Santu
Leone
.
Di i papa chi anu pigliatu a
Leone
cum'e nome, cinque so stati canunizati. U 10 nuvembre si festighjeghja a Leone Primu, u Grande, papa da 440 a 461. Era l'epica chi l'imperu rumanu, in Occidente, si n'andava a u sprufondu. I Franchi, i Visigoti, i Vandali, i Burgondi, eranu scalati per un parte piu. For di i Franchi, chi ghjeranu pagani, l'altri eranu ariani: negavanu a divinita di Ghjesu.
In Oriente, a medita di i veschi eranu monofisiti. Per l'Armeni, pe i Ghjacubiti di Siria, i Coppiti di l'Egittu e di l'Etiopia, Ghjesu un avia che l'apparenza di a nostra natura.
Leone ha luttatu contru a l'autonumia di isse chjese, predichendu e impunendu i dogmi di l'Incarnazione e di a Trinita. Avia e qualita di un omu di Statu e ha impeditu chi Bizanziu, duv'ellu stava l'imperatore, piglia a suprana a Roma.
Roma, l'ha salvata dinu l'annu 452, quandu Attila era prontu a ruvinalla pe u sempre. Leone si prisento a ellu, pago un tributu assai impurtante, e Attila si n'andete.
U cunciliu di Calcedonia, in u 451, fu un trionfu pe a duttrina e l'auturita di Leone. I cinquecentu veschi, aduniti da l'imperatore, si so cuntentati di a lettura di a lettera di u papa. A cunclusione fu: Leone ha parlatu, "causa finita est".
Etimolugia: da u lat. "leo" (laone).
Casate: Leoncini, Leonelli, Leoneschi, Leonetti, Leoni.
Nomi: Leao, Lee, Lei, Lenonie, Leo, Leon, Leon, Leona, Leonce, Leone, Leone, Leonia, Leonila, Leonilla, Leonille, Leonina, Leonine, Leons, Leontin, Leontine, Leontyne, Lev, Levounia, Lionia, Lonni, Nilla.- U nome Leone he statu purtatu da 6 imperatori di Custantinopuli e da 13 papa.
[1]