Ur reizhiad skignan niverel eo ar
skinwel niverek douarel
(berraet e SND), implijout a ra ar
reoladou
DVB-T, ISDB hag ATSC ha skignet e vez war bandennou miret evit ar skinwel VHF-III / UHF-V implijet dija evit skignan ar
chadennou hertzel
peushenvel.
Gant ar reolenn DVB-T eo kodet ar skeudennou hervez ar reolad
MPEG-2
(e
MPEG-4
AVC evit an SND paeus e
Bro-C'hall
). E-giz-se eo bravoc'h ar skeudennou ha dreist-holl ar
son
(son
Dolby 5.1
, skeudenn 16/9, son e yezh orin hag
eilmouezhiet
...), ha lieskementet eo an niver a chadennou: evit gwir e c'heller lakaat da dremen 6 chadenn voutin war ur
ganol
hepken e MPEG-2 ha div pe deir gwech muioc'h e MPEG-4 AVC.
Ar gounid brasan evit an
arvesterien
eo degemer chadennou skinwel niverel gant ur stign rastell voutin. N'eus ket ezhomm chench ar
skinweler
nag ar rastell UHF evit degemer an SND. Ret eo prenan ur voestig
terminal DVB-T
evit trein an aroueziou niverel da aroueziou peushenvel hag evit chench ar chadenn gant ar pellurzhier.
