I
sprissioni corsi
(o
espressioni corse
) so una cumpunenti impurtanta di a lingua e di a cultura corsa. Parti e piu di i sprissioni corsi so usati in tutti i parti di l'isula, in
Pumonti
com'e in
Cismonti
. Ma uni pochi so lucali e specifichi di tali paesi o tali righjoni di l'isula.
U paragonu he usatu a spessu in i sprissioni corsi. Tra i sprissioni a paragonu, si po mintuva:
beddu com'e un fiori
,
rossu com'e un bagu
,
cordu com'e un viulinu
,
cioncu comu un biccazzu
,
cuntenti com'e un pichju
, e cetara... Tandu u paragonu he introduttu da
com'e
. Ma ci so dino altri formi di paragonu, chi so introdutti da
quant'e
:
he quant'e a attacca si a a croci !
,
he quant'e a zappa in acqua !
,
so quant'e i sturneddi !
,
i stani a senta quant'e i topa a veghja
,
manghja quant'e setti
, e cetara...
L'invintariu di i sprissioni corsi ha cuminciatu incu parechji autori, fra i quali si po mintuva:
Antone Mattei
, in u so
Pruverbii, detti e massime corse
(1867).
Parechji autori, fra i primi autori in lingua corsa, facini usu di sprissioni o buccati. Par esempiu, ci so bon'parechji sprissioni in u
Sirinatu di Scappinu
di
Salvatori Viale
, in u
Viaghju in Ascu
di
Anton Liunardu Massiani
, o ancu in i
Puisii Ghjucosi
di
Monsignori di la Fuata
. Ma i sprissioni so usati dino a spessu in i
lamenti
o in i
vociari
.
Ind'e
Antone Leonardu Massiani
, si po mintuva, fra altri sprissioni, in u
Viaghju i Ascu
:
un vale un ficu
(
un valianu un ficu
),
a tempu e a locu
,
un ci pensava un zeru
,
fa ride i spurtelli
(
Fattu avarianu ride li spurtelli
; si dici ava:
faci rida ancu i sporti
),
esse statu a a scola di e curnachje
(
Site statu a la scola di e curnachje.
),
Finchi u sole un affacca a tramuntana !
.
Fra i sprissioni usati da Monsignori di la Fuata in i so
Puisii Ghjucosi
, si po cita:
fa Roma e Toma
(
Vol' fa sempri Roma e Toma
),
in emma ed emma
,
essa beddu e bonu
(
Toni puri lu cannonu Lu puiema he beddu e bonu
),
corra a fiumi
(
Si dilata e corri a fiumi Lu vilenu dli custumi
).
Ma si po pinsa chi l'invintariu di i sprissioni corsi un he ancora cumplettu. Chi a lingua corsa he ricca di numarosi sprissioni, chi poni cambia da un paesi a l'altra. Si po cunsidara chi una parti impurtanta di 'ssi sprissioni un he ancora stata scritta e transmissa, par via di a stampa, di a radiu o di a Reta. Una parti, chi po essa cunsidarevuli, ferma sempri da scriva e da trasmetta.
Una difficulta chi he custatata calchi volta in u studiu di i sprissioni corsi he a diffarenza tra i sprissioni e i pruverbii. Difatti, accadi a volti ch'un pruverbiu fussi dirivatu di una sprissioni. Par esempiu, ci he a sprissioni
fa u passu piu longu ch'e l'infurcatura
e u pruverbiu chi n'he dirivatu:
Un ci vo micca a fa u passu piu longu ch'e l'infurcatura
. He listessa cosa incu a sprissioni
ampara l'Ave Maria a u vescu
e u pruverbiu assuciatu:
A u vescu, un s'ampara micca l'Ave Maria
. In casi simuli, ci so dui custruzzioni: a pruverbiu, e a sprissioni.
A quistioni si poni dino calchi volta incu certi pruverbii corti corti, com'e:
Corpilonghi Auccianesi
. A parsona si po dumanda s'eddu he pruverbiu o sprissioni. A risposta va linda linda quandu si rimetti u verbu chi ci manca:
Auccianesi so corpilonghi
. E tandu si capisci be ch'eddu he pruverbiu. He listessu affari par
Moitinchi corifinti
,
I muntona frassitani
, e cetara...
- a matina leone a sera cuglione
- a quandu troppu a quandu micca !
- a scimesca
- a chi in Cilaccia, a chi in Pumonti
- a Strada di Roma
- aghju addivatu i corbi par caccia mi l'ochja
.
- aghju vistu a Ghjobba
- agliu he andatu e cipolla he vultatu
- allora? - U frati s'he coltu a sora!
- ampara a babbu a futta
- ampara a u preti a di a messa
- ancu si volta edda a te
(risposta a una ghjastema)
- ancu u ghjallu li face l'ovu
- Angnula si chjamava
- annantu a una anca un si po micca sta.
- annantu una anca!
- acqua in bocca e ditu in culu!
- arba tabacca e chjoda!
- ave a barba a paesi
: ave poca barba
- avvigni a Vignali chi he un beddu paesi!
- batta a campagna
:
batti a campagna
- beddu chi pari un' fiori
- beddu chi pari una puppusgiula
- beddu comu un' fiori
- biatu a chi ti vedi e santu a chi ti tocca.
- bocca chjusa e acqua in bocca
- boccala par Corsica!
- briacu a tappu
- briacu persu
- briacu zuffu
- bruttu com'e u piccatu
- bruttu puzzinosu
- bughju neru
- calca com'un falchettu
- carcu imbardatu
- carcu inzimpinatu
- castra i cucchi
- castra i falchetti
- cerca a rogna a gratta
- ci capisci com'e Cristu in i sarrenduli
- ci capisci com'e i porchi in a musica
- ci corre u batarchju
: un ci he nimu
- ci he da bia e da mangna
- ci he tre ghjatti
- ci voli chi eddu falghi in Zirionu a fa o di culu
- cioncu comu un' biccazzu
- cioncu comu una campana
- comu va? - com'e a capra annantu a a panca!
- cordu comu un viulinu
- cuntenti com'e un
cuccu
- cuntenti com'e un pichju
- da sestu in pianu
- dannu e risa !
- dici quant'e un campu di lupini
- dumani ha da fa ghjornu!
- essa quant'e i sturneddi
Asempiu:
So quant'e i sturneddi !
- duru chi pari petra
- duru com'e petra
- essa be e megliu
Asempiu :
Erami be e megliu.
- eti truvatu a fica cuddatoghju
- fa a veghja di san Gallu
- fa si vene i fantiglioli
- fa u musu
- fa una vita peghju che un caracco
- faci l'arrega e porta
- faci un fretu chi si secca !
- fala a ciarbeddu in bocca
- falsu com'e u ramu
- falsu comu a cicuta
- fatigatu persu
- finu chi pari ostia
- firma si com'e un bucali
- forti com'e un scoddu
- frametta si in l' affari di l'altri
- fughje cume u diavule a a croce
- ghjandi di listessa leccia
- ghje un cantatore di cantina
- goffu comu u piccatu
- grassu com'e un porcu
- grossu com'e una butti
- ha sasciatu a Cicciaronu
: se mori struitu
- he andatu beccu, he turnatu capra
- he buciardu cum'e scopa
- he compia a festa d'Ampaza
- he contu a fa un cunventu a morianinchi
- he cume Magumettu un'he ne casa ne tettu
- essa di capu e di coda
:
he di capu e di coda
- he falsu cume a lisciva
- he finitu u tempu chi Marta filava. Avali so vechja e mi scappa a bava
- he in apa
- he mortu Rigalinu
- he sgalabatu cume u veneri
- he statu u viaghju di u sali
- he u boie chi tratta u cavallu di curnutu
- i calori di San Larenzu
- in casa di Cristu
- in quartu, in quinta e in culu
- in quattru e tre setti
- in su li forchi (in su li forchi, a u frescu!
- '
ssi pochi ghjorna
- l'affari so in francesu
- largu in brenna e schersu in farina
- l'emu persu senza ghjuca lu a carti
- l'ha tagliatu u capu
- l'he cuddata e l'he falata
- li mangna a suppa in capu!
- longu com'e a fami
- longu com'e un palu di fasgiolu
- l'ovu un servi micca ca in Pasqua, ma servi tutti i ghjorna
- mangna si a vitella in corpu a a vacca
- magru com'e un chjodu
- magru com'e un rochju
- malu com'e u piccatu
- mancu l'acqua di u mari u ti lava.
- mangna paternostru e caca diauli
- mangna quant'e setti
- mansu tontu
- metta u focu in arba verdi
- neru com'e u carbonu
- neru com'e u culu di a paghjola
- novu framanti
- o manghja issa minestra O salta issa finestra
- o manghji a minestra o salti a finestra
- pari un gricciulu bocca aparta!
- pari una sporta sfundata
- parini foli
- pidda, stidda e tira in a zidda!
- pidda, tadda e metti in tuadda!
- pidochju rifattu
- piova a bido
Asempiu:
Piuvia a bido.
- purta in bocca
- purta pa u nasu
:
i porta pa u nasu
- Quessu beie cume un tofone di rena
- quissu sa quantu u granu vali a loghja
- riccu merzu
- roda l'aglia
- rompa i stacchi
- rondu com'e un ballinu
- rondu com'e una mela
- rossu chi pari un bagu
- rossu imbagatu
- saccu biotu un teni ritu !
- sali e sapienza
- scemu compiu
- scemu in tuttu
- scherzu in u brinnu e largu in a farina
- se tu campi n'ha da veda d'altri
- seccu incastulatu
- sempri festa in Ampaza !
- senta si u culu merdosu
:
ti senti u culu merdosu?
- si he mossu un ventu a scurna i boii
- so di Castineta mi ritirgu
- so di Castineta miru e tiru
- so piu parenti ch'e amichi
- sta solu com'e l'arimitu
- stancu mortu
- steti sani, steti luntanu!
- sticchitu com'e a ghjustizia
- stocafissu e baccala apri a bocca e fa fala
- tamant'e u mondu
- techju com'e un porcu
- t'ha e zucche chi li nascenu in culu
:
t'ha mori scianza
- tocca, tocca, in bracciu a minnana
- tontu com'e un viteddu
- tontu com'e un sameri
- tontu da lia
- tontu di baddi
- tontu in tuttu
- tontu liatoghju
- tontu persu
- Torna a Vignali chi he u beddu paesi !
- u sameri chi chjama pitonu u cavaddu!
- u Signori l'ha cacciatu a
mani
di
capu
.
- u so acu eun he cascatu in u lamaghjonu
- u tenenu cume a coppa u veneri santu
- un annu he cuccu, un annu he falcu
- un colpu a u chjerchju e quill'altru a a botte
- un essa micca di sittimana
- un he mancu una fraula in bocca a l'orsu
- un he ne carni ne pesciu
- un li manca ca a parola
- un n'ha ne pa u capu ne pa a coda
- eun ni sorti mancu in calzunettu
- un possu micca piglia a Cristu pa a barba
- un sa fa un o di canna
- un sa indu caca l'ovu
- un sa s'eddu codda o s'eddu fala
- un saltu, un frisciu
- un vedi mancu u corbu in u latti !
- una pacienzia di frati
- unu in Cilaccia, unu in Pumonti
- va a circa u ruspu in a tana
- va a piglia l'acqua cu u spurtellu
- vechju zerricu
- vogli di corpu, so vogli di corpu!
- zirica u vispaghju
- Antone Mattei,
Pruverbii, detti e massime corse
, 1867
- Martinu Appinzapalu,
A Corsica in pruverbi e detti : 1100 pruverbi e detti
, 1996
- Paulu Arrighi,
U libru di i detti corsi - Le livre des dictons corses
, 1993
- Ettori, Farrandu,
Antulugia di i sprissioni corsi - Anthologie des expressions corses
, Parighji: Rivages, 1984
- [https://web.archive.org/web/20100612022815/http://adecec.net/adecec-net/parutions/pdf/liatafiumurbaccia.pdf Archiviu
2010-06-12 at the
Wayback Machine
Liata fiumorbacciu di 500 buccati corsi, Carulu Dumenicu Santoni,
Adecec
]