Francisco Coloane (Quemchi, 19 di lugliu 1910 - Santiago di u Cili, 5 d'aostu 2002 ) he statu un scrittori cilenu . He cunsidaratu un di i piu grandi rumanzieri latinu-americani di u XX seculu .

Parechji critichi l'ani ancu paragunatu a autori com'e Ghjaseppu Conrad e Herman Melville . Si riteni ch'e i so opari aghjini furtamenti influinzatu, aldila di un'intreia generazioni di scrittori sudamericani, ancu l'opara di Bruce Chatwin .

U sensu di grandezza e di putenza di a natura, da i muntagni a i pianuri di a Patagunia , da a scunfinata sulitudina di i diserti a l'uceanu, he diffusu in tutti i so opari.

Una volta Coloane dissi, parlendu di cio chi l'avia spintu a scriva, ch'eddu era divintatu scrittori par nustalgia, par via di a mancanza di u mari e di i so isuli.

Biugrafia [ mudifica | edita a fonte ]

Francisco Coloane nasci in Cili , a Quemchi, in a pruvincia di u Chiloe . U so babbu, Juan Agustin Coloane, fu capitanu di a prima baliniera cilena e a so mamma, Humiliana Cardenas, era una piccula prubitaria tarrania.

A l'ita di 15 anni avia dighja persu tremindu i parenti. Truvendu si custrettu a stanta u so pani, abbanduno a scola salesiana ind'eddu studiava e truvo travagliu com'e marinaru, annantu a i barchi longu i canali, com'e pidonu in i tinuti agriculi di a pampa australi, e participo ancu a i ricerchi pitrulifari in a zona di u Strettu di Magellanu .

A l'iniziu di l'anni Trenta, Francisco Coloane si tramuto in Santiago di u Cili , in cerca d'oppurtunita migliori. Qui truvo travagliu com'e ridattori par u ghjurnali L'Ultimi Nutizii . Calchi annu dopu cumincio a scriva raconti chi funi publicati da parechji ghjurnala e rivisti.

Coloane conta i so numarosi viaghji, cumpiiti a cavaddu, in navi, barca, vilieri. In u 1947 participo a una spidizioni di carattaru scentificu-militara in l' Antartidi ; viaghjo in a rigioni australi di u Cili incu Etvu?enko , u pueta russiu. Trascorsi dopu dui anni in China , viaghjendu a traversu a Mongulia , chi li ricurdo cusi da vicinu l'infiniti distesi di a Patagunia, ind'eddu avia trascorsu parti di a so ghjuvantu. Viaghjo dopu finu a i Galapagos , ussirvendu e discrivendu incu passioni un patrimoniu naturali inparagunevuli e senza difesa.

Coloane ha fattu cunnoscia aldila di i so probbii cunfini i rigioni piu isulati e scunnisciuti di u Cili: a parti piu australi di a terra, a pruvincia di u Strettu di Magellanu e, di manera particulari, a Terra di u Focu . U mondu a a fini di u mondu di Coloane he un uceanu grisgiu e burrascosu, e i so acqui so pupulati di baleni e balinieri, vechji marini , piscadori e timpesti.

Ci conta Marcu Biancarelli una passata ^[1] chi cuncerna Francisco Coloane, quand'eddu intri in l’Accademia Cilena di a Lingua, in 1980 e ch'eddu cito in u so discorsu d’intrunisazioni i paroli di i lingui minacciati di l'Indiani di a Terra di u Focu e di Patagunia , chi dimostra u cuncernu di Coloane cu i lingui minacciati di sparizioni e a prutizzioni di a diversita linguistica e culturali .

In piu di quissa ha cuntatu a vita simplicia d'essari umani a quandu vitturiosi, a quandu scunfitti, ma sempri impignati in una lotta senza tregua, in un' atmusfera mistiriosa e magica, a mita strada tra lighjenda e rialita. Non solu quissa si trova paro in i so pagini, ma ancu u racontu di a storia di u Cili, cumpresa a storia tragica di i dittaturi, di a parsicuzioni pulitica chi ha custrettu molti a essa esiliati e a abbanduna u so paesi probbiu .

Coloane riciviti u Premiu Naziunali di a Litteratura in 1964 e muri in a so casa di Santiago di u Cili u 8 aostu 2002 .

Opari [ mudifica | edita a fonte ]

• L'ultimu murzu di a Baquedano (El Ultimu Grumete de a Baquedano) , 1941
• Capu Horn (Cabo de Hornos) , 1941
• A Tierra di u Fuego s'e apaga (tiatru), 1945
• I balenieri di Quintay (Golfu de Penas) , 1945
• I cunquistadori di l'Antartidi (Los conquistadores de l'Antartica) , 1945
• Terra di u focu (Tierra di u Fuego) , 1956
• Viaje a l'Este , 1958
• Suvitendu a balena (El Camino de a Ballena) , 1962
• Terra d'ubliu (El tempano de Kanasaka y otros cuentos) , 1968
• Cacciadori d'Indios (El Guanaco blanco) , 1980
• Cronicas de l'India , 1983
• Velero anclado , 1995
• Cuentos completos , 1999
• Una vita a a fini di u mondu (Los pasos di u hombre) , 2000
• Naufraghji , 2002
• Galapagos (Traverias y traversuras el las Galapagos) , 2002
• Antartidi (A campana nevegante) , Guanda, 2006
• Papeles recortados (escritos sobre annantu a vida en Chjina) , LOM, 2004 , incu intruduzioni d'Armendu Uribe
• Ultima carta , Editorial Universidad de Santiago, 2005

Noti [ mudifica | edita a fonte ]

1. ↑ "U simpliciu fattu di mintuva 'ssi noma in u quatru istituziunali di a lingua ufficiali di u Statu, u fattu di raminta in 'ssu locu a diversita culturali d’un paesu chi vidia tutti i so libarta incamurrati, fu intarpritatu tandu com’e un cennu forti di dimucrazia." (in Cusmugrafia , Diversita e dimucrazia ).

Liami [ mudifica | edita a fonte ]

• Marcu Biancarelli, Diversita e dimucrazia , in Cusmugrafia, Colonna Edizioni, 2011.

Fonti [ mudifica | edita a fonte ]

'Ss'articulu pruveni in parti o in tutalita da l'articulu currispundenti di a wikipedia in talianu.