Cyfundeb o Eglwysi Uniongred yw Eglwysi'r tri cyngor , neu Eglwysi Uniongred Orientalaidd. Mae'r eglwysi yma mewn cymundeb a'i gilydd ond nid a'r Eglwys Uniongred Ddwyreiniol .

Fe'i gelwir yn Eglwysi'r tri cyngor oherwydd eu bod yn cydnabod y tri Cyngor Eglwysig cyntaf, Cyngor Cyntaf Nicaea , Cyngor Cyntaf Caergystennin a Cyngor Ephesus , ond yn gwrthod penderfyniadau Cyngor Chalcedon . Cynhaliwyd Cyngor Chalcedon yn 451 dan nawdd yr Ymerawdwr Bysantaidd Marcianus . Trafodwyd y cwestiwn a oedd gan Grist natur ddynol a natur ddwyfol, neu a oedd ei natur ddynol wedi ei lyncu yn y dwyfol. Cytunodd y cyngor ar athrawiaeth ‘dwy natur mewn un person’, ond gwrthododd patriarchiaid Alexandria , Antioch a Jeriwsalem dderbyn hyn, gan ddechrau'r ymraniad rhwng Eglwysi'r tri cyngor a'r eglwysi eraill. Cred Eglwysi'r tri cyngor mewn un natur, neu monoffisiaeth .

Mae'r eglwysi yma yn cynnwys:

• yr Eglwys Goptaidd
  • Eglwys Uniongred Ethiopia
  • Eglwys Uniongred Eritrea
• yr Eglwys Uniongred Syrieg
  • Eglwys Uniongred Syriaidd Malankara
• yr Eglwys Apostolaidd Armenia