Simon, mab Jonas
, anvet
Simon-Per
pe
sant Per
, ganet e derou an oadvezh kristen e
Galile
ha marvet e 65 e
Roma
zo unan eus daouzek
abostol
Jezuz Krist
. Choazet gant Jezuz evel penn an
ebestel
, Per a zeuas da vezan penn an Iliz goude marv ar C'hrist. Sellet e vez outan evel eskob kentan
Roma
, ar pezh zo diazez aotrouniezh ar
pab
, eskob Roma, er
gatoligiezh
. Awenet en deus ur bern oberennou arz, dreist-holl er c'hornog latin.
Simon pe Simeon e oa e anv gwirion, ha mab da Jonas e oa. Hervez an
avielou
, e oa genidik eus
Betsaida
, dimezet e oa hag ober a rae ar vicher pesketaer war al
lenn Tiberiad
e
Galile
. Ne oar ket lenn marteze, met evel ar pep brasan eus yuzevien e amzer eo gouest da ≪ lavaret dindan envor prezegennou an diouganerien kenkoulz hag istor klok ar rouantelezhiou yuzev ≫
[1]
Gant e vreur
Andrev
e tivizaz heulian
Jezuz Krist
(Mz 4,18). Degemer a reas Jezuz en e di e
Kafarnaom
.
Meneget e vez atav da gentan e-touez an ebestel. (Mk. 3, 16 ; Akt. 1, 13). Dre veur a daolad, en danevellou e anavez
Yann
ha
Paol
ar renk-se. Evel se e tiskouez e feiz en anv an holl ziskibled :
≪
Ha c'hwi, a c'houlennas gante, piv a lavarit on-me
? Per a respontas hag a lavaras dezhan :
Te eo ar C'hrist
. ≫ (Mk 8, 29)
Diskouezet eo bet gant ar C'hrist evel penn da zont an Iliz :
- ≪
Ha me a lavar dit: Te a zo Roc'h, ha war ar Roc'h-se e savin va Iliz
≫ (Mz 16, 18)
[2]
Per en deus gwelet ha kemeret perzh e meur a vurzhud pe darvoud a-bouez e buhez ar C'hrist, evel pa valeas war an douriou (Mz 14, 28-31), an
Treuzdremmadur
, pa voe harzhet Jezuz, da vare e varn, ha goude da vare ar
Basion
. Deskrivet eo en
Avielou
evel un den birvidik met chom a ra etre daou vennozh a-wezhiou ha fazian a ra ivez : dilezel a ra
Jezuz Krist
e-pad ar
Basion
daoust d'ar pezh en doa disleriet kent : ≪
Ha goude ma teufe an holl da gaout droukskoilh, me avat n'em bo ket
≫ (Mk 14, 29)
[3]
. Keuzian a reas d'e nac'hidigezh da c'houde : ≪
Ha Per a zeuas sonj dezhan eus ar c'homzou en devoa lavaret Jezuz dezhan: “Kent d'ar c'hilhog kanan div wech, eo a-benn teir gwech az po va dinac'het !
≫ (Mk 14, 72)
[4]
.
Hervez hengoun an Iliz e vije bet renet Iliz Antioch gant Per. Kentan eskob ar ger-se e voe. Lidet e vez ur gouel eus ≪ Kador Sant Per en Antioch ≫ d'an 22 a viz C'hwever abaoe ar IVe kantved. Seizh vloaz e vefe chomet eno.
Kaoz zo eus donedigezh Per e kentan lizher Per : ≪ Iliz ar re ziuzet zo e Babilone a salud ac'hanoc'h, ha Mark ivez, ma mab. ≫ (1 P 5, 13) e lec'h m'eman implijet ar ger Babilone evit komz en un doare faeus eus
Roma
evel ur ger aet brein hag a azeul an idolou, skeudenn anavezet gant lennerien ar Bibl
[5]
. Mark, meneget, el lizher, eo skrivagner an eil aviel hervez an eskob Yann meneget gant
Eusebius
(Hist. Eccl. 3, 39,15).
Meur a destenn eus an
Henamzer
a ra anv eus merzherinti Per, hag eus hini Paol, a vije c'hoarvezet war urzh
Nero
. An hini goshan eus an destennou-se, al lizher d'ar Gorintiz, skrivet gant
Klemans Roman
e 96, ne veneg ket al lec'h en un doare splann, memes ma'z eus abegou evit kredin ez eo Roma.
- ↑
Alain Decaux,
La revolution de la croix, Neron et les chretiens
, p. 205.
- ↑
Kefas
en arameeg,
Petros
e gregach. Gant se eo deuet ar ger
petros
da dalvoud e-giz anv-den :
Petrus
e latin,
Pierre
e galleg,
Peter
e saozneg ha Per e brezhoneg. E meur a yezh, an anv-den, deveret eus
Petrus
, ne glot ket ken gant ar ster "maen" pe "roc'h" ; dre se troidigezhiou eus ar werzenn-man o kammigellat (da skouer : "
You are Peter
and on this rock
…). " An droidigezh kinniget aman a chom tost ouzh ar bomm a orin, a-raok ma vefe deuet
petros
da anv-badez.
- ↑
Ar Pevar Aviel
, Al Liamm, 1969, p. 124
- ↑
Ar Pevar Aviel
, Al Liamm, 1969, p. 124
- ↑
Ne c'hall ket bezan ar Babilon gwirion a oa hogoz dilezet d'ar mare-se (Sellet ouzh
Strabon
,
Geografiezh
XVI, 1)