Strollad Broadel Skos

strollad politikel
Deiziad krouin	7 Ebr 1934
Anv berr	SNP
Prezidant	John Swinney
Stad	Rouantelezh-Unanet
Ezel eus	Emglev Libr Europa
Political alignment	kleiz-kreiz
Ideologiezh politikel	Scottish independence , sokial-demokratelezh , Scottish nationalism , pro-Europeanism
Lec'h diazez	Dinedin
Isaozadur	Young Scots for Independence
Sez sokial	Dinedin
Erlec'hian a ra	National Party of Scotland , Scottish Party
SRGB color hex triplet	FFF95D
Lec'hienn ofisiel	https://www.snp.org/
Rummad evit an izili	Category:Scottish National Party politicians

Logo

Ar Scottish National Party (SNP ; gouezeleg Skos : Partaidh Naiseanta na h-Alba , "Strollad Broadel Bro-Skos") zo ur strollad politikel eus an tu-kleiz a glask gounit frankiz Bro-Skos . An eil strollad pouezusan er vro eo, pe a-wechou an hini krenvan hervez ar mouezhiadegou.

Liammet-start eo ouzh Plaid Cymru e Kembre , ha kenlabourat a ra o c'hannaded e Parlamant ar Rouantelezh-Unanet ( House of Commons ). Un ezel eus Emglev Libr Europa eo.

Istor [ kemman | kemman ar vammenn ]

Krouet e voe an SNP e 1934 dre unvaniezh an National Party of Scotland hag ar Scottish Party . E gador gentan e palez Westminster a c'hounezas e 1945 met nac'han a reas Robert McIntyre ( 1913 - 1998 ), rener ar strollad, mont d'ar parlamant breizhveuriat ha koll a reas an SNP e sez tri miz diwezhatoc'h.

Ur gador nevez a c'hounezas e [[1967}} pa voe dilennet Winnie Ewing ( 1929 - 2023 ) da gannadez e pastell-vro Hamaltan ( Kuzul Siorrachd Lannraig a Deas ). Dre-se e kreskas levezon ar strollad : muioc'h a izili, hag ur pouez bras en aozadur ar Royal Commission on the Constitution (alias Kilbrandon Commission ) e 1969 . E zisoc'hou gwellan a c'hounezas e 1974 pa zastumas war-dro 30% eus ar mouezhiou : unnek kannad en doa bet neuze e palez Westminster.

Goude aozadur Parlamant Bro-Skos e 1999 e oa aet ar SNP d'ar strollad-eneberezh pennan e Bro-Skos. Eman breman o ren ar vro abaoe 2007 , pa oa aet ar maout gantan er vpuezhiadeg evit Parlamant Bro-Skos. E 2011 e voe krenvaet c'hoazh, pa dapas 69 c'hador diwar 129 e Parlamant Bro-Skos, ha tost d'ur "chelem meur" en deus graet ar strollad da-genver votadegou Parlamant ar Rouantelezh-Unanet e miz Mae 2015 gant 56 kador diwar 59.

D'ar 6 a viz Mae 2021 e voe trec'h an SNP en dilennadeg e Parlamant Bro-Skos.

Hiziv (Ebrel 2024) ez eus 43 dilennad eus an SNP diwar 650 kador e Parlamant ar Rouantelezh-Unanet ; 2 zilennad eus an Alba Party zo, ha 3 eus Plaid Cymru. ^[1]