Ffurfiad cwmwl Altocumulus
Ffurfia'r
altocumulus
yn haenau torredig rhwng tua 6,500 a 18,000 troedfedd a cheir sawl math ohonynt. Un o'r ffurfiau mwyaf cyffredin yw nifer fawr o gymylau bychain crwn sydd bron a chyffwrdd ei gilydd, fel praidd o ddefaid yn llenwi'r
awyr
:
Gwasgarir y cymylau Altocumulus un ai yn ddi-batrwm fel praidd o
ddefaid
yn weddol glos at ei gilydd, neu yn rhesi cyfochrog taclus a ddisgrifir fel 'defaid yn dilyn eu llwybrau'. Gall y cymylau hyn ddwysau nes i'r defaid unigol yn y rhesi glosio a chyffwrdd ei gilydd a chreu llinellau neu resi amlwg, tebyg i'r patrwm rhesog o grychau a welir ar
dywod
y
traeth
ar drai. Bryd hynny fe'u gelwir, yn 'draeth awyr' neu 'awyr draeth'. Ar yr uchder canolig hwn (6,500' ? 18,000') bydd y llinellau yn weddol fras o'u cymharu a math tebyg ei olwg o draeth awyr a welir yn llawer uwch yn yr awyr (Cirrocumulus) sydd, oherwydd ei uchder, a'i resi yn ymddangos yn gul.
Dywediadau
cyffredin am y patrwm rhesog hwn, boed uchel neu isel, yw:
- Traeth awyr ? glaw drannoeth.
- Cymylau fel defaid
Jeriwsalem
? cawodydd (
Cwm Gwendraeth
)
- Defaid Jacob ? cawodydd (
Cwm Tawe
). Defaid Jacob am eu bod yn ddeuliw, sef yn dywyll ar eu hochr gysgodol a gwyn yn wyneb yr
haul
.
-
Altocumulus perlucidus
-
Altocumulus lenticularis
-
Altocumulus - machlud
-
Altocumulus floccus hefo llinell castellanus
-
Altocumulus yn ystod y dydd.
-
Fideo o Altocumulus yn Tokyo]
Mae'r erthygl hon yn cynnwys testun a sgwennwyd ac a briodolir i
Twm Elias
ac a uwchlwythwyd ar Wicipedia gan
Defnyddiwr:Twm Elias
. Cyhoeddwyd y gwaith yn gyntaf yn
Llen Gwerin
(Cymdeithas Edward LLwyd).
