Personau sydd yn rhannu o leiaf un rhiant a'i gilydd yw brodyr a chwiorydd . Brawd yw'r ffurf wrywaidd, a chwaer yw'r ffurf fenywaidd. Yn y mwyafrif o gymdeithasau ledled y byd, mae brodyr a chwiorydd yn cael eu magu gyda'i gilydd ac yn treulio cryn dipyn o'u plentyndod gyda'i gilydd, yn chwarae ac yn cael hwyl. Gellir cysylltu'r agosatrwydd genetig a chorfforol hwn a datblygiadau emosiynol dwys, megis cariad neu gasineb . Yn aml, mae'r berthynas rhwng brodyr a chwiorydd yn gymhleth a gellir dylanwadu arno gan ffactorau fel triniaeth y rhieni o'r plant, trefn genedigaeth, personoliaeth a phobl a phrofiadau y tu hwnt i'r teulu .