A meridiana (o u miridianu ) he un anticu strumentu di misura di u tempu basatu nantu a pusizione di u Sole .

He custituatu d'una tavula graduata induva he inciuttatu un bastone, chjamatu stilu o ancu a tortu ‘gnomone’ (chi he l'antenatu di a meridiana) chi quandu u Sole passa face un ombra nant'a e graduazione permittendu l'indicazione di l'ora.

U gnomone he un bastone verticale chi indica l' ora sicondu a so lunghezza o a so direzione. Nant'a e meridiane currente, u gnomone he di manera generale un assu infilatu cu l'assu di rotazione di a Tarra , u gnomone si chjama allora ‘stilu’. L'inclinazione, dipende di a latitudine di u locu induv'ellu he fattu, permette di da l'ora piu precisa.

Storia [ mudifica | edita a fonte ]

A meridiana he cunsiderata cumme unu di i primi strumenti di misura di u tempu chi l'omi anu fattu usu. U gnomone he cunnisciutu dipoi circa 5000 anni prima Cristu. U gnomone avia u listessu principiu che a meridiana, ci vulia a pianta un bastone in tarra e u muvimentu di u Sole (oghje si sa ch'ellu he u cuntrariu) face move l'ombra nant'a tarra. Dopu, in Egittu , e prime meridiane vere so custruitte versi -1500, piu tardi un mudellu novu (u scaffe) he fattu in Grecia . Quelli mudelli sparchjianu u ghjornu in 12 ore d'istate e d'invernu : l'ore d'istate eranu piu longhe che quelle d'invernu pa adattali a u ciculu di e stagione.

In Corsica [ mudifica | edita a fonte ]

Si vedenu e meridiane annantu e facciate di certe case antiche ^[1] . In oltre, a meridiana era usata a tempi antichi per da l'ora a i travagliadori, a i cantuneri o a i campagnoli. Si ponu vede sempre e meridiane annantu a certe case antiche. In a rigione di Portu Vechju ^[2] , si po vede una meridiana per esempiu annantu a a Casa cantunere di u casone chi si trova annantu a u stradone, nanzi di ghjunghje a u ponte di l' Osu . 'Ssa casa fu custruita in u 1857 eppo vinduta dopu, in u 1994. Tandu u casamentu fu rifattu e dinu a meridiana.

Citazione [ mudifica | edita a fonte ]

He mintuvata quachi volta a meridiana in a litteratura o a cultura corsa. Per esempiu in a puesia intitulata L'uspidali di Marcu Ceccarelli :

Insiddatu a a teghja, l'anticu miridianu

Porghji l'ora a chi passa senza nisciun' prighera

E quandu u soli stancu si chjina pianu pianu

S'addurmenta anch'iddu, stancu a a so manera.

Referenze [ mudifica | edita a fonte ]

1. ↑ (in francesu) Lucetta Poncin, Vida di u Taravu , Alanu Piazzola, 2004.
2. ↑ U Scoddu - Misincu di Cultura e d'Infurmazioni, 42, Frivaghju 2009.