Sgwar Trafalgar

Math	sgwar, atyniad twristaidd
Enwyd ar ol	Brwydr Trafalgar
Ardal weinyddol	Dinas Westminster
Cysylltir gyda	Northumberland Avenue, Whitehall , St Martin's Place, Y Strand , Duncannon Street, Cockspur Street, Pall Mall East
Sefydlwyd	1840
Daearyddiaeth
Sir	Llundain Fwyaf ( Sir seremoniol )
Gwlad	Lloegr
Arwynebedd	0.92 ha
Cyfesurynnau	51.5081°N 0.1281°W
Cod OS	TQ3000780447
Rheolir gan	Awdurdod Llundain Fwyaf
Statws treftadaeth	parc rhestredig neu ardd restredig Gradd I
Manylion
Ffeiliau perthnasol ar Comin
[ golygwch ar Wicidata ]

Sgwar yn Ninas Westminster , canol Llundain , yw Sgwar Trafalgar ( Saesneg : Trafalgar Square ), yn agos at ganol swyddogol y ddinas a'i nodir gan gerflun o Siarl I yn Charing Cross , i'r de o'r sgwar. Yn wreiddiol safai rhwng dinasoedd Llundain a Westminster , a lleolwyd y stablau brenhinol yno ers teyrnasiad Edward I . Yn 1820au adnewyddwyd yr ardal gan y pensaer John Nash ar gyfer Tywysog Rhaglyw . Enwir y sgwar ar ol buddugoliaeth y llynges Brydeinig ym Mrwydr Trafalgar ym 1805, ac fe saif Colofn Nelson , cofadail er coffa'r Arglwydd Nelson , yn y canol. Mae'r sgwar o hyd wedi bod yn boblogaidd a phrotestwyr, er gwaethaf ad-drefniad y safle yn yr 1840au gan y pensaer Charles Barry , a cheisiodd lleihau'r nifer o bobl all ymgynull yno. Cafodd y sgwar ei ail-gynllunio eto ym 1938 gan Edwin Lutyens ac yn 2003 gan Norman Foster .

Lleolir yr Oriel Genedlaethol ar ochr ogleddol y sgwar, llysgenhadaeth De Affrica i'r dwyrain, a llysgenhadaeth Canada i'r gorllewin. Bu'r sgwar ynghynt yn enwog am y nifer o golomennod a ddaeth yno i gael eu bwydo gan y twristiaid, ond gwaharddwyd hyn gan Ken Livingstone tra'r oedd yn Faer Llundain .

Eginyn erthygl sydd uchod am Lundain . Gallwch helpu Wicipedia drwy ychwanegu ato .