Abaty Westminster

Abaty Westminster
Math	cadeirlan Anglicanaidd, Royal Peculiar, atyniad twristaidd, eglwys abadol, eglwys Anglicanaidd, eglwys golegol
Enwyd?ar?ol	Sant Pedr
Ardal?weinyddol	Dinas Westminster
Sefydlwyd	10 g ; 1540 ( eglwys gadeiriol )? ;
Daearyddiaeth
Rhan?o'r?canlynol	Palas San Steffan ac Abaty Westminster gan gynnwys Eglwys Santes Marged, Westminster?
Sir	Llundain Fwyaf ; ( Sir seremoniol )
Gwlad	Lloegr
Cyfesurynnau	51.4994°N 0.127367°W?
Cod OS	TQ3008279490?
Rheolir?gan	English Heritage
Arddull?pensaerniol	pensaerniaeth Gothig , celf Gothig
Perchnogaeth	English Heritage
Statws?treftadaeth	adeilad rhestredig Gradd I?
Cysegrwyd?i	Sant Pedr
Manylion
Esgobaeth	Esgobaeth Anglicanaidd Westminster?
	Ffeiliau perthnasol ar Comin
	[ golygwch ar Wicidata ]

Eglwys fawr gyda phensaerniaeth Gothig ydy Eglwys Golegol San Pedr yn Westminster , sy'n fwy adnabyddus o dan yr enw Abaty Westminster ( Saesneg : Westminster Abbey ). Fe'i lleolir yn Westminster , Llundain , ychydig i'r gorllewin o Balas San Steffan . Dyma safle traddodiadol coroni a chladdu brenhinoedd Lloegr.

Cychwynnwyd ar y gwaith o godi'r Abaty presennol ym 1245 gan Harri III, brenin Lloegr a ddewisodd y safle gyda golwg ar fan i'w gladdu wedi ei farwolaeth. ^[1]

Ymhlith y rhai a gladdwyd neu a goffawyd yno y mae: Syr Winston Churchill , Oliver Cromwell , Charles Darwin , Charles Dickens , Benjamin Disraeli , Gabriel Goodman (o Ruthun), Georg Friedrich Handel , David Livingstone a William Shakespeare .

Ynghyd a Palas San Steffan ac Eglwys Santes Marged, Westminster , sy'n sefyll ar yr un safle o arwyddocad hanesyddol a symbolaidd ger Afon Tafwys, mae'r Abaty ar restr UNESCO o Safleoedd Treftadaeth y Byd ers 1987 . ^[2]

Mae'r enw 'Abaty San Steffan', a welir weithiau, yn anghywir. Mae Palas San Steffan (Saesneg: Palace of Westminster ) yn cael ei enwi yn y Gymraeg ar ol capel San Steffan lle bu'r T? Cyffredin yn eistedd rhwng 1547 a 1834, ac sydd bellach yn neuadd a mynedfa gyhoeddus i'r Palas. Pedr , nid Steffan , yw nawddsant yr abaty. 'Westminster', felly, sy'n gywir ar gyfer yr abaty a’r ardal y mae’n sefyll ynddi (ac yn wir enw anffurfiol ar gyfer yr abaty oedd 'Westminster' yn wreiddiol); y palas a'r senedd sy'n cyfarfod yno yw 'San Steffan'.

Seintwar

Yn 1482, wedi i Richard III, brenin Lloegr gipio coron Lloegr oddi wrth Edward V a oedd ar y pryd yn ddim ond 12 mlwydd oed, ffodd mam Edward, Elizabeth Woodville am ei bywyd gan hawlio lloches, gyda'i merch Elisabeth o Efrog ac eraill o'i theulu, yn Abaty Westminster. Bu yno am rai misoedd; yn y cyfamser, roedd y brenin newydd yn awyddus iawn i'w hatal rhag cysylltu gyda Harri Tudur yn Llydaw , ac yn awyddus i'w cloi yn Nh?r Llundain . I'r perwyl hwn, amgylchynodd Richard yr abaty gyda llu o'i filwyr gorau i atal neb rhag mynd i mewn nag allan. Roedd mam Harri Tudur, Margaret Beaufort yn awyddus i gysylltu gydag Elizabeth, a oedd i bob pwrpas yn garcharor yn yr abaty. Meddyg Elizabeth Woodville a'i theulu oedd y Lancastriad pybyr Lewis o Gaerleon , a heriodd farwolaeth sawl tro yn cludo negeseuon o'r naill at y llall, gan gyd-drefnu priodas Harri ac Elisabeth o Efrog. Mae'n debyg mai dyma pam y gwobrwywyd ef yn ariannol, wedi i Harri ladd Richard ym Mrwydr Bosworth .

Dolenni allanol

Gwefan swyddogol
Delweddau hanesyddol o Abaty Westminster Archifwyd 2014-01-07 yn y Peiriant Wayback .
Westminster Abbey: A Peek Inside Archifwyd 2010-12-28 yn y Peiriant Wayback . ? sioe sleidiau gan Life
Keith Short ? Sculptor Delweddau o gerfluniau carreg yn Abaty Westminster
Abaty Westminster ar Twitter

Cyfeiriadau

↑ Gwefan Saesneg yr Abaty
↑ "Palace of Westminster and Westminster Abbey including Saint Margaret's Church" . UNESCO World Heritage Centre . UNESCO . Cyrchwyd 31 Mai 2019 .

Eginyn erthygl sydd uchod am Lundain . Gallwch helpu Wicipedia drwy ychwanegu ato .

[1] Gwefan Saesneg yr Abaty

[2] "Palace of Westminster and Westminster Abbey including Saint Margaret's Church" . UNESCO World Heritage Centre . UNESCO . Cyrchwyd 31 Mai 2019 .

[1]

[2]