Timothy Buckley
a oa ur c'haner hag ur saver kanaouennou ag ar
Stadou-Unanet
. Ganet eo bet e
1947
hag aet da
anaon
e
1975
da heul kemer
drammou
.
Mab d'un
Iwerzhonad
, monet a reas da chom e meur a lec'h er
Stadou-Unanet
(a bep tu d'ar vro,
Los Angeles
,
Washington
...). Kroget e oa ged kanin ha senin er lise, diar levezon
Bob Dylan
peurgetket. Digor e spered da sonerezhiou a bep seurt, kani
Stockausen
kement ha kani hengounel a vro
India
.
Savet getan ur strollad ged
mignoned
e sonas e-barzh festou skol, ha diwezhatoc'h, ged ar brud, e-barzh
tavarniou
e Los Angeles. Eno eo en em gavas get
Frank Zappa
. Dimezin a reas get Mary Guibert (ur mab a voe ganet a-benn nebeut, Jeffrey hag a vo graet Jeff anezhan diwezhatoc'h, hag heman diwezhan da vonet war roudou e dad pemp ble arnugent goude).
Redeg a ra ar
brud
, hag en da senin e-barzh tavarniou ag ar choej. Engouestlet e voe get Elektra hag e bladenn gentan a za er-maez a-benn nebeut (
Tim Buckley
didro !). Ur penn-oberennig eo dija, o kemenn ar penn-oberennou meur a zay diwezhatoc'h.... Ur
vouezh
dibar ha kizidik da lakaat da lenvan, ur
sonerezh
skanv met pinvidik ha rikamanet a-zoare avat, setu perzhiou dibar sonerezh ar paotr-se.
Ha en daet da vout ur mailh, kenderc'hel a ra da zigor bras e
ziskouarn
da bep seurt sonerezhiou, ha dreist-holl ar jazz (berzh a ra Miles Davies er mareou-se, ha
Thelonious Monk
), hag an
taboulinou
. Setu peadra da vagin e awen evit an amzer da zont. Tamm ha tamm e voe muioc'h a vejons e-barzh e sonerezh, a-drugarez d'an
tredan
ivez, hag a dap liv ar rock get benvigi a-zoare evit se (
ograou
tredanel,
gitar
...). Setu dozvet geton ur
bladenn
arall :
Goodbye and Hello
, brav-meurbet ur wezh ouzhpenn.
Liv ar
blues
a zegas Tim e-barzh e doniou adalek 1968. Chench a ra liv e sonennou kozh en e
sonadegou
, a-zoc'h
awen
e spered d'ar mare-se, ha pinvidikaat kempennadur e sonennou get ouzhpennin un doare gzilofon bras (vibrafon pe fraonverezh) e-barzh ar jeu. Brav-tre e oa e bladennou sonadegou enrollet e
London
e 1968 (
Dream letter
) ha gant ur vouezh ag ar re fromussan. Ar bladenn
Happy Sad
a voe da heul, e 1969. Tostoc'h doc'h pezh a ra en e sonadegou, sonet ar an toemm, hep re a gempennaduriou, blaz ar folk ar ar sonennou el'kent, met blaz ar jazz iwez, sonennou hiroc'h, huchadennou, lenvadennou get e vouezh ken fromus bepred. Berzh a reas e-touez selaouerion o divskouarn figus, met ne werzhas ket sammadou pladennou avat ! Ur brud mat en doa tapet memestra.
Dre forzh furchal, arnodennin, diazezin levezoniou a bep tu, eh eas e sonerezh ar dachenn ar
jazz free
, get toniou hir, hep
lusk
resis erbet enne, hep diskan, hag e vouezh d'ober he reuz bepred, ar un dro krenv ha sklintin anezhi.
Diar neuze e vez kaset e sonerezh get ur strollad dezhan un arliv jazz.
Kaset e voe dre e gantreadennou da lakaat druzoni e-barzh e oberennou, da danvin ar
blues
met ne zaas ket ken brav geton, neoazh e vez kavet
perlezennou
e-barzh elkent ! Ur maread dic'hoanag pa ne vez ket peurgomprenet e arz get tud 'zo, ha en da lonkin muioc'h-mui, ha drammou krenvoc'h-krenvan da heul, peadra d'er c'has d'an anaon e penn kentan an hanv 1975... Ha en tapet e 28 vle hepken.
- Tim Buckley
1966
- Goodbye and Hello
1967
- Happy Sad
1969
- Blue Afternoon
1970
- Lorca
1970
- Starsailor
1970
- Greetings from L.A.
1972
- Sefronia
1973
- Look at the fool
1974
ha pladennou arall, daet er-maez ar-lerc'h marv Tim :
- Dream Letter
(ar ar
leurenn
e London, enrollet e 1968)
- Peel sessions
(en abadenn vrudet er radio e 1968)
- Live at the Troubadour
(ar ar leurenn, 1969)
- Honeyman
(ar ar leurenn, 1973)
- Work in progress
(1999)
hag un nebeud re arall a zo c'hoazh,
dastumadegou
pe
enrolladennou
chomet diembann d'ar mare-se anezhe.