, demo)
- This is Only the Beginning
(1995, demo)
- 666 Ways to Love: Prologue
(1996, EP)
da 'l Vi?
- Digital Versatile Doom - Live at Orpheoum Theathre
(2008)
Racolti
- The Single Collection
(2002, box)
- And Love Said No - The Greatest Hits 1997-2004
(2004)
- Uneasy Listening Vol.1
(2006)
- Uneasy Listening Vol.2
(2007)
- SWRMXS
(2010)
Singui
- 1996
Wicked Game
- 1997
When Love and Death Embrace
- 1998
Your Sweet 666
- 1999
Join Me
- 2000
Right Here in my Arms
- 2000
Poison Girl
- 2000
Gone With the Sin
- 2001
Pretending
- 2001
In Joy and Sorrow
- 2002
Heartache Every Moment
- 2002
Close to the Flame
- 2003
The Funeral of Hearts
- 2003
Buried Alive by Love
- 2003
The Sacrament
- 2004
Solitary Man
- 2004
And Love Said No
- 2005
Bittersweet (
Apocalyptica
feat.
Ville Valo
)
- 2005
Wings of a Butterfly
- 2005
Vampire Heart
- 2006
In Joy and Sorrow / Pretending
- 2006
Killing Loneliness
- 2007
Kiss of Dawn
- 2007
Bleed Well
- 2009
Heartkiller
- 2010
Like St.Valentine
- 2010
Scared To Death
Viddeo
Videoclip
- Wicked Game
(1996, prima versio?)
- Wicked Game
(1998, seconda versio?)
- When Love and Death Embrace
(1999)
- Join Me in Death
(1999, prima versio?)
- Right Here in My Arms
(2000)
- Poison Girl
(2000)
- Gone With the Sin
(2000)
- Join Me in Death
(2000, seconda versio?)
- Wicked Game
(2000, tersa versio?)
- Pretending
(2001)
- In Joy and Sorrow
(2001)
- Heartache Every Moment
(2001)
- Close to the Flame
(2002)
- The Funeral of Hearts
(2003)
- Buried Alive By Love
(2003)
- The Sacrament
(2004)
- Solitary Man
(2004)
- And Love Said No
(2004)
- Wings of a Butterfly
(2005)
- Killing Loneliness
(2005, prima versio?)
- Killing Loneliness
(2006, seconda versio?)
- The Kiss of Dawn
(2007)
- Bleed Well
(2007)
- Heartkiller
(2010)
- Scared to Death
(2010)
DVD
- The Video Collection: 1997-2003
(2004)
- Love Metal Archives Vol. I
(2005)
- Digital Versatile Doom
(2008)
Culegament esteran