U
pesciu rondina
[1]
(
Dactylopterus volitans
)
[2]
he una spezia di pesciu chi face parte di a famiglia di i Dactylopteridae.
A testa he abbastanza maiore, incu una grande bocca, munita di un'armatura ossacuta. U corpu he allungatu, piuttostu cumpressu annantu a u spinu. U pesciu rondina pussede duie nutaghjole dursale, a prima he addirizzata da i raghji zimbrunuti simili a quelli di e spine (cum'e a nutaghjola anale) mentre ch'e a siconda he piu dolce. E nutaghjole ventrale so pinzute, a coda he allungata. A piu caratteristica visibile di 'ssa spezia so e grande nutaghjole petturale, sustenute da longhe e forte righe chi, quand'elle so allargate, formanu una grande ellisse, permittendu a i pesci di " aria " vicinu a u fondu marinu.
A livrea varieghja appena da un esimplare a l'altru, incu un culore di fondu andendu da u grisgiu-brunu a u giallu o ancu u russicciu, decurata di 3 fasce o piu chi so verticale brune e pichjulate bianche. E nutaghjole petturale anu listessa culurazione, ma so puntighjate e cuttighjate dinu di un turchinu elettricu.
U pesciu rondina aghjunghje una lunghezza di 50 cm.
U nome di pesciu rondina vene da a cridenza chi 'ssu pesciu po bula fora di l'acqua grazia a e so nutaghjole pettorale assai larghe. Eppuru, he impussibile per via di a struttura massiccia di u pesciu e soprattuttu di a testa abbastanza greva chi he coperta a placche d'ossu.
U so ambiente he benticu e ha e so limite tra 10 e 80 metri di prufundita. U pesciu rondina sta in i fondi marini di u mare Terraniu, di Madera, di l'Azzore e di l'oceanu Atlanticu, da l'Angola a a costa europea (qualchi volta da u nordu a u sudu di l'Inghilterra ) in l'Atlanticu di l'Est e da u Canada a l'Argentina in l'Atlanticu di u Punente. I campioni ghjovani si trovanu dinu a uni pochi di metri di prufundita, annantu a i fondi rinosi.
- ↑
'Ss'articulu pruvene in parte da l'articulu currispundente di a wikipedia in talianu.
- ↑
Casanova (2010), p. 481.
- Petru Casanova,
Motti
, Albiana, 2010
