한국   대만   중국   일본 
Gareth Bale - Wicipedia Neidio i'r cynnwys

Gareth Bale

Oddi ar Wicipedia
Gareth Bale
MBE

Bale gyda tim Cymru yng Nghwpan y Byd Pel-droed 2022
Gwybodaeth Bersonol
Dyddiad geni ( 1989-07-16 ) 16 Gorffennaf 1989 (34 oed)
Man geni Caerdydd
Taldra 1.86
Safle Asgellwr
Gyrfa Ieuenctid
Gwasanaeth Sifil Caerdydd
1999?2006 Southampton
Gyrfa Lawn *
Blwyddyn Tim Ymdd † (Gol) †
2006?2007 Southampton 40 (5)
2007?2013 Tottenham Hotspur 146 (42)
2013?2022 Real Madrid 176 (81)
2020?2021 → Tottenham Hotspur (ar fenthyg) 20 (11)
2022 Los Angeles FC 12 (2)
Cyfanswm 394 (141)
Tim Cenedlaethol
2005?2006 Cymru dan 17 7 (1)
2006 Cymru dan 19 1 (1)
2006?2008 Cymru dan 21 4 (2)
2006?2022 Cymru 111 (41)
* Cyfrifir yn unig: ymddangosiadau i Glybiau fel oedolyn a goliau domestg a sgoriwyd..
† Ymddangosiadau (Goliau).

Cyn bel-droediwr proffesiynol o Gymro yw Gareth Frank Bale (ganwyd 16 Gorffennaf 1989 ). Fe'i ystyrir yn un o asgellwyr gorau ei genhedlaeth ac un o'r chwaraewyr Cymreig gorau erioed. [1] [2] [3] [4] [5]

Gyrfa clwb [ golygu | golygu cod ]

Southampton [ golygu | golygu cod ]

Dechreuodd Bale ei yrfa broffesiynol gyda Southampton fel cefnwr chwith ac ar 17 Ebrill 2006, daeth yr ail ieuengaf erioed i chwarae dros y clwb wrth wneud ei ymddangosiad cyntaf yn erbyn Millwall pan yn 16 mlwydd a 275 diwrnod oed. Ar 6 Awst sgoriodd Bale ei gol gynghrair gyntaf i'r clwb yn erbyn Derby County . [6]

Tottenham Hotspur [ golygu | golygu cod ]

Symudodd i Tottenham Hotspur yn 2007 am ffi o ￡7 miliwn. Yn ystod ei gyfnod gyda Spurs, cafodd ei ddefnyddio'n fwy fwy fel chwaraewr ymosodol gan symud i chwarae yng nghanol y cae. Cafodd ei urddo'n Chwaraewr y Flwyddyn gan y PFA yn 2011 ac yn 2013 enillodd Chwaraewr Ifanc y Flwyddyn y PFA, Chwaraewr y Flwyddyn y PFA a Chwaraewr y Flwyddyn yr FAW. Cafodd ei gynnwys yn Nhim y Flwyddyn UEFA yn 2011 a 2013.

Real Madrid [ golygu | golygu cod ]

Ar 1 Medi 2013, ymunodd a Real Madrid yn Sbaen am ffi na chafodd ei ddatgelu. Yn ol adroddiadau yn y wasg yn Sbaen ac ar orsaf deledu Real Madrid TV, roedd y ffi yn ￡77 miliwn (€91 miliwn), tra bo'r wasg ym Mhrydain yn awgrymu bod y ffi yn record byd newydd o ￡85.3 miliwn (€100 miliwn). [7]

Ar 16 Ebrill, sgoriodd Bale y gol fuddugol wrth i Real Madrid drechu Barcelona yn rownd derfynol y Copa del Rey . [8] Hon oedd 20fed gol y tymor i Bale, a'r gyntaf mewn gornest El Clasico . [9]

Ar 24 Mai 2014, sgoriodd Bale ei ail gol yn erbyn Atletico Madrid yn rownd derfynol Cynghrair y Pencampwyr UEFA yn y 110fed munud o amser ychwanegol - ef yw'r Cymro cyntaf i sgorio yn rownd derfynol Cynghrair y Pencampwyr UEFA. Gorffennodd ei dymor cyntaf gyda Real Madrid gyda 22 gol a 16 cynorthwy ym mhob cystadleuaeth. [10]

Ar 30 Hydref 2016, cadarnhawyd fod Gareth Bale wedi arwyddo cytundeb newydd i barhau i chwarae gyda Real Madrid hyd nes 2022. [11]

Yn ystod ei yrfa gyda Real Madrid helpodd y clwb i ennill Cynghrair y Pencampwyr UEFA bedair gwaith, yn 2014, 2016, 2017 a 2018. Yn nhymor 2016-17, er iddo gael anafiadau, roedd yn rhan o fuddugoliaeth y clwb yn La Liga .

Roedd 2019-2020 yn gyfnod rhwystredig iddo yn y clwb ar ol gorfod eistedd ar y fainc am gyfnodau hir. Ar 19 Medi 2020, cyhoeddwyd ei fod wedi dychwelyd i glwb Tottenham Hotspur ar fenthyg am flwyddyn. [12]

Gyrfa ryngwladol [ golygu | golygu cod ]

Fideo o Gareth Bale yn 2016

Gwnaeth Bale ei ymddangosiad cyntaf i Gymru mewn gem gyfeillgar yn erbyn Trinidad a Tobago ar 27 Mai 2006 [13] gan ddod y chwaraewr ieuengaf erioed i chwarae dros Gymru hyd nes i Harry Wilson dorri'r record yn Nhachwedd 2012. [14] . Roedd Bale yn 16 mlwydd a 315 diwrnod.

Ar 12 Mehefin 2015, sgoriodd Bale unig gol y gem ar achlysur ei 50fed cap wrth i Gymru drechu Gwlad Belg yn Stadiwm Dinas Caerdydd [15] .

Ar 11 Mehefin 2016 sgoriodd gol agoriadol Cymru yn erbyn Slofacia ym Mhencampwriaeth Euro 2016 - y gol gyntaf erioed gan Gymro ym Mhencampwriaethau Ewrop. Gyda goliau yn erbyn Lloegr a Rwsia llwyddodd Bale i ddod yn brif sgoriwr Cymru ym mhrif bencampwriaethau pel-droed y byd gan dorri record Ivor Allchurch a rwydodd ddwy gol yng Nghwpan y Byd 1958 [16] [17] Helpodd Gareth Cymru fynd i rownd gyn-derfynol yr Ewros ond collodd Cymru yn erbyn Portiwgal o ddau gol i ddim.

Ar 22 Mawrth 2018 curodd record Ian Rush am y nifer o goliau a sgoriwyd mewn gemau rhyngwladol, drwy sgorio tair gol yn erbyn Tsieina , gan ddod a'i gyfanswm goliau i 29. [18]

Enillodd ei ganfed cap dros Gymru ar 13 Tachwedd 2021. [19]

Chwaraeodd ran allweddol yn llwyddiant Cymru i gyrraedd Cwpan y Byd Pel-droed 2022 am y tro cyntaf ers 1958. Yn Ionawr 2023, cyhoeddodd y byddai'n ymddeol o bel-droed proffesiynol. [20]

Anrhydeddau [ golygu | golygu cod ]

Real Madrid

Gwobrau [ golygu | golygu cod ]

Yn 2006, casglodd Bale Wobr Carwyn James BBC Cymru ar gyfer athletwyr ifanc [21] . Enillodd prif Wobr Personoliaeth Chwaraeon Cymreig y Flwyddyn BBC Cymru yn Rhagfyr 2010 [22] ac mae wedi ei enwi'n Chwaraewr y Flwyddyn gan Gymdeithas Bel-droed Cymru yn 2010, 2011, 2013, 2014, 2015 a 2016. [23] [24] [25] [26] .

Bywyd personol [ golygu | golygu cod ]

Cafodd Bale ei eni yng Nghaerdydd, Cymru, i'w rieni Frank, gofalwr ysgol, a Debbie, rheolwr gweithrediadau. Mae yn nai i'r cyn-bel-droediwr, Chris Pike, a oedd yn chwarae i Ddinas Caerdydd. Tra'n tyfu i fyny, ei arwr pel-droed oedd ei gyd-chwaraewr i Gymru, a seren Manchester United, Ryan Giggs.

Mynychodd Bale Ysgol Uwchradd yr Eglwys Newydd yng Nghaerdydd. Roedd yn athletwr brwd ac yn chwarae pel-droed ochr yn ochr a chapten rygbi Cymru yn y dyfodol, Sam Warburton, rygbi, hoci tra hefyd yn rhagori mewn athletau. [26] Fel bachgen 14-mlwydd-oed, dywedir ei fod yn gallu rhedeg y ras 100 metr mewn 11.4 eiliad. Oherwydd ei sgiliau pel-droed, roedd yn rhaid i athro AG yr ysgol, Gwyn Morris, ysgrifennu rheolau arbennig oedd yn ei gyfyngu i chwarae pel-droed un-cyffyrddiad a pheidio a defnyddio ei droed chwith. Tra yn yr Eglwys Newydd, hyfforddwyd Bale yn academi lloeren Southampton yng Nghaerfaddon, er bod peth amheuaeth a fyddai Southampton yn rhoi ysgoloriaeth iddo oherwydd ei daldra.

Er ei fod ar y pryd ddim ond yn 16, bu'n helpu tim dan 18 yr ysgol i ennill Uwch Gwpan Caerdydd a'r Fro. Gadawodd yr ysgol yn haf 2005 gyda Gradd A mewn Addysg Gorfforol ymhlith ei ganlyniadau TGAU eraill. Yn ei flwyddyn olaf yn yr ysgol, dyfarnwyd iddo wobr yr adran Addysg Gorfforol ar gyfer gwasanaethau i chwaraeon.

Mae Bale yn llwyrymwrthodwr . [27]

Cyfeiriadau [ golygu | golygu cod ]

  1. ↑ Gareth Bale yn ymddeol o chwarae pel-droed yn 33 oed , BBC Cymru Fyw, 9 Ionawr 2023.
  2. ↑ " ' Gareth Bale probably the best left winger in the Premier League if not in Europe' - Everton's Phil Neville on the Tottenham star" . Goal.com . Cyrchwyd 20 Mawrth 2022 .
  3. ↑ Richards, Alex. "The 15 Best Wingers in World Football" . Bleacher Report . Cyrchwyd 11 Tachwedd 2022 .
  4. ↑ Potts Harmer, Alfie (25 Rhagfyr 2019). "7 Greates Right Wingers of the decade" . HITC Football . Cyrchwyd 11 Tachwedd 2022 .
  5. ↑ "The 5 best Welsh Football Players of all-time" . The Sporting Blog . Cyrchwyd 11 Tachwedd 2022 .
  6. ↑ "Derby 2 Southampton 2" . BBC Sport. 2006-08-06.
  7. ↑ Gwefan Golwg360
  8. ↑ Jurejko, Jonathan (16 April 2014). "Gareth Bale helps Real Madrid beat Barcelona in Copa del Rey" . BBC Sport . Cyrchwyd 17 April 2014 .
  9. ↑ "Gareth Bale: Copa del Rey winner incredible, says Xabi Alonso" . BBC . 16 April 2014.
  10. ↑ "Player profile - Gareth Bale" . ESPN. Adalwyd 26 Mai 2014
  11. ↑ "Gareth Bale yn arwyddo cytundeb newydd a Real Madrid" . BBC Cymru Fyw. 2016-10-30.
  12. ↑ “Dw i ‘nol” ? Gareth Bale yn ymuno a Spurs ar fenthyg am dymor , Golwg360, 19 Medi 2020.
  13. ↑ "Bale savours record Wales debut" . BBC Sport. 2006-05-28.
  14. ↑ "Injured Bale out for three months" . BBC Sport . 2007-12-10.
  15. ↑ "Bale: cefnogwyr Cymru yw'r gorau yn y byd" . Golwg360 . 2015-06-13.
  16. ↑ "Lloegr 2-1 Cymru" . Sgorio . 2016-11-16.
  17. ↑ "Rwsia 0-3 Cymru" . Sgorio . 2016-11-20.
  18. ↑ Gareth Bale a’i hatric yn Tsieina yn torri record Ian Rush , Golwg360, 22 Mawrth 2018.
  19. ↑ Ben Davies yn talu teyrnged i Gareth Bale , Golwg360, 14 Tachwedd 2021. Cyrchwyd ar 15 Tachwedd 2021.
  20. ↑ Gareth Bale wedi ymddeol o bel-droed , Golwg360, 9 Ionawr 2023.
  21. ↑ "Calzaghe scoops BBC Wales honour" . BBC Sport . 2006-12-03.
  22. ↑ "Gareth Bale wins BBC Wales Sports Personality award" . BBC Sport Wales . 2010-12-06.
  23. ↑ "Bale yw chwaraewr y flwyddyn" . Sgorio . 2013-10-08.
  24. ↑ "Gareth Bale Welsh player of the Year 2014" . realmadrid.com . 2014-10-07.
  25. ↑ "Gareth Bale yw chwaraewr y flwyddyn" . Sgorio . 2015-10-06.
  26. ↑ "Chwaraewr y Flwyddyn: Pwy ond Gareth Bale?" . BBC Cymru Fyw . 2016-11-08.
  27. ↑ "Gareth Bale: Home is where the heart is for ￡85m star" . www.bbc.co.uk . Cyrchwyd 20 Mehefin 2015 .
Wedi dod o " https://cy.wikipedia.org/w/index.php?title=Gareth_Bale&oldid=12560463 "