Dull o ddosbarthu syniadau gwleidyddol yn ol cynllun gofodol yw
sbectrwm gwleidyddol
. Defnyddir i ddisgrifio a chymharu
ideolegau
a safbwyntiau
gwleidyddion
,
pleidiau
, a mudiadau. Y sbectrwm traddodiadol ydy'r llinell a rennir yn ochrau'r chwith a'r dde, gyda gwleidyddiaeth eithafol ar naill pen y llinell. Seilir y mwyafrif o sbectrymau gwleidyddol eraill ar y dosbarthiad deuol hwn.
Daw'r termau
adain chwith
ac
adain dde
o'r
Chwyldro Ffrengig
, pryd eisteddai'r
radicalwyr
ac ochr chwith yr ystafell yng nghynulliadau'r Ystadau Cyffredinol, a'r pendefigion ar yr ochr dde. Datblygodd y patrwm o wrthwynebiad rhwng y chwyldroadwyr a'r adweithwyr i ddiffinio gwleidyddiaeth Ewrop yn y 19g, a defnyddiwyd y sbectrwm i grybwyll nifer o gredoau a pholisiau eraill, wedi eu dosbarthu'n fras rhwng y chwith a'r dde. Fel rheol, gwahenir y sbectrwm yn nhermau syniadaeth wleidyddol o ran y berthynas rhwng y
wladwriaeth
a'r
economi
: disgrifir safbwyntiau o blaid ymyrraeth economaidd a
chyfunoliaeth
yn adain chwith, ac agweddau
laissez-faire
tuag at y farchnad ac
unigolyddiaeth
yn adain dde. Y tu hwnt i bynciau economaidd, mae diffinio'r gwahaniaethau rhwng y chwith a'r dde yn ddadleuol. Yn gyffredinol, dywed bod yr adain chwith yn gwleidydda ar sail
cymunedoliaeth
a
blaengaredd
megis
rhyddid
,
cydraddoldeb
, brawdoliaeth,
hawliau
, diwygio, a
rhyngwladoldeb
. Ar yr adain arall, mae bydolwg y dde yn adlewyrchu gwerthoedd traddodiadol megis awdurdod,
hierarchaeth
, trefn, rheol y gyfraith,
dyletswydd
, a
chenedlaetholdeb
.
[1]
Mae llawer o gafeatau i ddosraniad o'r fath, er enghraifft, byddai nifer o geidwadwyr yn coleddu rhyddid yr unigolyn, y teulu a'r genedl, tra byddai nifer o sosialwyr yn parchu rheol y gyfraith a'r drefn wleidyddol wrth ymgyrchu dros eu hamcanion.
Yn yr 20g, datblygwyd y sbectrwm gwleidyddol i grybwyll mudiadau ac ideolegau newydd. Ar ei ffurf symlaf, mae'r sbectrwm unllin yn cynnwys
comiwnyddiaeth
a
ffasgaeth
ar bennau eithaf y chwith a'r dde, a
rhyddfrydiaeth
yn mynychu tir y canol. Yn sgil twf gwladwriaethau
totalitaraidd
ar sail llywodraethau comiwnyddol a ffasgaidd, datblygwyd y sbectrwm pedol, a'i bennau'n troi'n ol tuag at ei gilydd, i ddarlunio tebygrwydd yr adain chwith eithafol a'r adain
dde eithafol
o ran eu tueddiadau
awdurdodaidd
.
Datblygwyd hefyd sbectrymau dau-ddimensiwn, sy'n cyfuno'r dosraniad traddodiadol ar sail
polisi economaidd
a rhaniadau gwleidyddol eraill, fel arfer rhwng rhyddid ac awdurdod neu rwng
democratiaeth
ac
awtocratiaeth
. Mae sbectrymau o'r fath yn galluogi disgrifio ideolegau
anarchaidd
, a ellir bod yn adain-chwith neu'n adain-dde.
Defnyddir y dosraniad chwith-dde i ddisgrifio gwleidyddiaeth ar draws y byd hyd yr 21g, ac yn fynych iawn mae unigolion a grwpiau yn uniaethu a mudiadau cyffredinol "y Chwith" a'r "Dde". Er hynny, mae rhai'n dadlau na ellir pennu safle ar y sbectrwm i fudiadau ac ideolegau newydd megis
ffeministiaeth
ac
ecolegaeth
, a bod
gwleidyddiaeth syncretaidd
a'r
Drydedd Ffordd
yn trosgynnu ? neu'n tanseilio ? y sbectrwm ac wedi gwneud hen ddeuoliaeth y chwith a'r dde yn ddiangen.
[1]
- ↑
1.0
1.1
Andrew Heywood,
Key Concepts in Politics
(Basingstoke, Hampshire: Palgrave, 2000), tt. 27?28.