"Ciuvodda"
U carattaru tipugraficu
@
he chjamatu "ciuvodda" (o
civolla
o ancu
ciudda
). 'Ssu neulugisimu ha cuminciatu a essa adupratu in
Corsica
di manera spuntanea in l'usu pupulari. U nomu corsu veni di l'assumiglia di u simbulu tipugraficu incu a forma di una ciuvodda. Si face usu principalementi di a "ciuvodda" in u currieri elittronicu. He aduprata par sipara u nomu di u titulari da u nomu di duminiu, in un adrizzu elittronicu. L'@ he cunnisciuta dino com'e "chiocciola" o "chiocciolina" in talianu, e com'e "at" in inglesu. Graficamenti, a "ciuvodda" ripprasenta un'
a
stilizata incu un ricciulu. He da qui chi veni l'assumiglia incu a "chiocciola" in talianu, un molluscu cumunu: u
sammartinu
. U codici binariu chi he usatu par idantifica a "ciuvodda" he 01000000.
L'evuluzioni iputetica e crunulogica di @
U carattaru @ nacqui a i tempi di
Roma antica
com'e un'unioni stilizata di i lettari "
a
" e "
d
" minusculi chi formani a parola
ad
(veni a di "versu"); u simbulu era adupratu a l'iniziu in i testi di cuntabilita e in ducumenti simili, par rifariscia si a un'indicazioni di locu. Sicondu i marcanti di
Venezia
@ era un segnu chi rapprisintava l'
anfura
, chi era usata tandu com'e misura di pesu e capacita. Ci chi Francesco Lapi era un marcanti fiurintinu chi, u 4 maghju 1536, ha discrittu in una lettara, pa a prima volta, u cuntinutu di tre navi chi erani vultati in iSpagna da l'America latina, usendu u segnu @ com'e unita di misura chi currispundia a un'anfura. In u corsu di i seculi, i populi
anglufoni
mudifichetini u significatu di l'@ da "ad" a "at". Cusi l'@ fu diffusa di manera piu larga e fu aduprata in particulari da a posta.
Cunnisciuta be e a storia di l'usu di u simbolu @. He usata in spagnolu e portughesu per di di, a l'accortu, arroba, unita di pesu e misura (25 pounds, 25 libbre, v. i 12 chilo) vene da l'arabu "un quartu" (????? da pronunzia ar-rub?).
[1]
Par ava, u primu documentu storicu ad ave u segnu @ scrittu saria a "Taula de Ariza", un ceppu cummerciali datatu da 1448.
L'@ era prisenti in a mascina par iscriva Lambert di 1902, chi he stata prudutta da a Lambert Typewriter Company di New York e in l'IBM Selectric di 1961. In 1963 l'@ he stata inclusa in l'insemu uriginali di i carattari
ASCII
.
Incu u sviluppu di i tennulugii muderni e l'invinzioni di l'urdinatori, a "ciuvodda" divinteti un simbulu guasi esclusivamenti informaticu]] chi ha cunsirvatu u significatu datu li da l'inglesi.
- ↑
"arroba". Diccionario de la Real Academia Espanola. Retrieved 3 August 2012.
