Baner Tajicistan

Enghraifft o'r canlynol	baner cenedlaethol
Crewr	Zuhur Habibullaev, Q96383905
Lliw/iau	coch , gwyn , gwyrdd , aur
Dechrau/Sefydlu	24 Tachwedd 1992
Genre	horizontal triband
Ffeiliau perthnasol ar Gomin Wicimedia

Mabwysiadwyd baner Tajicistan ( Tajiceg : Парчами То?икистон / Parcami Tocikiston, Farsi : ???? ??????????) ar 24 Tachwedd 1992 - blwyddyn wedi'r i Tajicistan ddatgan annibyniath oddi ar yr hen Undeb Sofietaidd . ^[1] Mae'r faner yn un trilliw llorweddol - coch, gwyn a gwyrdd. Yn y band gwyn ceir coron a saith seren aur. Mae'r ser aur mewn bwa uwchben y coron.

Symbolaeth [ golygu | golygu cod ]

Mae'r lon wen ganol yn 50% yn lletach na'r bandiau coch a gwyrdd. Mae'r cymesuredd yma yn anarferol mewn baneri trilliw llorweddol. O ganlyniad i hyn, ac yn wahanol i faner Cwrdistan sydd yn yr un lliwiau a'r un drefn, mae delwedd ganol baner Tajicistan yn gyfangwbl y tu fewn terfynnau'r band gwyn.

Mae'r coch yn cynrychioli undod y bobl, mae'r gwyrdd yn cynrychioli'r dyffrynnoedd ffrwythlon a'r gwyn yn cynrychioli eira a rhew y mynyddoedd a lliw cotwm. ^{[2] [3]}

Gosodir y goron a'r ser mewn petryal sy'n cwmpasu 80% o uchder y lon wen. Mae'r goron yn cynrychioli'r bobl Tajic gan fod yr enw Tajic yn gysylltiedig a'r moeseg werin gyda'r Persian Taj (sy'n golygu coron). ^[4] .

Gallery [ golygu | golygu cod ]

Wrth ddathlu 20 mlwyddiant annibyniaeth Tajicistan, ^[5] codwyd postyn baner enfawr ym mhrifddinas y wlad, Dushanbe ? a ddaeth, am gyfnod, y polyn baner uchaf yn y byd. Dechreuwyd ei godi ar Ddiwrnod y Faner yn 2010. ^[6] Mae'n sefyll yn 165 metr o uchder gan ddal y record byd rhwng 2011 a 2014 hyd nes i Bolyn Baner Jedddah yn Arabia Sawdi ei guro. ^{[7] [8]}

Hanes [ golygu | golygu cod ]

Yn ystod yr Undeb Sofietaidd, defnyddiodd yr Gweriniaeth Sofietaidd, SSR Tajicistan, faner bandiau llorweddol gwyn a gwyrdd (y lliwiau cenedlaethol) yn hanner isaf y faner goch ar gynllun nodweddiadol o faneri'r Undeb Sofietaidd. Tajikistan oedd yr olaf o'r 15 gweriniaeth Sofietaidd ar 20 Mawrth 1953 i fabwysiadu'r math newydd hwn o faneri yn y Weriniaeth Sofietaidd. ^[9] Yn flaenorol, dim ond enwau'r weriniaeth o dan y morthwyl a'r cryman oedd i'w gweld yn baneri'r gweriniaethau Sofietaidd.

Yn y broses o ennill annibyniaeth, mabwysiadwyd baner genedlaethol newydd, yn dilyn trefn holl wladwriaethau olynol eraill yr Undeb Sofietaidd. Nes cytuno ar faner genedlaethol newydd, rhwng 1991 a 1992, penderfynodd yr awdurdodau Tajic arddel baner yr hen weriniaeth Sofietaidd ond gan dynnu o'r neilltu y symbolau gomiwnyddol traddodiadol oedd arni - y morthwyl a'r cryman a seren gomiwnyddol.

Baneri blaenorol [ golygu | golygu cod ]

Baneri eraill [ golygu | golygu cod ]

Lansiwyd Ystondord Arlywydd Tajicistan yn 2006 ar achlysur seremoni urddo trydydd tymor Emomali Rahmon fel pennaeth y wladwriaeth. Gan ddefnyddio'r un tri lliw a'r faner genedlaethol, ond mae ganddo farn am y Derafsh K?vi?ni, safon brenhinol Sassanid, gyda llew glasog ar gefndir glas yno o dan gynrychiolaeth lai o'r goron a'r bwa seren. ^[10]

Baneri tebyg [ golygu | golygu cod ]

Coch, gwyn a gwyrdd yw'r lliwiau Pan-Iraniad, sef cenhedloedd sy'n siarad iaith sy'n perthyn i'r teulu Indo-Arieg - fel Farsi , Cwrdeg , Tajic a Pashtun (yn Afghanistan/Pacistan). Mae'r iaith Tajiceg, fel yr ieithoedd eraill yn perthyn i Ffarsi a bu Ffarsi yn iaith statws uchel yng Nghanolbarth Asia am ganrifoedd. Mae'r lliwiau coch, gwyn a gwyrdd yn cynrychioli gwahanol dosbarthiadau o fewn cymdeithas. ^[11] Ar yr olwg gyntaf, ac i'r lygad anwybodus, gall baner Tajicistan edrych yn debyg iawn i faner Hwngari sydd hefyd yn faner trilliw gyda'r band goch ar y top.

Coch - y marchogion, neu'r dosbarth rhyfel a rheoli, cysylltir a dewrder, hunan-aberth

Gwyn - y dosbarth grefyddol; cysylltir a phurdeb moeol, materion ysbrydol

Gwyrdd - dosbarth rhydd, amaethwyr a bridwyr gwartheg; cysylltir a natur, ieuenctid a llewyrch. ^[12]

Dolenni [ golygu | golygu cod ]

• Flags of the World ? Tajicistan

Cyfeiriadau [ golygu | golygu cod ]