한국   대만   중국   일본 
Pad thai - Wicipedia Neidio i'r cynnwys

Pad thai

Oddi ar Wicipedia
Pad Thai

Pryd o fwyd o Wlad Thai yw pad thai . Mae'n cynnwys nwdls reis tro-ffriedig, ac mae'n boblogaidd fel bwyd stryd ac yn y mwyafrif o fwytai yng Ngwlad Thai a ledled y byd. [1] Mae'r cynhwysion fel arfer yn cynnwys nwdls reis, berdys, cyw iar neu tofu, cnau daear, wyau wedi eu sgramblo, ac egin ffa. Bydd y rhain yn cael eu ffrio'n ysgafn mewn woc gyda saws pad thai.

Cynhwysion [ golygu | golygu cod ]

Gwneir pad thai gyda nwdls reis sychedig wedi'u hail-hydradu sy'n cael eu tro-ffrio ag wyau a thofu cadarn wedi'i dorri, wedi'i flasu a mwydion tamarind, saws pysgod, berdys sychedig, garlleg neu sialots, pupur chili coch a siwgr palmwydd. Caiff ei weini gyda sleisiau o leim a chnau daear wedi'u rhostio a'u torri. [2] Gall gynnwys llysiau eraill megis egin ffa, cennin syfi, radisys picl neu erfin , a blodau banana amrwd. Gall hefyd gynnwys berdys, cranc , mor-lewys , cyw iar , cig moch, neu broteinau anifeiliaid eraill.

Mae nifer o'r cynhwysion yn cael eu darparu ar yr ochr fel cynfennau , megis y pupur chili coch, sleisiau leim, cnau daear wedi'u rhostio, egin ffa, sibols, ac amryw o lysiau ffres eraill. [3] Gall fersiynau llysieuol defnyddio saws soi yn lle'r saws pysgod, a hepgor y berdys yn llwyr.

Hanes [ golygu | golygu cod ]

Pad thai o stondin stryd yn Chiang Mai yng Ngogledd Gwlad Thai

Efallai cyflwynir nwdls reis wedi'u ffrio i Ayutthaya yn ystod amser y deyrnas Ayutthaya gan fasnachwyr Tsieineaidd [4] , ac yna eu newid dros amser i adlewyrchu blasau Gwlad Thai. [5]

Mae'r awdur Mark Padoongpatt [6] yn honni nid yw pad thai yn bryd traddodiadol, dilys, sy'n mynd yn ol cannoedd o flynyddoedd. Fe’i crewyd mewn gwirionedd yn y 1930au yng Ngwlad Thai gan Plaek Phibunsongkhram, a oedd yn brif weinidog ar y pryd. Cafodd y pryd ei chreu oherwydd bod Gwlad Thai yn canolbwyntio ar adeiladu cenedl ar y pryd. [1] Felly fe greodd y pryd o fwyd hon gan ddefnyddio nwdls Tsieineaidd a'i galw'n pad Thai fel ffordd i sbarduno cenedlaetholdeb. [7]

Esboniad arall am darddiad pad thai yw bod Gwlad Thai, yn ystod yr Ail Ryfel Byd , wedi dioddef prinder reis oherwydd y rhyfel a llifogydd. Er mwyn lleihau'r defnydd o reis domestig, hyrwyddodd llywodraeth Gwlad Thai, o dan y Prif Weinidog Phibunsongkhram, defnydd o nwdls yn lle. [8] Hyrwyddodd y llywodraeth nwdls reis er mwyn helpu i sefydlu hunaniaeth Gwlad Thai. [1] O ganlyniad, crewyd nwdls newydd o'r enw sen chan (a enwyd ar ol y dalaith Chanthaburi). Ers hynny mae Pad thai wedi dod yn un o brydiau cenedlaethol y wlad. [9] Heddiw, mae rhai gwerthwyr bwyd yn ychwanegu porc neu gyw iar (er nad oedd y rysait wreiddiol yn cynnwys porc oherwydd amgyffrediad y llywodraeth taw cig Tsieineaidd oedd porc). [10]

Cyfeiriadau [ golygu | golygu cod ]

  1. ↑ 1.0 1.1 1.2 Mayyasi, Alex (7 Tachwedd 2019). "The Oddly Autocratic Roots of Pad Thai" . Gastro Obscura . Atlas Obscura . Cyrchwyd 12 Tachwedd 2019 .
  2. ↑ "Pad Thai-????????????" (yn Thai). thaitable.com. Archifwyd o'r gwreiddiol ar 2019-01-05 . Cyrchwyd 28 Gorffennaf 2013 .
  3. ↑ "7-Steps to Properly Eating Pad Thai" . luxevoyageasia.com . Cyrchwyd 29 Mai 2017 .
  4. ↑ "The Truth About Pad Thai" . BBC . 28 Ebrill 2015.
  5. ↑ "Pad Thai" . Pad Thai Restaurant . Archifwyd o'r gwreiddiol ar 18 Chwefror 2013 . Cyrchwyd 23 Chwefror 2013 .
  6. ↑ Padoongpatt, Mark (September 2017). Flavors of Empire: Food and the Making of Thai America . American Crossroads (Book 45) (arg. 1st). Berkeley: University of California Press. ISBN   9780520293748 . Cyrchwyd 17 Gorffennaf 2019 .
  7. ↑ Belle, Rachel. "Why there are so many Thai restaurants in Seattle" . My Northwest . KIRO Radio . Cyrchwyd 17 Gorffennaf 2019 .
  8. ↑ Pungkanon, Kupluthai (13 Mai 2018). "All wrapped up and ready to go" . The Nation . Archifwyd o'r gwreiddiol ar 2018-05-12 . Cyrchwyd 13 Mai 2018 .
  9. ↑ Tapia, Semina (15 Awst 2011). "Thai National Foods" . Ifood.tv. Archifwyd o'r gwreiddiol ar 2013-06-05 . Cyrchwyd 23 Chwefror 2013 .
  10. ↑ ???????, ?????. "?????????????? : ??????????????????????? ?. ???????????" . Official of Art and Culture: Muban Chombueng Rajabhat University (yn Thai). Archifwyd o'r gwreiddiol ar 2018-03-15 . Cyrchwyd 15 Mawrth 2018 .
Wedi dod o " https://cy.wikipedia.org/w/index.php?title=Pad_thai&oldid=12563301 "