Arthur Bottomley
Ganwyd	7 Chwefror 1907  Llundain
Bu farw	3 Tachwedd 1995  Llundain
Dinasyddiaeth	Lloegr
Galwedigaeth	gwleidydd
Swydd	aelod o D?'r Arglwyddi, aelod o Gyfrin Gyngor y Deyrnas Unedig, Aelod o 48fed Llywodraeth y DU, Aelod o 47fed Llywodraeth y DU, Aelod o 46ed Llywodraeth y DU, Aelod o 45ed Llywodraeth y DU, Aelod o 44ydd Llywodraeth y DU, Aelod o 43ydd Llywodraeth y DU, Aelod o 42fed Llywodraeth y DU, Aelod o 41fed Senedd y Deyrnas Unedig, Aelod o 40fed Senedd y Deyrnas Unedig, Aelod o 39fed Senedd y Deyrnas Unedig, Aelod o 38ain Senedd y Deyrnas Unedig, Cynrychiolydd Cynulliad Seneddol Cyngor Ewrop
Plaid Wleidyddol	y Blaid Lafur
Priod	Bessie Ellen Wiles
Gwobr/au	OBE

Roedd Arthur George Bottomley, Barwn Bottomley , OBE , PC ( 7 Chwefror 1907 - 3 Tachwedd 1995 ) yn wleidydd Llafur Prydeinig, yn Aelod Seneddol ac yn weinidog y goron. ^[1] .

Bywyd cynnar [ golygu | golygu cod ]

Roedd Bottomley yr hynaf o bum plentyn George Howard Bottomley, peiriannydd, ac Alice ei wraig. Mynychodd Ysgol Gynradd Gamuel Road, ac Ysgol Bechgyn Pretoria Avenue yn Walthamstow. ^[2]

Ym 1936 priododd Bessie Ellen Wiles, ni fu iddynt blant.

Cyn ymuno a'r Senedd , roedd Bottomley yn drefnydd undeb llafur i Undeb Cenedlaethol y Gweithwyr Cyhoeddus ( NUPE , a ddaeth yn rhan o UNSAIN yn ddiweddarach). O 1929 hyd 1949 roedd yn gynghorydd ar Gyngor Bwrdeistref Walthamstow , ac ym 1945-1946 bu'n Faer Walthamstow. Fe'i penodwyd yn Swyddog yn Urdd yr Ymerodraeth Brydeinig (OBE) yn Anrhydedd Pen-blwydd 1941.

Gyrfa Seneddol [ golygu | golygu cod ]

Etholwyd Bottomley i'r senedd am y tro cyntaf yn etholiad cyffredinol 1945 fel yr aelod dros etholaeth Chatham, Swydd Caint ac fe'i cynhaliodd y sedd (a enwyd yn ddiweddarach yn Rochester a Chatham) hyd iddo ei golli yn etholiad cyffredinol 1959 i'r Ceidwadwr Julian Critchley. Dychwelodd i'r senedd trwy ennill yng Ngorllewin Middlesbrough mewn isetholiad yn 1962 a daliodd y sedd, a'i olynydd Middlesbrough, hyd iddo ymddeol yn 1983. ^[3] .

Gwasanaethodd Bottomley fel gweinidog iau yn llywodraethau Clement Attlee . Bu'n Is-ysgrifennydd Gwladol Seneddol ar gyfer Materion Dominiwn rhwng 1946 a 1947, ac yn Is-ysgrifennydd Gwladol Seneddol ar gyfer Cysylltiadau a'r Gymanwlad ym 1947. Gwasanaethodd fel Ysgrifennydd Masnach Dramor yn y Bwrdd Masnach o 1947 hyd 1951). Yn llywodraethau Harold Wilson gwasanaethodd fel Ysgrifennydd Gwladol dros Gysylltiadau a'r Gymanwlad o 1964 i 1966). Yn ystod y cyfnod hwnnw roedd yn ceisio delio a chanlyniadau Datganiad Annibyniaeth Unochrog Rhodesia . Ym 1966 fe wnaed yn Weinidog dros Ddatblygu Tramor (1966-67). ^[1]

Fe'i dyrchafwyd i D?'r Arglwyddi fel Barwn am oes, Y Barwn Bottomley, o Middlesbrough yn Swydd Cleveland ar 31 Ionawr 1984 .

Marwolaeth [ golygu | golygu cod ]

Bu farw'r Arglwydd Bottomley ar 3 Tachwedd 1995 yn 88 oed. ^[2]

Cyhoeddiadau [ golygu | golygu cod ]

• Why Britain should Join the Common Market, 1959;
• Two Roads to Colonialism, 1960;
• The Use and Abuse of Trade Unions, 1961;
• Commonwealth Comrades and Friends, 1986

Cyfeiriadau [ golygu | golygu cod ]