Una muntagna he un rilievu di a superficia terrestra chi si stende sopra a u terrenu circustante in un'aria limitata. Sicondu e cunvinzione europee a so altezza deve esse d'almenu 600 metri sopra a u livellu di u mare ( s.a/u.m. ) e u so aspettu deve esse almenu in parte d'accessu difficiule. Di manera analoga si parle di muntagna ancu quand'omu si rifererisce a i rilievi chi si scontrani annantu a l'altre pianete o annantu a i so satelliti .

A muntagna he furmata da un agglumeratu di terra e di roccia chi s'alza da a superficia di a Terra , righjunghjendu a volta ancu altitudine altimetriche assai elevate, e incu caratteristiche geomorfologiche diverse per ogni muntagna.

Sicondu e varie necessita, ci so tre definizione di muntagna: cunvinziunale, tradiziunale e statistica.

Un inseme di muntagne vicine e culligate tra elle prende u nome di gruppu muntosu , massicciu muntosu o catena muntosa . Infine s'he solitu a distingue tra bassa muntagna e alta muntagna , pigliendu in generale cum'e quota di suddivisione i 1.500 m s.a/u.m.

U studiu di e muntagne, a tempu a quellu di l'altri rilievi terrestri, entre in a branca di a geugrafia fisica cunnisciuta cum'e orugrafia .

Furmazione e sviluppu [ mudifica | edita a fonte ]

Una muntagna he di solitu produtta da u muvimentu di e placche litosferiche , tantu per muvimentu orugeneticu ch'e per muvimentu epirogeneticu . E forze cumpressive, u sullivamentu isustaticu e l'intrusione di materiale igneu , forzanu e rocce superficiale a l'insu, criendu una massa piu alta ch'e in u territoriu circustante. Sicondu l'altezza s'ottene una cullina o, s'ella he piu alta e ripida, una muntagna. L'altezza assuluta di muntagne e culline varieghja sicondu a tupugrafia di l'aria.

E muntagne piu alte tendenu a prisenta si in longhi archi liniari, indichendu attivita e cunfine di e placche tettuniche. A criazione di e muntagne tende a avvene in periodi di tempu definiti, detti orogenie . Duie tipi di muntagne so furmati sicondu cum'e e rocce riagiscenu a e forze tettoniche - per sullivamentu o per ripiigamentu.

Parechje muntagne isulate so produtte da vulcani , cumprese parechji isule , apparintamente chjuche, chi righjunghjenu una nutevule altezza rispettu a u fundale oceanicu.

E muntagne so criate per sullivamentu quandu larghe zone so strade di faglie chi creanu grandi dislucamenti verticale. I blocchi alzati custituiscenu e muntagne. I blocchi chi cadenu da quesse ponu esse chjuchi o furma stesi sistemi di fosse tettoniche. Stu tipu di paisaghju si po vede in Africa orientale, annantu a i Vosgi , in a valle di u Renu e in a zona di u Basin and Range in l'America nordu occidentale.

U sviluppu o menu d'una muntagna in altezza dipende unicamente da u bilanciu tra e forze d'orogenese e quelle d'erusione da parte di l'agenti atmusferichi ( precipitazione , ventu , cutrura ): s'e e prime prevalenu annantu a e seconde a muntagna cresce assai pianu in altezza. S'e invece so e seconde a prevale tandu a muntagna pianu pianu diminuisce altrettantu a so altezza. E muntagne vechje tendenu inoltre a apparisce piu dolce per effettu di l'erusione stessa, e viciversa muntagne piu ghjovane tendenu a esse piu aspre.

Altezza [ mudifica | edita a fonte ]

L'altezza o quota altimetrica d'una muntagna he definita cum'e a distanza verticale da a vetta di quella muntagna finu a righjunghje u livellu mediu di u mare . A piu alta muntagna di a Terra he u Monte Everest , di 8.850 m s.a/u.m. sicondu a misurazione fatta da satellitu in u 2002. Si trova in a piu impurtante catena muntosa di a pianeta, l' Himalaya chi sipara India, Nepal e Bhutan da a China.

In altirnativa a a definizione data si puderia impruda altre definizione: partendu da u centru di a terra oppuru da a basa di a muntagna stessa. Infatti per via di u rigunfiamentu equaturiale e muntagne chi si trovanu piu vicine a l' equatore anu una grande distanza da u centru di a terra. Inoltre una muntagna po alza si da un fundale oceanicu postu sottu u livellu di u mare.

In stu modu u Monte Chimborazo , in Ecuador , he 2.150 m piu luntanu ch'e l'Everest rispettu a u centru di a Terra ma incu 6.272 m un he micca nemmenu u piccu piu altu ch'e l' Ande . Inoltre u Mauna Loa he piu altu ch'e l'Everest s'eellu si misura a parte da a so basa annantu a u fundale oceanicu ma micca s'ellu si misura a so vetta a parte da u livellu di u mare.

Infine parlendu di e muntagne straterrestre a piu alta muntagna di u sistemu sulariu he l' Olympus Mons , chi si trova annantu a Marte , chi supereghja i 27 km d'altezza.

Pruminenza [ mudifica | edita a fonte ]

Per sottulinia l' impurtanza d'una muntagna he imprudatu u cuncettu di pruminenza tupugrafica . Sta definizione permette di di quantu una muntagna he isulata oppuru quant'ella prevale annantu a quelle ch'ella ha in i so cuntorri.

Isulamentu topugraficu [ mudifica | edita a fonte ]

Ancu l' isulamentu topugraficu he un elementu chi cuncorre a ditermina l' impurtanza d'una muntagna. Si tratta in stu casu di a minima distanza orizuntale tra a muntagna stessa e u piu vicinu puntu d'altezza maiore.

Attivita turistiche e spurtive [ mudifica | edita a fonte ]

Parechji muntagne so moltu difficiule da scalare e offrinu viste spittaculare. Per stu parechje persone apprizzieghjanu l'attivita di l' alpinismu , l' arrampicata spurtiva e u trekking .

E muntagne so ancu u locu induve si praticheghjanu parechji sport invirnali ( schi alpinu , schi alpinismu , schi nordicu e cetera.) e destinazione di vacanze estive e invirnale, rivestendu dunque un'impurtanza micca sicundaria in u turismu e in l'attivita ecunomiche cunnesse.

Citazione [ mudifica | edita a fonte ]

Accade chi a muntagna fussi citata in a cultura e a litteratura corsa. Per esempiu in u pruverbiu:

• Cu a forza s'abbatenu ancu e muntagne .

Note [ mudifica | edita a fonte ]

Da vede dinu [ mudifica | edita a fonte ]

• Gruppu muntosu
• Alta muntagna
• Bassa muntagna
• Elencu di muntagne
• Catena muntosa
• Muntagne annantu a altri corpi di u Sistemu Sulariu