Fe'i anwyd yn Nulyn ar y 30eg o Fawrth, 1880 i deulu tlawd. Bu farw tad O'Casey pan oedd yn chwech oed ac oherwydd nam ar ei olwg prin y cafodd addysg ffurfiol. Gadawodd yr ysgol yn 14 oed a gweithiodd ar y rheilffordd am gyfnod. Priododd yr actores Eileen Carey Reynolds yn 1927 tra yn Llundain ac fe anwyd dau fab ac un ferch iddynt. Bu farw ar y 18fed o Fedi 18ed 1964 yn Torquay , Lloegr .

Ymunodd O'Casey efo'r Conradh na Gaeilge yn 1906 a dysgodd rhywfaint o Wyddeleg . Defnyddiai'r fersiwn Gwyddeleg o'i enw, sef Sean O Cathasaigh. Cymerodd ddiddordeb yn yr Irish Transport and General Workers Union , dan Jim Larkin . Daeth yn Ysgrifennydd Cyffredinol yr Irish Citizen Army ym Mawrth 1914, yn rhagflaenydd i James Connolly . Ond roedd yn rhy fodlon cymodi ac yn rhy elyniaethus i'r IRA . Ym 1917, bu farw ei ffrind Thomas Ashe ar Streic Llwgu. A dyna ddiwedd ei gyfnod politicaidd.

Ysgrifennodd ddramau o hyn ymlaen ar themau Gwyddelig. Cafwyd ymateb ffyrnig yn erbyn The Plough and the Stars (1926); debyg i'r terfysg yn erbyn John Millington Synge a'i The Playboy of the Western World yn 1907. Roedd rhyw a chrefydd yn drech na'r moesau ar y pryd. Ond y peth cryfa yn ei erbyn oedd aralleirio geiriau Padraig Pearse a fflangellu'r hyn a ystyriai fel "holl ffug-rhamanteiddio" arwyr Gwrthryfel y Pasg . ( Gwyddeleg : Eiri Amach na Casca ). Enillodd ddigon o elynion wedyn.

Daeth i Brydain, byth i ddychwelyd i fyw yn Iwerddon, yn 1927 er mwyn derbyn y wobr Hawthornden ac i gynhyrchu Juno and the Paycock , ac yn 1928 gwrthododd ei ddrama The Silver Tassie gan W. B. Yeats ar gyfer Theatr yr Abaty Dulyn, felly llwyfanodd y ddrama yn Llundain efo set gan Augustus John . Arhosodd yn Lloegr. Ysgrifennodd The Star Turns Red (1940), drama a seilwyd ar fywyd yr undebwr James Larkin ) ac sy'n feirniadaeth lem ar gymdeithas Iwerddon a'r Eglwys Gatholig Rufeinig yn arbennig. Wedi ei farwolaeth aeth ei bapurau dros y byd, yn cynnwys casgliadau yn Llyfrgell Gyhoeddus Efrog Newydd , Llyfrgell Prifysgol Cornell , Llyfrgell T?'r Senedd, Prifysgol Llundain , a Llyfrgell Genedlaethol Iwerddon .

• Lament for Thomas Ashe (1917), dan y fersiwn Gwyddeleg o'i enw Sean O'Cathasaigh
• The Story of Thomas Ashe (1917), dan y fersiwn Gwyddeleg o'i enw Sean O'Cathasaigh
• Songs of the Wren (1918), dan y fersiwn Gwyddeleg o'i enw Sean O'Cathasaigh
• More Wren Songs (1918), dan y fersiwn Gwyddeleg o'i enw Sean O'Cathasaigh
• The Harvest Festival (1918)
• The Story of the Irish Citizen Army (1919), dan y fersiwn Gwyddeleg o'i enw Sean O'Cathasaigh
• The Shadow of a Gunman (1923)
• Kathleen Listens In (1923)
• Juno and the Paycock (1924)
• Nannie's Night Out (1924)
• The Plough and the Stars (1926) (fersiwn Llydaweg: An Arar hag ar Stered 1993)
• The Silver Tassie (1927)
• Within the Gates (1934)
• The End of the Beginning (1937)
• A Pound on Demand (1939)
• The Star Turns Red (1940)
• Red Roses for Me (1942)
• Purple Dust (1940/1945)
• Oak Leaves and Lavender (1946)
• Cock-a-Doodle Dandy (1949)
• Hall of Healing (1951)
• Bedtime Story (1951)
• Time to Go (1951)
• The Bishop's Bonfire (1955)
• A Sad Play within the Tune of a Polka (1955)
• The Drums of Father Ned (1959)
• Behind the Green Curtains (1961)
• Figuro in the Night (1961)
• The Moon Shines on Kylenamoe (1961)
• Niall: A Lament (1991)
• Hunangofiant (6 cyfrol): Mirror in my House 1965.
  • I Knock at the Door
  • Pictures in the Hallway
  • Drums Under the Window
  • Inishfallen Fare Thee Well
  • Rose and Crown
  • Sunset and Evening Star

• Krause, David. Sean O'Casey and his World . New York: C. Scribner's, 1976. ISBN 0-5001305-5-8
• Irish Writers on Writing featuring Sean O'Casey. Edited by Eavan Boland?; Trinity University (Texas) Trinity University Press, 2007.
• Schrank, Bernice. Sean O'Casey: A Research and Production Sourcebook . Greenwood Press, 1996. ISBN 0-313-27844-X

• safle am Sean O'Casey Archifwyd 2012-03-01 yn y Peiriant Wayback .
• Sean O’Casey a gwrthryfel y Pasg 1916
• O'Casey yn Today in Literature