Cymuned Ymreolaethol Gwlad y Basg

Euskal Herria Euskal Autonomi Erkidegoa
Math	Gwlad
Prifddinas	Vitoria-Gasteiz
Poblogaeth	2,213,993
Anthem	Eusko Abendaren Ereserkia, Gernikako Arbola
Pennaeth llywodraeth	Inigo Urkullu Renteria
Cylchfa amser	UTC+01:00, UTC+2
Iaith/Ieithoedd   swyddogol	Sbaeneg , Basgeg
Daearyddiaeth
Rhan o'r canlynol	De Gwlad y Basg
Sir	Sbaen
Gwlad	Sbaen
Arwynebedd	7,234 km²
Uwch y mor	876 metr
Gerllaw	Mor Cantabria
Yn ffinio gyda	Nafarroa Garaia , La Rioja , Cantabria , Castilla y Leon , Nouvelle-Aquitaine
Cyfesurynnau	43°N 2.75°W
ES-PV
Swydd pennaeth   y Llywodraeth	Lehendakari
Pennaeth y Llywodraeth	Inigo Urkullu Renteria
Mynegai Datblygiad Dynol	0.924
Ffeiliau perthnasol ar Comin
[ golygwch ar Wicidata ]

Cymuned Ymreolaethol Gwlad y Basg ( Basgeg : Euskal Autonomi Erkidegoa , Sbaeneg : Comunidad Autonoma del Pais Vasco ) yw'r gymuned ymreolaethol sy'n cynnwys tair talaith fwyaf gorllewinol y rhan o Wlad y Basg sydd o fewn ffiniau Sbaen . Cyfeirir ati hefyd fel Euskadi mewn Basgeg, term a ddefnyddid yn wreiddiol am y cyfan o Wlad y Basg, ond a ddefnyddir fel rheol bellach fel enw am Gymuned Ymreolaethol Gwlad y Basg. Mae'n gyfrifol am Etxepare Euskal Institutua (Sefydliad Etxepare Gwlad y Basg) corff er hyrwyddo diwylliant Basgeg yn fyd-eang.

Mae'r diriogaeth yn fynyddig, gyda mynyddoedd y Pyreneau a mynyddoedd Cantabria . Mae llawer o ddiwydiant yno, ac mae'n un o'r rhannau cyfoethocaf o Sbaen. Rhennir yr Euskal Autonomi Erkidegoa yn dair talaith:

• Araba ( Alava ). Prifddinas: Vitoria-Gasteiz
• Gipuzkoa ( Guipuzcoa ). Prifddinas: San Sebastian ( Donostia )
• Bizkaia ( Vizcaya ). Prifddinas: Bilbo ( Bilbo neu Bilbao mewn Basgeg) )

Ceir mudiad ymreolaethol cryf yma.

Prif ddinasoedd [ golygu | golygu cod ]

1. Bilbo (354,145)
2. Vitoria-Gasteiz (226,490)
3. Donostia (Sbaeneg: San Sebastian ) (183,308)
4. Barakaldo (95,675)
5. Getxo (83,000)
6. Irun (59,557)
7. Portugalete (51,066)
8. Santurce (47,320)
9. Basauri (45,045)
10. Errenteria (38,397)

Gwleidyddiaeth [ golygu | golygu cod ]

Sefydlwyd y Gymuned fel endid wleidyddol yn dilyn refferendwm dros Statud Ymreolaeth Gwlad y Basg 1979 lle pleidleiswyd yn drwm dros greu Senedd Euskadi . Y bwriad wreiddiol oedd cynnwys Nafarroa yn rhan o'r senedd, ond bu rhwyg a sefydlwyd senedd gyda grymoedd tebyg ar gyfer talaith Nafarroa. Ers ei sefydlu mae Plaid Genedlaethol Gwlad y Basg - EAJ-PNV - wedi bod yn brif blaid yn y senedd yn ddi-dor.