Napulione Buonaparte (natu Napoleone , in Aiacciu , 15 aostu 1769 - mortu in l'isula di Sant'Elena , 5 maghju 1821) he statu un puliticanti e militaru francesu, fundatori di u Prima Imperu francesu. Ufficiali d'artigliaria e dino generali duranti a rivuluzioni francesa, divinto famosu com'e principali generali di a Francia rivuluziunaria grazia a i vittorii ottinuti in u corsu di a prima campagna d'Italia. Dopu u colpu di Statu di u 18 brumariu (8 nuvembri 1799) assunsi u puteri in Francia: fu Prima Consulu da nuvembri di quidd'annu a u 18 maghju 1804, e Imperatori di i francesi, incu u nomu di Nabulionu I (Napoleon Ier) da u 2 dicembri 1804 a u 14 aprili 1814 e di novu da u 20 marzu a u 22 ghjugnu 1815. Fu ancu prisidenti di a Ripublica Taliana da u 1802 a u 1805, re d'Italia da u 1805 a u 1814, "mediatori" di a Ripublica Elvetica da u 1803 a u 1813, e "prutittori" di a Cunfederazioni di u Renu da 1806 a 1813.

Grandi omu di guerra, prutagonistu di piu di vinti anni di campagni in Auropa, Nabulionu he statu cunsidaratu u piu grandi strategu di a storia da u storicu militaru Basil Liddell Hart. Grazia a u so sistemu d'allianzi e a una seria di brillanti vittorii contru i putenzi auropei, cunquisto e guvirno larga parti di l'Auropa cuntinintali, spurtendu l'ideali rivuluziunarii di rinnuvamentu suciali e ghjunghjendu a cuntrulla numarosi Regni par via di parsoni chi l'erani fideli (Ghjaseppu Bonaparte in iSpagna, Gioacchino Murat in u Regnu di Napuli, Ghjirolmu Bonaparte in Vestfalia e Luigi Bonaparte in Olanda).

A so riforma di u sistemu ghjuridicu (intigrata in u Codici Nabulionicu), intrudussi chjarezza e simplicita di i normi e posi i basi di a muderna ghjuridizioni civili.

A disastrosa campagna di Russia (1812), marco u tramontu di u so duminiu nantu a l'Auropa. Scunfittu in a battaglia di Lipsia da l'alliati auropei d'uttrovi 1813, Nabulionu abdico u 14 aprili 1814, e fu esiliatu in l' isula d'Elba . Di marzu di u 1815, abbandunata furtivamenti l'isula, sbarco a Golfe Juan, vicinu a Antibes e riintro in Parighji senza scuntra oppusizioni, ricunquistendu u puteri par u periodu dittu di i "Centu ghjorni", finch'eddu fussi difinitivamenti scunfittu da a settima cualizioni in a battaglia di Waterloo, u 18 ghjugnu 1815. Trascorsi l'ultimi anni di vita in esiliu a l'isula di Sant'Elena, sottu u cuntrollu di i britannichi. Dopu a so caduta u cungressu di Vienna ristabili in Auropa i vechji regni prinabulionichi (Ristaurazioni).

Fu u prima rignanti di a dinastia di i Bonaparte. Spuso Ghjasippina di Beauharnais in u 1796, e in sicondi nozzi l'arciduchessa Maria Luisa d'Austria, l'11 marzu 1810, da a quali ebbi u so unicu figliolu lighjittimu, Nabulionu Francescu, dittu u re di Roma (1811-1832). A so figura ha inspiratu artisti, littarati, musicanti, puliticanti e storichi, da l'Ottucentu a i ghjorna d'oghji.

A nascita [ mudifica | edita a fonte ]

Nabulionu Bonaparte nasci in Aiacciu , in Corsica , pocu piu di un annu dopu a stipula di u Trattatu di Versailles di u 1768 , incu u quali a Ripublica di Ghjenuva lasciava mani libara a a Francia in l'isula, chi fu dopu invasa da l'armati di Luigi XV e annessa a u patrimoniu parsunali di u Re. ^[1] A famiglia Bonaparte appartinia a a piccula burghesia corsa ^[2] e avia luntani urighjini nobili tuscani (pari accirtatu chi l'antinati fussini immigrati in Corsica da Sarzana in u XVI seculu, a u sirviziu di Ghjenuva). ^[3]

U babbu di Nabulionu, Carlu Maria Bonaparte (Nabulionu cambio a casata in "Bonaparte" dopu a morti di u babbu, pochi ghjorni prima di spusa a Ghjasippina e parta par a campagna d'Italia, una casata piu cunforma a a lingua corsa), ^[4] avvucatu, diplumatu di l' Universita di Pisa , avia effittuatu ricerchi araldichi par ottena vicinu a i luntani parenti di San Miniato una patenti di nubilta chi li cunferissi pristigiu in Patria e li parmittissi di megliu purveda a a struzzioni di i figlioli. In rialita ghja in u so attu di battezimu, ridattu in Aiacciu in lingua taliana , he attistata a nubilta di a famiglia e si riporta a casata Bonaparte, ^[5] prova chi un era micca difinitivamenti fissatu in a forma Buonaparte, mentri in l'atti successivi, in talianu, rilativi a Paola e a Luigi Nabulionu a casata, sempri in a forma Bonaparte, he priciduta da a particedda "de".
Carlu Maria Bonaparte muri primaturamenti a causa di un tumori di u stomacu , u 24 frivaghju 1785 , a Montpellier .

A mamma era Maria Letizia Ramolino , discindenti di nobili tuscani e lumbardi. A u mumentu di u matrimoniu, u 2 ghjugnu 1764, t'avia 14 anni, mentri u maritu ni avia 18. ^[6] U coppiu ebbi 13 figlioli, di i quali solu ottu sopravvissini: in piu di Nabulionu ci erani ancu i frateddi Ghjaseppu , Lucianu , Luigi e Ghjirolmu e i sureddi Elisa , Paulina e Carulina . Nabulionu stessu disdigno in parechji occasioni 'ss' ascendenzi illustri affirmendu ch'eddu vulia essa fundatori e micca discindenti di simula nubilta. ^[7]

I dui parenti cumbattitini in a guerra fra i corsi e i francesi e Maria cumbatti ancu quand'edda era incinta di Nabulionu, u so sicondu figliolu. U 15 aostu 1769 ^[8] duranti a festa di l' assunzioni si rico a a cattidrali d'Aiacciu , a u so ritornu in casa, intornu a meziornu ^[9] si accascio dendu a luci a Nabulionu. Fu battizatu dui anni dopu, u 21 lugliu 1771. ^[10]

Zitiddina [ mudifica | edita a fonte ]

A 5 anni fu scrittu in una scola di zitiddina, ind'eddu studio incu l'abati Recco ^[11] par quattru anni, in i quali riciviti educazioni ancu da u ziu, l'arcidiacunu Lucianu.

Fu grazia a u titulu nubiliari ottinutu in Tuscana chi u babbu Carlu poti scriva si a u Libru di a nubilta di Corsica, istituitu da i francesi par cunsulida a cunquista di l'isula ^[12] e, solu grazia a quidda scrizzioni, a l'ita di appena novi anni, u ghjovanu Nabulionu fu ammissu u 23 aprili 1779 ^[13] , sempri dopu a l'iniziativa di u babbu, a a Scola riali di Brienne-le-Chateau , in u nordu di a Francia , ind'eddu firmeti finu a u 17 uttrovi 1784 (parechji storichi, par isbagliu, ritenini finu a u 30 uttrovi di listessu annu ^[14] ). Par migliura u so francesu e pripara si a a scola, prima fraquinto par quattru mesa u culleghju di Autun . I so studii funi financiati grazia a una borsa di studiu di dui milla franchi.

Nabulionu a l'iniziu un si cunsidarava micca francesu e si sintia scomudu in un ambienti induva i so cumpagni di corsu erani in massima parti pruvinenti di l'alta aristucrazia transalpina, e u pigliavani di manera crudeli in ghjiru schirzendu cu u so nomu chjamendu lu " a paille au nez = a paglia par u nasu " (l'accusa di essa stranieri l'avaria parsiguitu par tutta a so vita). ^{[15] [16]} Qui strinsi amicizia incu Louis-Antoine Fauvelet de Bourrienne , u so futuru biografu, e in u frattempu u ghjovanu Nabulionu si didico incu custanza a i studii, riiscendu particularamenti be in matematica . ^[17]

Suvito dopu l'idei ateisti di u culleghju, e cunto eddu stessu chi a 11 anni a so fedi intrampulo. ^[18]

Carriera in armata [ mudifica | edita a fonte ]

Dopu a u ghjudiziu pusitivu di u cavalieri di Keralio ^[19] U 22 sittembri 1784 u so succissori, l'aspittori militaru Reynaud des Monts li cuncessi l'ammissioni a a Regia Scola Militara di Parighji, fundata da Luigi XV annantu a cunsigliu di Madame de Pompadour , ind'eddu ghjunsi a sera di u 21 uttrovi, partitu calchi ghjornu prima di u 17. ^[20] In 1785 pruvo a passa in a Marina , ma in seguitu a l'annullamentu di l'asamini d'ammissioni di quidd'annu, passo in artigliaria , disidarosu d'abbanduna i studii u piu prestu e didica si a a carriera militara. ^[21]
Allughjava in una mansarda. Fra i so insignanti figurava Gaspard Monge , criatori di a giumitria discrittiva .

Nabulionu ottensi dino a nomina a sottutinenti a soli 16 anni ^[22] e fu distaccatu, u 1º sittembri 1785 , vicinu a un righjimentu d'artigliaria di stanza a A Fere , com'e sottutinenti, par assuma a tinenza, pochi mesa dopu, vicinu a un righjimentu di stanza a Valence , in u sudu-livanti di a Francia. ^[23] A quiddi tempi s'innamuro prima di Caroline, a figliola di Anna du Colombier ^[24] e in seguitu di Louise-Marie-Adelaide de Saint-Germain, in tremindu i casi fu rifiutatu. A so prima rilazioni fu incu una prustituta ^[25] In 1787 turro a Parighji,e dopu viaghjo in Corsica e infini righjunsi u righjimentu a Auxonne .

Frattantu u ghjovanu Nabulionu cuntinuava a ditesta sicritamenti a Francia e i francesi e a cultiva a causa di l'indipindenza di a Corsica , com'e tistimuniatu significativamenti da un scrittu soiu di 1787 : ^[26]

Francesi, non solu ci aveti purtatu via tuttu cio chi ci era caru, ma aveti ancu currottu i nosci custumi. A situazioni attuali di a me patria, e l'impussibilita di muta la, so dunqua un novu mutivu par fughja una terra in a quali socu ubbligatu par duveri, a luda omini chi par virtu divaria inveci udia. Quandu ghjugnaraghju in a me terra, chi attitudina adutta, chi linguaghju tena? Quandu a patria un he piu, un bon' patriottu devi mora.

— Nabulionu Bonaparte, 1787

A u scoppu di a rivuluzioni in u 1789 , Nabulionu, vintannincu e oramai ufficiali ^[27] di u re Luigi XVI, riisci a ottena una longa licenzia grazia a a quali poti vulta si ni a u sicuru in Corsica. A quandu ghjuntu qua s'uni a u muvimentu rivuluziunariu di l'isula assumendu u gradu di tinenti culuneddu di a Vardia Naziunali. In 1791 s'innamuro di Manesca Pillet ma fu rifiutatu da edda, e dopu a essa statu par parechji mesa a Auxonne u 1 ghjugnu fu inviatu in u 4º righjimentu d'artigliaria a Valence ^[28] incu u gradu di prima tinenti. Di ghjinnaghju 1792 pruposi a so candidatura com'e tinenti culuneddu e fu elettu (incu parechji dubbiti, ^[29] u 28 marzu, ^[30] in seguitu sara mumintaniamenti retrucessu a u rangu di capitanu. Par i so cuntinui viaghji in Corsica, suparendu u tempu chi l'era cuncessu da a licenzia militara, risico di essa cunsidaratu disartori, ^[31] priaccupatu vulto in Parighji in u stessu annu.

In u frattempu in Corsica infuriava a guerra civili scuppiata par appuntu in 1793 . Dapoi 1792 dighja l'eccessi rivuluzionarii e l'instaurazioni di u " Tarrori " aviani spintu l'eroi naziunali di l'indipindenza corsa, Pasquali Paoli (chi era riintratu triunfalamenti in u so Paesi in u 1790, dopu a u longu esiliu chi l'era statu impostu da i Re di Francia), a piglia i distanzi da Parighji e a ripiglia a lotta par l'indipindenza di a Corsica . Accusatu di tradimentu e visatu da un mandatu d'arrestu emissu da a Cunvinzioni naziunali u 2 aprili 1792, Paoli, u 17 aprili, appiddendu ni dirittamenti a tutta a pupulazioni corsa affinch'edda difindissi a so patria e i so probbii dritti. A famiglia Buonaparte, chi puri avia sustinutu Paoli a u tempu di a rivolta contru Ghjenuva e dopu contru a l'Armati di Luigi XV (u babbu Carlu e forsi ancu a mamma participani accantu a Paoli a a battaglia di Ponti Novu contru a i francesi), scelsi paro a causa francesa.
Di frivaghju 1793 Nabulionu cummanda 350 omini di l'11º battaglionu versu l'isula di a Matalena e u 22 frivaghju sbarca a Santu Stefanu e l'attacco. Ma un riisci micca chi li manco l'appoghju privistu di a curvetta Fauvette. ^[32]

Nabulionu fughji rapidamenti in Aiacciu e da qui si ritiro incu a famiglia intreia, accusatu di tradimentu, a Tulonu . U 12 sittembri 1793 ^[33] ghjunsi a u quartieri generali di Cartaux. In sei sittimani riurganizo i forzi par l'assediu di a cita, priparo 100 pezzi di grossu calibru e raccolsi parechji ufficiali cumpetenti. Incu l'appoghju di Gasparin, unu di i tre cummissarii a Tulonu, riisci a ave u cuntrollu di l'artigliaria d'assediu, e intantu divinto capu di battaglionu, u 19 uttrovi. ^[34] A Cartaux successi Doppet e dopu u capaci generali Jacques Francois Dugommier . Tandu feci a cunniscenza di Andoche Junot chi dopu sara guvarnadori di Parighji. Dopu, u 1 dicembri he numinatu da u generali Dugommier aiutanti generali. Riisci a cunquista u forti di l'Eguillette, chjamatu a piccula Gibilterra, e dopu l'altri forti di dicembri 1793 , eppo libaro u portu di Tulonu da i monarchichi e da i truppi inglesi chi l'appughjavani; fu u so prima clamurosu e avvinturosu successu militaru, chi li valsi a nomina a generali di brigata u 22 dicembri ^[35] e l'attinzioni di u futuru membru di u Dirittoriu Paul Barras , chi l'aiutara dopu in a succissiva scalata a u puteri. A so amicizia incu Augustin Robespierre , frateddu di Maximilien , u libaro prima da l'arresti in casa custrettu in u 1794 ^[36] . Ma dopu u feci cada in disgrazia u lindumani di u 9 termidoru e a cunsiguenti fini di u Tarrori. Fu arristatu incu l'accusi di spiunaghju e dopu libaratu. ^[37] I so avvinturi galanti u portani a siducia Louise Gauthier, moglia di un diputatu e a fidanza si, u 21 aprili 1795 incu Desiree Clary . ^[38]

Eppuri a furtuna li fu favurevuli quandu u 13 vindemiaiu (5 uttrovi 1795 ) Barras u numino, a l'impruvisu, cummandanti di a piazza di Parighji, incu l'incaricu di salva a Cunvinzioni naziunali da a minaccia di i monarchichi (rialisti). Incu l'aiutu di Gioacchino Murat a u cummandu di a cavaddaria, Nabulionu culpi spiitatamenti i ribeddi scunghjurendu un novu colpu di Statu . In seguitu a u trimenti successu, Barras u numino generali di u Corpu d'armata di l'Internu. ^[39]

A campagna d'Egittu e di Siria [ mudifica | edita a fonte ]

In 1798 u Dirittoriu , priaccupatu par l'eccessiva pupularita e par u nutevuli pristigiu di Bonaparte, l'affido l'incaricu di accupa l' Egittu par cuntrasta l'accessu inglesu a l' India e dunqua par dannighja la ecunumicamenti. ^{[40] [41]} . Un indiziu di a divuzioni di Nabulionu a i principii di l' Illuminisimu fu a so dicisioni d'affianca ghjenti incaricati di studii a a so spidizioni: a spidizioni d'Egittu ebbi u meritu di fa riscopra, dopu cintunara d'anni, a grandezza di quidda terra, e fu probbiu l'opara di Nabulionu a fa nascia a muderna egittulugia , soprattuttu grazia a a scuparta di a Stela di Rusetta da parti di i suldati a u suvitatu di a spidizioni. ^{[42] [43]} Nabulionu avia da parechji anni accarizzatu l'idea di una campagna in urienti, sugnendu di suvita l'ormi di Lisandru Magnu e essendu di l'idea ch'e "L'Auropa he una tana di talpi. Tutti i grandi parsunalita so di l'Urienti". ^[44]

A spidizioni inizio u 19 maghju, quandu Nabulionu salpo da Tulonu a capu di l' Armata d'Urienti , cumposta da piu di 60 navi di guerra , 280 navi di trasportu, 16.000 marinari e 38.000 suldati. ^[40]

Dopu a un'impurtanti vittoria in a battaglia di i piramidi , Nabulionu sciaccio i mamelucchi di Murad Bey e intrendu a U Cairu divinto patronu di l' Egittu . Pochi ghjorna dopu, u 1º aostu 1798 , a flotta di Nabulionu in Egittu fu cumplittamenti distrutta da l'ammiragliu Horatio Nelson , in a baia di Abukir , di tal' manera chi Nabulionu firmeti bluccatu a terra. ^[40] Dopu una ricugnizioni nantu a u Mari Rossu , dicisi di rica si in Siria , cu u pritestu di suvita u guvarnadori di Acri A?mad a u-Jazz?r Pascia chi avia pruvatu a attacca lu. Ghjuntu paro u 19 marzu 1799 innanzi a San Ghjuvanni di'Acri , l'antica furtezza di i cruciati in Terra Santa, Nabulionu persi piu di dui mesa in un inutuli assediu e a campagna di Siria si cunclusi incu un faddimentu. ^[40]

Vultatu a U Cairu , Nabulionu scunfissi u 25 lugliu 1799 un' armata di piu di deci milla ottumani vidati da Mustafa Pascia a Aboukir , probbiu induva l'annu prima era statu privatu di tutta a so flotta. Eppuri priaccupatu di i terribuli nutizii chi ghjunghjiani da a Francia (l'armata in ripiigamentu annantu a tutti i fronti, u Dirittoriu oramai privu di puteri) e cuscenti ch'e a campagna d'Egittu un avia micca cunsiguitu i fini spirati, Nabulionu, lasciatu u cummandu a u generali Kleber , si imbarco in gran' sicretu u 22 aostu nantu a a fregata Muiron (preda bellica exi viniziana) ^[45] a a volta di a Francia. ^[46]

U 18 brumariu e u Cunsulatu [ mudifica | edita a fonte ]

U 9 uttrovi 1799 Bonaparte sbarco a Frejus e a so corsa versu Parighji fu accumpagnata da l'entusiasmu di l'intreia Francia, certa ch'e u generali era turratu in patria par assuma u cuntrollu di a situazioni oramai ingestibili e, in effetti, era quista a so intinzioni. Ghjuntu in Parighji, riuni i cuspiratori dicisi a rinvarscia u Dirittoriu. ^[47] A u so latu si schieroni u frateddu maio Ghjaseppu e soprattuttu u frateddu Lucianu , tandu prisidenti di u Cunsigliu di i Cinquicentu , chi incu u Cunsigliu di l'Anziani custituiscia u puteri lighjislativu di a ripublica. Di i soi Nabulionu riisci a ave u membru di u Dirittoriu Roger Ducos e soprattuttu Emmanuel Joseph Sieyes , u celebru autori di l'opusculu Chi he u Terzu Statu? e ideolugu di punta di a burghesia rivuluziunaria. Inoltri, di i soi si dichjaro l'astutissimu ministru di l'estaru Talleyrand e u ministru di a pulizza Joseph Fouche . Paul Barras , u membru piu influenti di u Dirittoriu dopu Sieyes, cuscenti di i capacita di Nabulionu, accitto d'alinia si ancu eddu. ^[48]

Quandu fu cunnisciuta a falsa nutizia di un cumplottu missu in opara par rinvarscia a ripublica, Nabulionu riisci a fa vuta a u Cunsigliu di l'Anziani e a u Cunsigliu di i Cinquicentu una risuluzioni chi trasfiria i dui Camari u 18 brumariu (9 nuvembri) fora Parighji, a Saint-Cloud ; Nabulionu fu numinatu cummandanti in capu di tutti i forzi armati. Quissa fu fatta par evita ch'e duranti u colpu di Statu calchi diputatu pudissi appidda ni a i citatini parighjini par difenda a Ripublica contr'a u tentativu di Nabulionu. ^[49] L'intinzioni di Nabulionu era quidda di purta i dui Camari a vuta autunumamenti u so sciuglimentu e a cissioni di i puteri in i so mani. ^[50] un fu micca cusi: u Cunsigliu di l'Anziani firmeti fretu a u discorsu impasticciatu di Nabulionu par fa prissioni annantu ad eddu, mentri quandu Nabulionu intri in a sala di u Cunsigliu di i Cinquicentu i diputati li si lanciani contru dumandendu di vuta par renda e Bonaparte for' di leghji (cio chi vulia significa l'arrestu e a mannara ). ^{[51] [52]} In u mumentu in u quali simbrava ch'e u colpu di Statu fussi prossimu a a catastrofa, ghjunsi u frateddu Lucianu a succorra Nabulionu, chi in i vesti di prisidenti di i Cinquicentu isci da a sala e arringo i truppi firmati aliniati fora, urdinendu li ch'eddi disperdini i diputati cuntrarii a u frateddu. Memurabili fu u mumentu in u quali punto a so spada a u coddu di Nabulionu e dichjaro: "Un esitariu micca un attimu a uccida me frateddu s'e sapia ch'eddu attentava a a libarta di a Francia". ^[53] I truppi, cumposti in gran' parti di veterani di i campagni di Nabulionu, a u cummandu di u cugnatu di st'ultimu, u generali Charles Victoire Emmanuel Leclerc e di u futuru cugnatu Gioacchino Murat , intritini incu i baiunetti innestate e dispersini i diputati. In a sirata, i Camari funi sciolti e fu vutatu u dicretu chi assignava i pieni puteri a tre consuli: Roger Ducos , Sieyes e Nabulionu. ^[54]

U Cunsulatu [ mudifica | edita a fonte ]

Numinati consuli pruvisorii, i tre novi patroni di a Francia scrissini incu dui cummissioni spiciali una nova custituzioni , a custituzioni di l'annu VIII chi, ratificata incu un plebiscitu pupulari, lighjittimava u colpu di Statu. L'evuluzioni di a rivuluzioni si ripurtava oramai versu formi di guvernu piu aristucraticu, dimustrendu si micca pratichevuli molti di i tiurii rivuluziunarii emersi in a rivuluzioni. ^[55] In u pinsamentu puliticu di Sieyes , u Cunsulatu avaria divutu essa un guvernu di i nutevuli, chi avaria assicuratu a dimucrazia a traversu un cumplessu equilibriu di puteri. Stu prugettu fu mandatu a l'aria da Nabulionu u quali, puri in tiuria ditintori di u solu puteri esecutivu, avia in rialita faciuli ghjocu par subrana u puteri lighjislativu chi era frammintatu in quattru Camari.

Fattu si numina Prima Consulu, veni a di cuncritamenti supiriori a qualsiasi altru puteri di u Statu, Nabulionu ricustruiscia a Francia incu una struttura amministrativa furtamenti cintralizata ma cusi parfetta ch'edda he firmata tali e quali finu ad oghji: a Francia era frazziunata in dipartimenti, distritti e cumuni, rispittivamenti amministrati da prifetti, sottuprifetti e merri. I casci di u Statu erani risanati da i cunquisti di guerra e da a fundazioni di a Banca di Francia, e ancu da l'intruduzioni di u francu d'arghjentu chi punia fini a l'era di l'assignati e di l'inflazioni. A longa lotta contru u Cattulicesimu si cunchjudia incu u Cuncurdatu di u 1801, ratificatu da papa Pio VII, chi stabiliscia u Cattulicesimu "riligioni di a maiuranza di i francesi" (ma quantunqua micca riligioni di Statu), ma un ristituia micca a u cleru i be sprupriati duranti a rivuluzioni. In u campu di l'insignamentu, Nabulionu istitui i licei e i scoli d'inginieri, par furma una classa dirighjenti priparata e induttrinata, ma tralascio i struzzioni elementarii, essendu di l'idea ch'e u populu duvissi firma in una certa ignuranza par garantiscia un guvernu stabili e un armata ubbidienti. U cunsulatu di Nabulionu divinto "a vita" incu u plebiscitu di u 2 aostu 1802. Si apria a strada a l'istituzioni di l'Imperu nabulionicu.

U Codici nabulionicu [ mudifica | edita a fonte ]

Duranti l'esiliu a Santi Elena , Nabulionu sottulinio parechji volti ch'e a so opara piu impurtanti, quidda chi saria passata a a storia piu ch'e tutti i battaglii vinti, saria stata u so codici civili . U Codici nabulionicu chi lighjittimo bon' parechji di l'idei illuministichi e ghjusnaturalistichi ^[56] , fu spurtatu dopu in tutti i paesi ind'eddi ghjunsini l'armati di Nabulionu, fu presu a mudeddu da tutti i Stati di l'Auropa cuntinintali. Istituita l' 11 aostu 1799 , a cummissioni incaricata di ridighja u codici civili (cumposta da u Sicondu Consulu Jean-Jacques Regis de Cambaceres e da quattru avvucati), fu prisiduta moltu spessu da Nabulionu stessu, u quali ni lighjia i bozzi duranti i campagni militari e inviava a Parighji , da u fronti, i so idei nantu a u prugettu. U 21 marzu 1804 u Codici Civili immediatamenti ribattizatu Codici Nabulionicu , intria in vigori.

U Codici eliminava definitivamenti i lasciti di l' Ancien Regime , di u feudalesimu , di i assulutisimu munarchicu , e criava una sucita privalintamenti burghesa e liberali , d'inspirazioni laica, chi ci erani cunsacrati i dritti di uguaglianza, sicurezza e prubita. Tra i principi di a Rivuluzioni, erani salvavardati quiddi di a libarta parsunali, di l'ugualita davanti a a leghji, di a laicita di u Statu (dighja garantita da u Cuncurdatu ) e di a libarta di cuscenza, di a libarta di u travagliu. U Codici era statu paro pinsatu e ridattu soprattuttu par valuriza l'ideali di a burghesia; par quissa sirvia soprattuttu a arrigula quistioni riguardanti i cuntratti di prubita e a stessa lighjislazioni riguardu a a famiglia era di natura contrattualistica. ^[57] A struttura familiari ch'e u Codici cunsacra era di tipu paternalisticu: u babbu po fa imprighjuna i figlioli par sei mesa senza cuntrollu di l'auturita e amministreghja i be di a moglia. Eppuri era garantitu u divorziu bench'e resu cumplessu rispettu a l'ebbica rivuluziunaria.

L'oppusizioni realista e ghjacubina [ mudifica | edita a fonte ]

A sera di u 10 uttrovi 1800 Nabulionu, mentri assistia a un'opara a u Theatre de la Republique , saria divutu cada sottu i pugnalati di quattru sicarii, ma u cumplottu fu svintatu a l'ultimu mumentu grazia a una suffiata, chi parmissi a a pulizza d'intarvena arristendu tandu i quattru attentatori in u tiatru stessu. L'avvinimentu passara a a storia cu u nomu di cuspirazioni di i pugnali . ^{[58] [59]}

Pocu dopu, a notti di Natali di u listessu annu, Nabulionu, a moglia e a so seguita scamponi miraculusamenti a un attentatu cu a dinamita in i stradona di Parighji, mentri si ricavani a l' Opara . Nabulionu ni prufitto par metta fora leghji i ghjacubini , molti di i quali funi esiliati in Guyana , e disperda i munarchichi. ^[60] L'oppusizioni un abandunava micca e s'ebbi nutizia di attentati in priparazioni contru ad eddu. Infatti era udiatu sii da i ghjacubini, chi dopu i misuri di ricunciliazioni naziunali, com'e l'amnistia generali e u drittu a a riintrera par i nobili emigrati par scampa a u tarrori, timiani ch'eddu vulissi ristaura a munarchia, sii da i realisti, chi u cunsidiravani com'e l'usurpatori di u lighjittimu suvranu Luigi XVIII .

Di marzu 1804, par da un signali forti a i Burboni , chi cumpluttavani sempri par vulta annantu a u tronu francesu, Nabulionu feci cattura a Ettenheim , piccula cita di u statu di u Baden situata vicinu a a cunfina francesa, u duca di Enghien , liatu a a famiglia riali esiliata, chi fu inghjustamenti accusatu di cuspirazioni contru u Prima Consulu e fucilatu subitu dopu. L'avvinimentu suscito l'indignazioni di tutti i corti auropei par l'arruganti viulazioni di a suvranita di un statu estaru da parti di a Francia e par a sorti risirvata a u povaru duca, e cunferi un' ombra nigativa a l'imaghjini aurupea di Bonaparte, a a quali quantunqua u Prima Consulu di tandu tinia multissimu. ^[61] U generali Moreau , implicatu in u cumplottu realistu ma idulu di i ghjacubini, fu inveci cundannatu a soli dui anni di prighjo, successivamenti scambiati incu a pussibilita di spatria si in i Stati Uniti, da induva paro Moreau vultara in 1813 par uniscia si a l'armata russia e mora duranti a battaglia di Dresda . ^[62]

A pacificazioni di l'Auropa [ mudifica | edita a fonte ]

Duranti l'assenza di Nabulionu impignatu in Egittu , i francesi erani stati parechji volti battuti in Italia e in Alimagna da l'austriachi e da i russii a Cassano di Adda , a Novi e nantu a u Renu . A Siconda cualizioni antifrancesa avia rinvarciatu a Ripublica Napulitana di u 1799, fundata da i francesi, quidda Rumana e a Ripublica Cisalpina. U 6 maghju 1800 , sei mesa dopu u colpu di Statu di u 18 brumariu, Nabulionu assunsi u cummandu di a cusidditta Armata di riserva, distinata a essa trasfirita in Italia par rinvarcia a sorti di a guerra. ^[63] U Prima consulu vido incu grandi abilita strategica a marchja di u so armata; varco l' Alpi a a bocca di u Gran'San Bernardu e colsi di suspresa l'austriachi impignati in l' assediu di Ghjenuva . U numicu fu prestu battutu in a battaglia di Montebello , ^[64] mentri Nabulionu riintro a Milanu. U 14 ghjugnu 1800 ebbi locu a dicisiva battaglia di Marengo . ^[65]

Fu a piu famosa di i battagli nabulionichi in Italia , aspramenti cumbattuta e incu cunsiquenzi dicisivi. Nabulionu fu inizialamenti missu in difficulta da l'attaccu austriacu e risico a scunfitta, ma a ottu ori di sera a battaglia si cunclusi incu a cumpletta vittoria di u Prima consulu. A rinvarcia a cunclusioni di a battaglia fu l'arrivu in u prima dopu meziornu di i truppi di rinforzu di u generali Louis Desaix chi parmissi a Nabulionu di contrattacca incu successu l'armata austriaca di u generali Michael von Melas , dighja certu di a vittoria. U generali Desaix muri duranti i fasi finali di a battaglia. ^{[64] [66]} In Milanu fu pruvisuriamenti ricustituita a Ripublica Cisalpina chi sara sustituita dopu a a Cunsulta di Lione da a Ripublica Taliana (1802-1805).

In u 1802 Nabulionu fu pruclamatu Prisidenti di a Ripublica Taliana, titulu ch'eddu cunsirvara sinu a u 17 marzu 1805 quand'eddu assumara quiddu di Re d'Italia, mentri u patriziu milanesu Francescu Melzi di Eril fu numinatu vice Prisidenti.

Incu a paci di Amiens di 1802 ancu l' Inghilterra firmava a paci incu a Francia. ^[67] Nabulionu avia distruttu a nova cualizioni antifrancesa, assicurendu si ancu l'appoghju di u zaru di Russia Lisandru I . Par dui anni l'Auropa fu finalmenti in paci.

In 1802 Nabulionu vinditi una parti di u Nordu America a i Stati Uniti com'e parti di l' Accordu nantu a a Louisiana : avia appena risoltu un grossu prublemu militaru quandu l'armata, mandata a ricunquista Santu Domingu , dopu a ave affruntatu a rivolta iniziata da Toussaint Louverture , fu culpitu da a frebba giadda . A rivolta fu quantunqua truncata. ^[68] Incu i forzi di u Punenti in cundizioni tali ch'eddi un pudiani micca agiscia, Nabulionu capi ch'eddu un avaria micca pussutu difenda a Louisiana e dicisi di venda la (8 aprili 1803 ). Ristabili, in 1802, a schiavitu in i culonii francesi.

Dopu ch'e Nabulionu ebbi allargatu a so influenza a a Svizzara e a i stati tedeschi , una disputa annantu a Malta furni a l'Inghilterra u pritestu in u 1803 par dichjara a guerra a a Francia e furniscia sustegnu a i munarchichi francesi chi si uppuniani ad eddu. ^[69]

Imperatori di i Francesi e Re d' Italia [ mudifica | edita a fonte ]

Oramai consulu a vita, Nabulionu era in pratica suvranu assulutu di a Francia . U 18 maghju 1804 u Senatu u pruclamo imperatori di i francesi. ^[70]

U 2 dicembri di u 1804, in a cattidrali di Notre-Dame in Parighji, fu cilibrata a cirimonia d' incurunazioni : ^[71] dopu ch'e l'insegni imperiali funi biniditti da papa Pio VII , Nabulionu incuruno prima s'e stessu imperatori di i francesi, e dopu imperatrici a so moglia Ghjasippina di Beauharnais . ^[72] So apocrifi i boci sicondu i quali Nabulionu avaria strappatu a curona da i mani di u Papa duranti a cirimonia, par un assughjitta si micca a l'auturita pontificia: u papa Pio VII a s'aspittava e un tucco mai a curona incu i so mani. ^[73]

Successivamenti, u 26 maghju 1805 in u Domu di Milanu , Nabulionu fu incurunatu Re d'Italia incu a Curona Ferrea , da sempri custudita in u Domu di Monza . ^[69]

L'incurunazioni a Milanu fu fastosa, e accumpagnata da i so piu fideli cullaburatori in Italia, com'e u cardinali Bellisoni, u Fenaroli , u Baciocchi , u Melzi e Aldini . In st'occasioni Nabulionu, postu si a curona imperiali nantu a u capu prununcio i famosi paroli: "Diu a m'ha data, guai a chi a tocca". ^[74]

Rinascia in Francia a munarchia , ma un era micca listessa munarchia ch'e quidda chi era stata rinvarsciata in 1792 , dighja priva di i puteri in 1789. Nabulionu un era micca "re di Francia e di Navarra par grazia di Diu", com'eddi citavani i formuli di l' Ancien Regime , ma "Imperatori di i francesi par vulinta di u populu", ancu s'e i ducumenti ufficiali mantiniani una formula di cumprumissu ("Nabulionu, par a grazia di Diu e i custituzioni di a Ripublica, Imperatori di i Francesi"). ^[75] Fu in sustanza un novu re di i francesi, tantu ch'e da eddu ani a so urighjina bon' parechji di l'attuali munarchii muderni auropei; e fu in effetti una munarchia, postu ch'e Nabulionu era u patronu assulutu, ancu s'e una munarchia chi paro un si riferia micca a a nubilta feudali di l' Ancien Regime , ma in a quali si rializavani parechji principi illuministichi di a burghesia.

A cunquista di l'Auropa [ mudifica | edita a fonte ]

Da Ulma a Tilsit [ mudifica | edita a fonte ]

In u 1805 si furmo in Auropa a terza cualizioni contru a Nabulionu; ^[78] avia trascorsu l'ultimu annu nantu a i costi di a Manica , a pripara una vasta uparazioni militara contru a a Gran'Britagna ma, cumprindendu i difficulta di un'uparazioni di sbarcu in l'Isuli Britannichi e priaccupatu da i prupositi aggrissivi di i putenzi cuntinintali, dicisi finu da aostu di rinuncia a i so piani d'invasioni e d'urganiza un rapitu trasfirimentu a marchji furzati di l'intreia armata, tandu dinuminata Grandi Armata , da i costi di a Manica finu a u Renu e a u Danubiu par scunfighja i forzi numichi nantu a u cuntinenti. Nabulionu avia fattu be i so conti: u 21 uttrovi, infatti, a largu di Trafalgar a flotta francesa cummandata da l'ammiragliu Pierre Charles Silvestre de Villeneuve era cumplittamenti anniintata da l'inglesi a u cummandu d' Horatio Nelson , chi muri duranti u scontru, culpitu da un tiru di muschettu. Svaniani par sempri i sogni d'invasioni di l'Inghilterra. ^{[78] [79] [80]}

I forzi cualizati par u piu austriachi e russii (sottu u novu zaru Lisandru I), ancu s'e incu a neutralita di a Prussia , erani piu numarosi ma divisi. Ci erani dui fronti principali: quiddu germanicu, induva Nabulionu in parsona avia assuntu u cummandu di a Grandi Armata e quiddu talianu induva u generali Andrea Massena vidava l'Armata d'Italia. Incu un'abili manovra strategica Nabulionu acchjirchjo e custrinsi a a resa l'armata austriaca di u generali Karl Mack a Ulma (20 uttrovi), ^{[78] [80]} e, mentri u marescialu Massena cumbattia in Italia a battaglia di Caldiero (30 uttrovi), intri incu l'armata a Vienna, dopu a ave suparatu u Danubiu incu un stratagema di Gioacchino Murat . Eppuri l'armati cualizati austru-russii erani sempri in campu e a situazioni di Nabulionu paria difficiuli. U 2 dicembri 1805, annivirsariu di a so incurunazioni, l'imperatori cumbatti e vinsi a battaglia di Austerlitz , pruvuchendu a disgrigazioni di a cualizioni.

Firmata in a storia com'e u so capilavoru tatticu, incu a battaglia di Austerlitz, Nabulionu ottensi una pusizioni di predominiu in Auropa. ^{[81] [82] [83] [84]} U ghjornu dopu i suvrani d'Auropa chersini a paci. L'Austria pirdia ancu Vinezia , chi era unita a u regnu d'Italia , e pirdia ogni cuntrollu nantu a a Germania , chi tandu si ricustruiscia com'e Cunfederazioni di u Renu , prima sumenti di l'unita tedesca sottu u cuntrollu direttu di Nabulionu. ^[78] Si conta chi, dopu ave saputu di Austerlitz, u prima ministru inglesu William Pitt avissi chertu a una nipoti d'arrutula a carta di l'Auropa esposta in un curridori di casa. "Un ci sirvira micca par alminu deci anni". ^[85]

L'annu dopu Nabulionu duviti affrunta a quarta cualizioni , custituita da Gran'Britagna, Prussia e Russia; l'imperatori presi subitu l'offensiva e, dopu una magistrali manovra strategica, scunfissi cumplittamenti a rinumata armata prussiana in a battaglia di Jena (14 uttrovi 1806). ^{[86] [87]} A Grandi Armata catturo o dispersi i resti di l'armata numica e Nabulionu intri a Berlinu u 27 uttrovi. Eppuri a guerra cuntinuo; l'armata russia era in avvicinamentu par succorra a Prussia e l'imperatori marchjo dirittamenti versu a Vistola par batta la; a pupulazioni polacca si rivulto a favori di i francesi ^[88] .

Dopu una dura risistenza, ancu l'armata russia, chi avia inflittu pisanti perditi a i francesi in a sanguinosa e indecisa battaglia di Eylau ^{[87] [89]} , fu scunfittu u 14 ghjugnu 1807 in a dicisiva battaglia di Friedland . U zaru Lisandru I fu infini custrettu a firma a paci, in l'incontru di Tilsit . In quidd'incontru l'Auropa fu ufficiusamenti divisa in zoni d'influenza: si dicisi, in una nota sicreta alligata a u trattatu di Tilsit, ch'e i tarritorii tra l' fiumu Elba e u Memel avariani furmatu a barriera di divisioni tra i dui grandi imperi. ^{[89] [90] [91]} Firmava aparta a quistioni di a Polonia , ch'e Nabulionu vulia renda indipindenti, cuntrariamenti a l'intinzioni di u zaru.

Quandu u papa ricuso d'aderiscia a l'embargu in i cunfronti di l'Inghilterra, dichjarendu ch'e i so qualita di pastori univirsali l'impuniani a neutralita, Nabulionu feci accupa Roma da u generali Miollis e u 7 maghju 1809 urdino l'annissioni di u Statu Pontificiu a l' Imperu francesu . ^[92] U papa risposi incu una bolla di scomunica e Nabulionu urdino a Miollis di pruceda a l'arrestu di u pontefici. Feci subitu u nicissariu u generali Radet chi u feci traspurta, incu u Sigritariu di Statu cardinali Bartolomeo Pacca , a Grenoble , ^[93] indi a Fontainebleau , induva Nabulionu riisci solu quattru anni dopu a strappa li l'appruvazioni d'un novu Cuncurdatu. ^[94]

U bloccu cuntinintali e a guerra in a penisula iberica [ mudifica | edita a fonte ]

Par metta in ghjinochju l'Inghilterra, unica putenza sempri in armi contru a Francia, Nabulionu avvio un embargu. Eppuri 'ss'embargu, chjamatu Bloccu Cuntinintali (postu ch'e, in l'intinzioni di u Bonaparte, tutta l'Auropa cuntinintali avaria divutu aderiscia a l'embargu contru a l'isuli britannichi) un deti micca i risultati spirati. U faddimentu di u bloccu fu divutu a u fattu ch'e molti paesi auropei, par mutivi di cunvinienza ecunomica, un ci aderisciarani micca cumplittamenti, cuntinuendu a mantena scambii cummirciali incu l'Inghilterra. ^[89] Nabulionu inoltri, par culpiscia u Portugallu chi mantinia aparti i so porti a a flotta inglesa, invasi a Spagna e u Portugallu stessu, mentri dopu a scelta di a Russia d'escia da u bloccu, custringhjara Nabulionu a affrunta una campagna a livanti chi par eddu sara catastrofica.

In u 1808, sfruttendu un cuntrastu in a famiglia riali spagnola tra u re Carlu IV e u figliolu, u principi di l' Asturie Ferdinando, Nabulionu i custrinsi tremindu a abdica e missi annantu a u tronu di Spagna u so frateddu Ghjaseppu Bonaparte , fendu la cusi entra dirittamenti in l'orbita di l' Imperu francesu. ^{[95] [96]} A listessu tempu, i truppi francesi invadiani e cunquistavani u Portugallu; ma a situazioni divinto prestu prublematica. I britannichi, infatti, fecini sbarca in Portugallu truppi a u cummandu di u generali sir Arthur Wellesley , futuru duca di Wellington, chi riisci a libara u Portugallu , cuntrastendu a campagna in Spagna. ^{[95] [96]} Qui, infatti, a pupulazioni era mossa contru l'accupazioni francesa e avia principiatu una sanguinosa guerriglia chi missi in gravi difficulta l'armata accupanti, custringhjendu Ghjaseppu a abbanduna a capitali e a chera l'intarventu direttu di Nabulionu.

L'imperatori scesi incu una parti di a Grandi Armata in i Spagna e u 4 dicembri, dopu una rapita e vitturiosa campagna , intri a Madrid incu i so truppi. Eppuri Nabulionu un riisci micca a riprima a risistenza naziunalista spagnola ne a distrughja u corpu di spidizioni britannicu passatu a u cummandu di u generali John Moore , chi riisci a evacua a penisula iberica via mari. A Spagna firmeti cusi una spina in u fiancu, custringhjendu l'imperatori, chi pocu tempu dopu duviti vulta rapidamenti in Parighji par via di i nutizii di una nova cualizioni in fasa d'urganisazioni contru ad eddu, a lascia truppi moltu numarosi in a penisula iberica. ^{[97] [98]}

Nonustanti i difficulta d'urganisazioni iniziali, Nabulionu fu in gradu a parta da aprili 1809 d'affrunta a quinta cualizioni ; mustrendu dino una volta a so netta supiriurita di stratega, l'imperatori ottensi una seria di vittorii contru l'austriachi cummandati da l' arciduca Carlu , culminati in a battaglia di Eckmuhl u 22 aprili 1809. Nabulionu accupo Vienna e u Casteddu di Schonbrunn u 12 maghju 1809. A battaglia di Aspern-Essling inveci tarmino incu un insuccessu di Nabulionu chi a a fini vinsi puri, tra u 5 e u 6 lugliu 1809 a dicisiva battaglia di Wagram . L'Austria subi pisanti cundizioni di paci: u Trentino-Altu Adige / Sudu Tirolo , a Baviera , l' Istria e a Dalmazia funi persi. L'indennita di guerra fu enorma. ^{[98] [99]}

A nova Auropa di Nabulionu [ mudifica | edita a fonte ]

A parta da 1810 l'aspettu fisicu di Nabulionu cambio e a so saluta principio a cala; u trascorra di u tempu e l'enormu impegnu di guvernu e amministrazioni di l'Imperu cumincetini a stanca lu; beddu diffarenti da u " scaramouche sulfureu" ^[100] , magru, incu i capeddi longhi nantu a i spaddi, imbruscatu e umbrosu di a ghjuvantu, auminto di pesu, i capeddi tagliati corti si appuculitini, u visu si feci pienu e a grela livida. Puri mantinendu in u cumplessu una grandi lucidita intillettuali e una tinaci risulutezza, mustro di tantu in tantu una calata di i so capacita di cuncintrazioni e di dicisioni ^[101] . Disuria e gastralgia si fecini piu friquenti.

In u 1810, l'Auropa era difinitivamenti ridisignata sicondu u vule nabulionicu. I tarritorii sottu u cuntrollu direttu francesu s'erani espansi beddu piu aldila di i tradiziunali cunfini pre-1789; u restu di i Stati aurupei era o so satellitu o so alliatu. U regnu d'Italia era numinalamenti guvirnatu da Nabulionu, ma rettu da u vicire Eugenio di Beauharnais (figliolu di prima lettu di a moglia di Nabulionu, Ghjasippina); u principatu di Lucca e Piumbinu (da 1805 a 1814 ) fu assignatu a Felici Baciocchi , ma in rialita guvirnatu da a so moglia e a tempu suredda di l'Imperatori Elisa . Da u 1809 a stessa Elisa fu ancu missa a capu di i tre dipartimenti tuscani annessi a l'Imperu incu u titulu di Granduchessa di Tuscana, chi si aghjunsi a quiddu di Principessa di Lucca e Piumbinu, rimanendu fra altru i dui tarritorii disghjunti; a a suredda Paulina , spusata cu u principi Camillo Burghesu , ando u ducatu di Guastalla , cidutu dopu a u regnu d'Italia; u frateddu maio Ghjaseppu ricivia u tronu di Spagna; u frateddu Luigi ricivia u tronu di Olanda , dopu a ave spusatu Ortensia di Beauharnais , figliola di a moglia di Nabulionu, Ghjasippina; u frateddu Ghjirolmu ebbi u regnu di Vestfalia ; u generali Gioacchino Murat , dopu mariscialu di l'Imperu, ebbi u regnu di Napuli , dopu a ave spusatu a suredda di Nabulionu, Carulina ; u mariscialu Bernadotte ebbi u tronu di Svezia , ma beddu prestu tradi u so exi capu intrendu in a cualizioni chi l'avaria ditrunizatu. ^[102] A Cunfederazioni di u Renu era di fattu sottu u cuntrollu di Nabulionu.

Dopu a paci di Schonbrunn , Nabulionu e l'austriacu Metternich s'erani accurdati par un matrimoniu di Statu. U 14 dicembri 1809 , Nabulionu divurzio da Ghjasippina di Beauharnais , a moglia certu infideli ma mori amata ^[103] . U 1º aprili 1810 Nabulionu spuso a figliola di l'imperatori d'Austria, Maria Luisa , nipoti di Maria Antunietta , a righjina scapata duranti a Rivuluzioni (cio chi un pruvuco micca pochi pulemichi in Francia). ^{[98] [104]} Incu stu matrimoniu l'Austria s'era liata a Nabulionu, cio chi purtava a a criazioni d'un'allianza guasgi indissulubili. Nabulionu ebbi un eredi lighjittimu da Maria Luisa, natu dopu un partu difficiuli u 20 marzu 1811. ^{[105] [106]} Eppuri l'eredi di l'Imperu, Nabulionu Francescu, dittu u re di Roma (Nabulionu II), un cuddo micca in rialita mai a u tronu: Nabulionu fu ditrunizatu pochi anni dopu e Nabulionu II muri successivamenti a soli 21 anni.

A campagna di Russia [ mudifica | edita a fonte ]

Nonustanti l'accordi stabiliti a Tilsit, u zaru Lisandru I di Russia timia l'egemunia nabulionica e ricuso di cullabura incun eddu riguardu a u Bloccu Cuntinintali , par un dannighja micca l'ecunumia russia e parchi sicritamenti spirava di furma una nova cualizioni antifrancesa. ^{[105] [107]} Nabulionu dicisi di principia una campagna dicisiva contru a a Russia par sottumetta u zaru a u so sistemu di puteri in Auropa, custringhja lu a aderiscia a u Bloccu, priva lu di a so influenza in Pulonia, Balcani , Finlandia e Persia . L'imperatori dispunia di circa 700.000 omini, di i quali circa 300.000 francesi e u restu cuntingenti stranieri pruvinenti da tutti i stati vassalli e alliati di u Grandi Imperu. ^[108] I russii, cummandati prima da u generali Michael Barclay de Tolly e dopu da u generali Mikhail Kutuzov , timurosi d'affrunta a pripundiranti armata numica e intimichiti da a riputazioni militara di Nabulionu, dicisini a l'iniziu di ritira si in u cori di a Russia ^{[107] [109]} .

Una seria di vasti manovri strategichi, cuncipiti da Nabulionu par scunfighja l'armata numica e cunchjuda rapidamenti a guerra, faddini par via di l'arrori di i so tinenti, di i difficulta di u tarrenu e di i tattichi prudenti di i so avvirsarii; a Vilna , a Vitebsk e soprattuttu in a battaglia di Smolensk e in a battaglia di Valutino i russii, battuti ma micca distrutti, riiscini a evita un scontru dicisivu e a tena si in daretu versu u livanti ^[110] .

Finalmenti u 7 sittembri, dopu a a dicisioni di u generali Kutuzov di cumbatta par difenda Mosca , ebbi locu a grandi battaglia di Borodino , a punenti di a cita: dopu una battaglia sanguinosa e accanita, i russii, scunfitti, vultetini a daretu e Nabulionu intri in Mosca una sittimana dopu, in u dopu meziornu di u 14 sittembri, dopu a ave postu u so quartieri generali annantu a a cuddina Poklonnaja , cunvintu ch'e Lisandru avaria niguziatu a paci. ^[109] Stabilitu si in u Cremlinu , Nabulionu un pudia micca imagina ch'e a cita cumplittamenti biota nascundessi in rialita un'insidia: in a notti Mosca cumincio a brusgia, essendu stati appiccati i fiammi da parechji russii nascosti in i casi. ^[111] Nabulionu, chi avia pruvatu parechji volti di fa un accordu incu Lisandru I, si resi contu di a nicissita di ritira si vistu chi l'inguernu s'avvicinava. Deti par quissa ordini di principia a ritirata: era fermu a Mosca micca piu di trenta cinqui ghjorna.

A Grandi Armata francesa suffri gravi perditi in u corsu di a disastrosa ritirata; a spidizioni era principiata incu circa 700.000 omini (fra i quali pocu menu di a mita erani francesi) e 200.000 cavaddi, a a fini di a campagna pocu piu di 18.000 omini righjunsini Vilna firmendu in i ranghi; a quisti si aghjunsini dopu quaranta mila isulati in i ghjorna dopu. In tutali piu di 400.000 funi i morti e 100.000 i prighjuneri. ^[112] Sopravvissini inoltri solu 10.000 cavaddi. Tra u 25 e u 29 nuvembri, infatti, i resti di l'armata, distrutta prima da u caldu e dopu da u fretu (u cusiddittu " generali Inguernu ") ^[113] funi in gran'parti anniintati da i russii duranti u passaghju di a Beresina . Intantu, Nabulionu era statu infurmatu di a nutizia ch'e in Parighji u generali Malet avia diffusu a nutizia di a morti di l'imperatori e pruvatu un colpu di Statu. ^[114]

A scunfitta di Lipsia, l'abdicazioni e l'esiliu in Elba [ mudifica | edita a fonte ]

A prima a uniscia si a a vitturiosa Russia fu a Prussia chi, abbandunendu l'allianza incu Nabulionu, si dichjaro a fiancu di u zaru e di a Gran'Britagna. Era a sesta cualizioni . Nabulionu dopu a essa riintratu a Parighji urganizo in freccia, incu l'afflussu di ghjovani ricluti, una nova armata e scunfissi i prussiani prima in a Lutzen e dopu in a Bautzen di maghju 1813 . Ma l'insidia piu grandi era l'Austria, a quali - micca rispittosa di i patti - era pronta a scavalca ancu un matrimoniu di statu com'e quiddu di Nabulionu incu Maria Luisa a u fini di scunfighja l'udiatu numicu. In u corsu d'un mimurabili e timpistosu incontru bilatirali a Dresda , Nabulionu e Metternich un riiscini micca a ghjunghja a un accordu, e u 12 aostu l'Austria s'uniscia a a cualizioni antifrancesa. Dopu un'ultima impurtanti vittoria francesa in a battaglia di Dresda , i forzi nabulionichi funi custretti pianamenti a vulta a daretu sottu a prissioni cunghjunta di l'armati d'Austria, Russia, Prussia e Svezia; l'armata svidesa era cummandata da l'exi mariscialu francesu Jean-Baptiste Jules Bernadotte . In a dicisiva battaglia di Lipsia , ditta Battaglia di i Nazioni parchi ci participani armati di tutta l'Auropa, l'inespirienza di l'armata francesa, a difizzioni di i cuntingenti tedeschi e a supiriurita numerica di i forzi numichi funi i fattori chi ditarminani a scunfitta di Nabulionu. L'armata francesa fu custretta a ritira si a traversu a Germania in piena insurrizioni contru a l'accupazioni nabulionica, mentri ancu l'Olanda si rivultava e a Spagna era oramai persa. ^[114]

Riintratu a freccia a freccia in Parighji, Nabulionu divia subiscia tandu l'insuburdinazioni di tutti i corpi pulitichi: i Camari dinunciani solu tandu a so tirannia, a nova nubilta da eddu criata li vulto i spaddi, u populu oramai stancu di a guerra firmeti fretu, i marisciali di l'Imperu cumincetini a difiziuna: tra i principali, Gioacchino Murat chi passo a u numicu par cunsirva u regnu di Napuli. ^[114]

U ghjornu di Natali di 1813 a Francia fu invasa da l'armati di a cualizioni. Un mesi dopu, u 25 ghjinnaghju 1814 , cunsignatu a u frateddu Ghjaseppu u cuntrollu di Parighji e a a moglia Maria Luisa a righjenza, salutatu u picculu figliu ch'un avaria mai piu rivistu, Nabulionu si mettia a u cummandu d'un armata di 60.000 veterani di a Vechja Vardia. ^[115] Par dui mesa, Nabulionu tini testa a u numicu in cio chi sara difinita da parechji com'e a so campagna piu brillanti, vincendu a Brienne (probbiu ind'eddu avia studiatu l'arti militara), a Champaubert , Montmirail , Chateau-Thierry , Vauchamps , Mormant , Montereau , Craonne , Laon . Scunfittu infini da i forzi prussiani di u feldmariscialu von Blucher , da quiddi austriachi e da quiddi russii di Wintzingerode , cuscenti di un pude micca anticipa i truppi numichi in marchja annantu a Parighji, Nabulionu vulto in daretu a Fontainebleau induva, saputa a nutizia di u tradimentu di u generali Marmont chi s'era arresu incu i so truppi a l'alliati, e scuraghjitu da l'attitudina di rinunciamentu di u mariscialu Michel Ney , u 4 aprili annuncio ufficialamenti a so intinzioni di chera a paci. ^[116]

Intantu u frateddu Ghjaseppu avia capitulatu e u numicu era intrutu vitturiosu in Parighji u 31 marzu incu a a testa u zaru Lisandru I, chi u ghjornu dopu avia dighja fattu ustinta annantu a i mura di Parighji a so pruclama indirizzata a u populu francesu.

A Fontainebleau Nabulionu passo ghjorna duri e difficiuli. Li ghjunsi nutizia ch'e u numicu avia riittatu a so pruposta di paci chi stabiliscia u ritornu a i "cunfini naturali" di a Francia. U zaru Lisandru I l'imposi l'abdicazioni. Eddu, dopu a ave parechji volti esitatu, dicisi d'abdica in favori di u figliolu e di a righjenza di Maria Luisa. Ma u numicu scelsi un'abdicazioni tutali, postu ch'e Talleyrand avia dighja presu accordi par ristaura nantu a u tronu i Borboni . Nabulionu, indignatu, minaccio di rimetta si a a testa di i so armati e di marchja annantu a Parighji, ma i marisciali u custrinsini a ceda. ^[117] L'abdicazioni divinto effittiva u 6 aprili.

U 12, Nabulionu ingeri una forti dosa di vilenu ma miraculusamenti si salvo. ^[118]

Imbarcatu si a freccia a freccia in Marseglia nantu a a fregata inglesa HMS Undaunted cummandata da Thomas Ussher ^[119] , u 4 maghju 1814 sbarco a l'isula d' Elba , induva u numicu avia dicisu d'esilia lu, puri ricunniscendu li a suvranita nantu a l'isula incu u rangu di principi e a cunsirvazioni di u titulu d' imperatori .

I "Centu ghjorna" [ mudifica | edita a fonte ]

Ancu s'eddu era impignatu in i travagli a l'Elba, Nabulionu cuntinuava a riceva sicritamenti nutizii di a situazioni francesa par via di parechji telegrafi ottichi dislucati nantu a l'alturi di l'isula. ^[120] U novu suvranu, Luigi XVIII Borbone, era mal'vistu da a pupulazioni: in u solcu di a Ristaurazioni, Luigi smantiddava pianu pianu tutti i cunquisti di a Rivuluzioni lighjittimati da Nabulionu. ^[121] Sti nutizii, aghjunti a a boci oramai certa ch'e i numichi erani prossimi a trasfiriscia lu luntanu da l'Auropa, purtani Nabulionu a agiscia. Prufitendu di l'assenza di u cummissariu inglesu sir Neil Campbell , chi s'era ricatu a Livornu , Nabulionu lascio l'Elba u 26 frivaghju 1815 , salutatu da a pupulazioni di Portufarraiu , incu una flotta di setti bastimenti e circa milla omini chi suvitavani ^[122] .

L'imperatori elusi a surviglianza di a flotta inglesa e u 1a marzu 1815 sbarco in Francia in u golfu di Cannes , a Antibes : principiavani i lighjindarii "Centu ghjorna". A pupulazioni l'accolsi incu un entusiasmu stunanti e l'armati chi l'erani stati inviati contru da Luigi, inveci d'arrista lu, si unitini ad eddu. U prima fu u 5° di linia di Grenoble : Nabulionu mossi incontru a i suldati di l'armata burbonica e grido "Chi voli spara a u so Imperatori he libaru di fa lu" ^[123] . Dopu si cunsignani l'armati vidati da Charles de a Bedoyere e da u mariscialu Ney, chi prima di renda si a Napuli avia ghjuratu in i mani di Luigi XVIII ch'eddu avaria cunduttu Nabulionu in Parighji "in una cabbia di farru". ^[124] Tremindu i generali avariani pagatu incu a fucilazioni u voltafaccia. U 20 marzu Nabulionu intri triunfalamenti in Parighji, mentri Luigi era fughjitu in freccia versu Gand annantu a u sughjirimentu di Talleyrand, u quali a u Cungressu di Vienna spinsi i testi curunati a ripiglia a spada contru u dispotu. ^{[125] [126]}

Avendu riurganizatu prestu l'armata, Nabulionu chersi a i numichi chi s'erani di novu cualizati a paci a a sola cundizioni di mantena u tronu di Francia: un fu micca ascultatu. ^[127] Intantu, in campu puliticu, l'imperatori avia beddu capitu i limiti di u so guvernu pricidenti e avia prumulgatu una custituzioni maghjuramenti liberali, l'Attu addiziunali, chi cuncidia un puteri maio a i camari e a libarta di stampa. ^[126] Par evita una nova invasioni di a terra di a patria, Nabulionu feci a prima mossa intrendu a l'impruvisu in Belgica , induva erani posti l'armata britannica e l'armata prussiana. U so pianu prividia una manovra annantu a dui ali chi avariani divisu e scunfittu siparatamenti i prussiani e i britannichi prima ch'eddi possini, supiriori di numaru, cunghjunghja si. L'ala dritta cummandata da eddu impigno e scunfissi i prussiani di u generali Blucher in a battaglia di Ligny , mentri u mariscialu Ney attacco i britannichi di u duca di Wellington a Quatre-Bras , ma nissunu di i dui cumbattimenti ebbi un esitu ditarminanti. ^[125] Cusi si ghjunsi a u 18 ghjugnu 1815, a ghjurnata di a battaglia di Waterloo , discritta ancu da Victor Hugo . U pianu strategicu generali di Nabulionu fu anniintatu da parechji arrori di i so marisciali, principalamenti Emmanuel de Grouchy , u quali, inviatu a intarcitta a culonna prussiana sfughjita a Ligny, in pratica si limito solu a prusegua a vardia da daretu di i forzi prussiani chi s'erani intantu riurganizati e chi, grazia a a so ditarminazioni, riiscini a ricunghjunghja si incu Wellington probbiu in a fasa dicisiva di a battaglia. I forzi britannichi di u duca di Wellington e quiddi prussiani di Blucher riiscini a scunfighja i francesi. ^{[128] [129]}

Nabulionu feci parechji sbagli tattichi in a so ultima campagna e inoltri si sbaglio in a scelta di i tinenti, rinuncendu a u mariscialu Louis Nicolas Davout , lasciatu a Parighji, e affidendu si a Grouchy, inespertu d'incarichi di cummandu, e a Ney, famosu par u so curaghju ma micca par a so intellighjenza tattica, chi u so cumpurtamentu inutulamenti avvintatu fu fra i fattori ditarminanti di a disfatta. L'ultimu a renda si fu u ghjovanu generali di a Vardia imperiali Pierre Cambronne ^[130] chi incu a Vechja Vardia cupri a ritirata di l'armata scunfitta a a volta di Parighji.

Nabulionu s'era dimustratu ottimistu duranti a battaglia: "Wellington he un pessimu generali. Stasera faremu cena a Bruxelles", avia dichjaratu a matina. In a sirata inveci, l'imperatori era nantu a a strada di ritornu par Parighji cuscenti di a cirtezza di a fini d'ogni sognu di soiu. ^[131]

Quandu li fu imposta da a Camara a nova abdicazioni, sottu i prissioni di u putenti Fouche ("L'aviariu duvutu fa impicca prima", sbutto Nabulionu), ^[132] dichjaro ch'eddu s'aia da immula "in olucaustu par a Francia" ^[131] e chersi in vanu ch'edda fussi rispittata a so vulinta di pona annantu a u tronu a l'ita ghjusta u so figliolu Nabulionu II. I forzi numichi, viciversa, intritini in Parighji e rimissini annantu a u tronu Luigi XVIII. Nabulionu si rifughjo a u casteddu di Malmaison , a vechja casa ind'eddu era statu incu a moglia Ghjasippina, morta da pocu. A so intinzioni era di fughja in i Stati Uniti , ma ricuso di travisti si com'e ci saria vulsutu par isfughja a a cattura, parchi quissa avaria infamatu u so onori. ^[133] Inveci, incu un gestu storicu, u 15 lugliu 1815 Nabulionu si arresi a l'inglesi cuddendu a bordu di a navi HMS Bellerophon .

L'esiliu a Sant'Elena e a morti [ mudifica | edita a fonte ]

U 16 uttrovi 1815 a navi di battaglia inglesa HMS Northumberland ghjunsi in Sant'Elena , un'isula in l'Uceanu Atlanticu, cu un priziosu caricu. Induva, incu un picculu suvitatu di fidelissimi, ^[134] fu trasfiritu in u paesi internu di Longwood, ind'eddu firmeti finu a a so morti.

Nabulionu ditto i so mimorii e sprimo u so disprezzu par l'inglesi, parsunificati in l'udiosa figura di u "carciarieri" di Nabulionu sir Hudson Lowe (chi da u trattamentu duru risirvatu a Nabulionu un ottensi alcunu avantaghju par a so carriera, ma fu piuttostu accusatu d'essa statu troppu siveru in i cunfronti di l'imperatori francesu). Nantu a a basa di i so ricordi, espressi in longhi cunvarsazioni guasi cutidiani, u conti de Las Cases scrissi U Mimuriali di Sant'Elena e in a siconda mita di l'aprili 1821 ridighjiti eddu stessu i so ultimi vulinta , e molti noti di margina (par un tutali di 40 pagini).

I dulori a u stomacu chi ni suffria dighja dipoi un certu tempu, diventati piu acuti in u clima inuspitalieri di l'isula e incu u duru rigimu chi l'era statu impostu, u condussini a a morti u 5 maghju 1821 a 17:49 ori. L'ultimi paroli di Nabulionu funi Francia e testa di l'armata . ^[135] Scelsi d'essa sippidditu nantu a i spondi di a Senna , ma fu inveci sippidditu in Sant'Elena com'e ghja privistu l'annu prima da u guvernu inglesu. U guvarnadori Lowe e i so omini li dessini l'anori risirvati a un generali.

L' autupsia ditarmino a causa di morti in un tumori di u stomacu . ^{[136] [137]}

U 19 lugliu 1821, pocu dopu a ave amparatu a nutizia di a morti di Nabulionu, Lisandru Manzoni scrissi a famosa puisia U cinqui maghju , chi ebbi una forti risunanza in tutta l'Auropa e chi fu tradutta in tedescu da Johann Wolfgang von Goethe .

Tiurii altirnativi nantu a a morti di Nabulionu [ mudifica | edita a fonte ]

Principiani subitu a diffonda si iputesi altirnativi annantu a a morti di Nabulionu , fruttu, in generali, di tiurii di u cumplottu : quiddi, puri accriditati, un smintiscini micca a viridicita di a causa di a morti par via di un tumori a u stomacu. ^{[137] [138]}

U sicondu intarramentu in Parighji [ mudifica | edita a fonte ]

U 2 aostu 1830 , novi anni dopu a morti di Nabulionu, u re Borbone Carlu X fu custrettu a abdica e a curona fu cuncessa a Luigi Filippo di Orleans d'idei piu liberali. A statua di l'imperatori fu ristaurata nantu a a culonna di a Piazza Vendome e ci funi richiesti par fa rientra in patria i spogli murtali. U figliolu minori di u re, u Principi di Joinville , fu incaricatu di ripurta i spogli di l'imperatori in Francia e dopu a ave ottinutu u parmissu di i britannichi, dirighjiti una spidizioni in Sant'Elena par tramuta a salma in Parighji. ^[139] U 15 uttrovi 1840 , par via di una cummissioni - chi i so membri erani u conti Philippe de Rohan-Chabot, Charles Alexander, u culuneddu Hamelin Trelawny, u capitanu William Wylde, u culuneddu Charles Hodson, u sigritariu culuniali William Henry Seale, u cummandanti Edward Littlehales, u mariscialu Henri Gatien Bertrand, u generali Gaspard Gourgaud, u conti Emmanuel de Las Cases, u generali Jean Gabriel Marchand, Arthur Bertrand, i capitani Leonard Charner, Guyet e Doret, l'abati Felix Coquereau, dui curisti, u medicu Remi Guillard e parechji exi dumestichi di Nabulionu - fu riesumata a salma chi si svilo intatta, vistuta in l'uniformu di culuneddu di i Cacciadori di a Vardia . ^[140] Quand'eddu fu ricompostu u corpu in una bara d' ebanu , l'imperatori inizio u so viaghju di ritornu in Francia, ind'eddu ghjunghji a Cherbourg u 2 dicembri, salutatu da i salvi di cannonu di u forti e di i navi militari prisenti. ^[139]

U 15 dicembri 1840 ebbi locu l'intarramentu sulennu in Parighji cilibratu incu tutti l'anori di u rangu imperiali. A cascia fu disposta annantu a un carru trainatu da 16 cavaddi, scurtatu da i Marisciali di Francia Oudinot e Molitor , l'ammiragliu Roussin e u generali Bertrand , a cavaddu, annantu a i quattru lati, u curteghju funebru passo sottu l' arcu di trionfu , tra dui fili di insegni incu l'acula imperiali, salutatu da i salvi di cannonu e accoltu da a famiglia rignanti in nomu di a Francia. ^[139] U fideli generali Bertrand, chi avia accumpagnatu Nabulionu a Elba e a Sant'Elena, fu incaricatu da u Re di pona a spada e u copricapu di l'imperatori annantu a a bara, ma un ci riisci micca par via di l'emuzioni e fu rimpiazzatu da u generali Gourgaud . Piu tardi, in [1843]] Ghjaseppu Bonaparte invio u gran'cuddari, u nastru, e l'insegni di a Legioni d'onori ch'e so frateddu t'avia.

A tomba munumintali [ mudifica | edita a fonte ]

I resti di Nabulionu riposani in un munimentu postu in una cripta a celi apartu ricavata in u pavimentu di a ghjesgia di Saint-Louis des Invalides in Parighji, asattamenti sottu a cupola durata. U munimentu, cuncipitu da l'architettu Louis Visconti , fu tarminatu in u 1861 e cunsisti in un grandi sarcofagu di quarzita rossa di a Finlandia , chi cunteni i 6 bari prima di i quali he statu chjusu u corpu di Nabulionu: da a piu interna a a piu esterna avemu una bara di lamiera e dopu unu di moganu , dui bari di piombu , una d' ebanu e l'ultima di legnu di quarciu . Intornu a u sarcofagu ci he una loghja circulari dicuratu incu enormi statui raffiguranti dodici Vittorii . ^[141]

U trasfirimentu da a cappedda di Saint-Jerome induva era stata diposta a salma in u 1840 , in a cripta cintrali di a cattidrali di Saint-Louis des Invalides fu effittuatu in una cirimonia micca pubblica u 2 aprili 1861 , incu a prisenza di l'imperatori Nabulionu III . A mascara funiraria he cunsirvata inveci vicinu a l' Accademia di l'Euteleti a San Miniato in a pruvincia di Pisa , cita induva calchi antinati di l'imperatori aviani risidutu. A l'internu di a cripta he prisenti ancu a tomba di u figliolu di Nabulionu, Nabulionu Francescu , chi fu qui trasfiritu u so corpu da a Cripta di i Cappuccini di Vienna , ind'eddu era sipoltu com'e tutti i membri di a casa d'Austria, da Adolf Hitler in 1940 , com'e donu a u populu di Francia dopu l'accupazioni a l'iniziu di a siconda guerra mundiali .

A strategia di Nabulionu [ mudifica | edita a fonte ]

Nabulionu, ufficiali d'artigliaria, ghjovanu generali liatu a l'iniziu a a fazzioni giacobina e dunqua a u Dirittoriu, prima consulu e dopu imperatori di i francesi, cunduttieri di a piu grandi macchina militara di l'ebbica ^[142] e cunquistadori di gran'parti di u cuntinenti, ferma a i ghjorna d'oghji l'archetipu di l'omu di guerra vitturiosu, prutagonistu di una vicenda storica narrata e analizata da una vastissima bibliugrafia ^[143] .

I figlioli [ mudifica | edita a fonte ]

Nabulionu ebbi un solu figliu lighjittimu, u ghja citatu Nabulionu Francescu ( 1811 - 1832 ), avutu da a siconda moglia Maria Luisa d'Asburgu-Lorena ( 1791 - 1847 ). Eppuri so noti par certu almenu dui figlioli illighjittimi:

• Carlu, conte Leon ( 1806 - 1881 ) avutu da Luisa Caterina Eleonora Denuelle de a Plaigne ( 1787 - 1868 ), lettrici di a principessa Carulina Bonaparte , ghja spusata a Jean-Honore Francois Revel e da eddu divurziata pochi mesa prima di a nascita di Carlu; ^[144]

• Lisandru Floriano Ghjaseppu, conte Culonna-Walewski , ( 1810 - 1868 ), avutu da Maria Laczynska ( 1786 - 1817 ), ghjovana polacca, moglia di l'anzianu conti Attanasio Culonna di Walewice-Walewski, megliu nota incu u nomu di Maria Walewska, di a quali Nabulionu fu sinciramenti innamuratu.

Inoltri he statu scrittu ch'e u filosofu, ghjurnalistu e omu di statu francesu, Jules Barthelemy-Saint-Hilaire (1805 - 1895), fussi un figliolu illighjittimu di Nabulionu Bonaparte, ma un ci he alcuna cirtezza storica ^[145] .

Bibliugrafia [ mudifica | edita a fonte ]

• ( talianu ) Jacques Bainville in Baldini Castoldi Dalai Editore, Napoleone , Milano, 2006. ISBN   88-8490-920-1 . Lingua ignota: talianu ( aiuto )

• Guido Gerosa, Napoleone, un rivoluzionario alla conquista di un impero, Milano, Mondadori, 1995, ISBN 88-04-33936-5 .
• Sergio Valzania, Austerlitz, la piu grande vittoria di Napoleone, Milano, Mondadori, 2005, ISBN 978-88-04-55900-9 .
• Alessandro Barbero, La battaglia, storia di Waterloo, Roma-Bari, Laterza, 2003, ISBN 978-88-420-7759-6 .
• Alexandre Dumas, Napoleone, Roma, ed. Newton & Compton, 2004, ISBN 88-8289-790-7 .
• David G. Chandler, Le Campagne di Napoleone, Milano, RCS Libri - Superbur Saggi, 2002, ISBN 88-17-11577-0 .
• David G. Chandler, I marescialli di Napoleone, Milano, ed. BUR, 1996, ISBN 88-17-11695-5 .
• Luigi Ugolini, Il romanzo di Napoleone, ed. Paravia, Torino, 1957
• Max Gallo, Napoleon, Paris, Edition Robert Laffont, 1997, ISBN 2-221-09796-3 .
• Adolphe Thiers, Histoire du consulat et de l'empire, Paris, Paulin-Lheureux.
• Emile Marco de Saint-Hilaire, Histoire populaire de Napoleon et de la grande armee, G. Kugelmann, 1843, ISBN non esistente.
• Louis Antonine Fauve De Bourrienne, Memoirs of Napoleon Bonaparte, Volume 4, Wildside Press LLC, 2010, ISBN 978-1-4344-1136-5 .
• Lionel Jospin, Le mal napoleonien, Editions du Seuil, 2014.
• Philip Dwyer, Napoleone: The path to power 1769 - 1799, Volume 1, Bloomsbury Publishing, 2008, ISBN 978-0-7475-6677-9 .
• Avner Falk, Napoleon against himself: a psychobiography, Pitchstone Pub, 2007, ISBN 978-0-9728875-6-4 .
• Thomas Ussher, John R. Glover, Napoleon's Last Voyages, Ithaca, Cornell University Library, 1906, ISBN 978-1-112-51214-8 .

Filmugrafia [ mudifica | edita a fonte ]

Di seguitu so citati li film reperibili in lingua italiana chi hanu avutu per sogghjettu centrale lu personagghju di napuleone Bonaparte e le sue vicende storiche.

• 1927 - Napoleon di Abel Gance cu Albert Dieudonne (Francia) - storia di napuleone da la fanciullezza a la campagna d'Italia di lu 1796, in 235', prima parte di un ciclu mai realizzatu.
• 1935 - Campu di magghju di ghjovacchinu furzanu cu Corradu Racca (Italia) - da l'esiliu a Sant'Elena, napuleone rievoca li Centu ghjorni e Waterloo, in 103'.
• 1943 - Sant'Elena, piccula isola di Renatu Simoni cu Rugghjeru Rugghjeri (Italia) - La storia di l'esiliu di l'imperatore a Sant'Elena, in 82'.
• 1952 - Napoleone di Carlu burghesiu cu Renatu Rascel (Italia) - cummedia parodistica in cui lu bustu di napuleone raccunta le sue ghjesta a quellu di ghjuliu Cesare , in 90'.
• 1954 - Desiree di Henry Koster cu Marlon Brandu (USA) - La tormentata vicenda d'amore tra napuleone e la so' fiamma Desiree Clary , cunclusa col matrimoniu cu ghjuseppina, in 110'.
• 1954 - Napoleone Bonaparte di Sacha Guitry cu Daniel Gelin e Raymond Pellegrin (Francia-Italia) - la storia cumpleta di napuleone da la nascita a la morte raccuntata da Talleyrand a li soi amici, in 180'.
• 1960 - Napoleone a Austerlitz di Abel Gance cu Pierre Mondy (Francia-Italia-Jugoslavia) - napuleone da l'incoronaziune a la battaglia di Austerlitz, in 170'.
• 1970 - Waterlou di Serghjej Bondarcuk cu Rod Steighjer (URSS-Italia) - li Centu ghjorni e la battaglia di Waterlou (forse la piu lunga in lu la storia di lu cinema) in 135' - quattru ore in urighjnale.
• 2002 - Napoleon di Yves Simoneau cu Christian Clavier (Francia, ghjermania, Italia, Canada, USA) - pruduziune televisiva in quattru puntate tratta da lu ciclu di Max Gallu cu Isabella Rossellini , ghjerard dipardieu e John Malkovich .
• 2006 - N (Iu e napuleone) di Paolu Virzi cu Daniel Auteuil (Italia) - trattu da l'omonimu romanzu di Ernestu Ferreru ( premiu Strega 2000), he ambientatu durante l'esiliu di napuleone a l'Elba.

Liami esterni [ mudifica | edita a fonte ]

• ( FR ) Fundazione Napulione

Fonti [ mudifica | edita a fonte ]

'Ss'articulu pruveni in parti o in tutalita da l'articulu currispundenti di a wikipedia in talianu.

Rifarenzi [ mudifica | edita a fonte ]