John Charles Jones
Ganwyd	3 Mai 1904  Llan-saint
Bu farw	13 Hydref 1956  Bangor
Dinasyddiaeth	Cymru
Alma mater	Prifysgol Caerdydd Coleg Wadham
Galwedigaeth	offeiriad , cenhadwr
Swydd	Esgob Bangor

Clerigwr Cymreig a fu'n Esgob Bangor o 1949 hyd ei farwolaeth oedd John Charles Jones ( 3 Mai 1904 - 13 Hydref 1956 ). Ganed ef yn Llansaint , Sir Gaerfyrddin . Addysgwyd ef yn Ysgol Ramadeg Caerfyrddin, Prifysgol Caerdydd a Choleg Wadham, Rhydychen .

Treuliodd flwyddyn yn Neuadd Wycliffe, Rhydychen , cyn cael ei ordeinio'n offeiriad yn 1930 . Bu'n giwrad yn Llanelli hyd 1933 yna yn Aberystwyth gyda chyfrifoldeb dros y myfyrwyr. Aeth yn genhadwr yn 1934, gan weithio yn y Bishop Tucker Memorial College , Mukono, Wganda .

Dychwelodd i Gymru yn 1945 fel ficer Llanelli, a chysegrwyd ef yn Esgob Bangor yn 1949, y tro cyntaf i'r seremoni hon gael ei chynnal yn Gymraeg.