Strwdel afalau.
Crwst
o ddalennau teneuon o
does
o amgylch llenwad meddal yw
strwdel
[1]
(
Almaeneg
:
Strudel
, sef
trobwll
) sydd yn tarddu o goginiaeth
Canolbarth Ewrop
. Gwneir fel rheol ar ffurf rhol hir, yn aml wedi ei phlygu mewn siap pedol neu dorch, ac wedi
pobi
cai'r strwdel ei dorri'n sleisiau er mwyn ei fwyta, naill ai yn boeth neu'n oer.
[2]
Cymysgir
blawd
,
wyau
, ychydig o
fenyn
, a chymhareb uwch na'r arfer o dd?r i wneud toes sidanaidd a ellir ei rolio neu dynnu'n denau iawn. Dodir y toes ar liain, gydag ychydig o flawd, ar fwrdd mawr er mwyn ei dynnu gyda'r dwylo, ac yn draddodiadol dywedir bod yn rhaid ei ymestyn cymaint fel bod modd darllen papur newydd trwyddi. Er mwyn troi'r toes yn rhol hir, caiff ei frwsio gyda menyn toddi a thaenir
briwsion bara
arno cyn gosod y llenwad ar hyd ben y ddalen. Codir y lliain fel bo'r toes yn rholio i fyny ar ochr arall y bwrdd. Cai'r rholyn ei droi'n siap droelleg, fel arfer, a rhoddir rhagor o fenyn toddi arno cyn ei roi yn y ffwrn i'w bobi.
[2]
Esiampl nodweddiadol yw'r
Apfelstrudel
, sydd yn boblogaidd yn
Awstria
a'r
Almaen
, sydd yn cynnwys
afalau
ac weithiau
rhesins
. Mae llenwadau eraill yn cynnwys
cnau Ffrengig
mal,
hadau'r pabi gwyn
wedi eu berwi,
ceirios
a
sinamon
, a
chaws ceulaidd
gyda
sbeisys
a melysyddion. Mae strwdel yn debyg i
felysfwydydd
eraill a wneir o grwst tenau megis
ffilo
sydd yn boblogaidd yn
y Balcanau
a'r
Dwyrain Agos
, er enghraifft
baclafa
.
- ↑
Geiriadur yr Academi
, "strudel".
- ↑
2.0
2.1
Alan Davidson,
The Oxford Companion to Food
(Rhydychen: Oxford University Press, 2006), t. 783.