Port Louis
(
Porlwi
e
kreoleg Maoris
) eo ker-benn
republik Moris
, er Meurvor Indez. Ker ha porzh brasan ar vro an hini eo ivez. Ur c'her industriel ha touristel eo war un dro, ha deuet eo da vezan ivez brasan plas arc'hantel Afrika issahariat asambles gant
Johannesburg
.
Glad savaduriou ar c'her zo ur skeudenn eus he istor trevadennel pinvidik. Bez eus tiez trevadennel gall eus an
XVIII
vet
kantved (en o zouez Ti ar Gouarnour), moskeenn Jummah, Iliz-veur saoz Saint James, an templ indian tamil, C'hoariva Port Louis, tachenn ar redadegou "Champ de Mars" hag ar bagodenn sinaat.
Caudan Waterfront
eo marina nevez Port Louis, ul lec'h touristel eo lec'h ma kaver kalz staliou, pretiou, letiou hag ur greizenn arz.
Busou he deus ar c'her, hag ur "metro skanv" hag a ya betek
Curepipe
, eil ker ar vro e 15 km alese, abaoe 2019. An aerborzh etrebroadel Sir Seewoosagur Ramgoolam eman e 48 km eus ar ger-benn. Div c'har ar c'hirri-boutin he deus ivez.
Anvet e voe
Noordwester Haven
da gentan gant an Hollandiz, da lavaret eo Porzh ar Gwalarn. Troet e voe e
Port Nord-Ouest
gant ar C'hallaoued goude. Port-Louis a voe roet d'ar c'her, marteze en enor d'ar roue gall
Loeiz XV
e 1721 pe 1722, pe marteze en enor da
Porzh-Loeiz
da vare ar gouarnour
Mahe de la Bourdonnais
e 1735. E-pad an
Dispac'h gall
e voe adanvet
Port Nord-Ouest
hag ivez
Port de la Montagne
evit ar porzh ha
Ville de la Montagne
evit ker etre 1793 ha 1795. E miz Eost 1806, e-pad impalaeriezh Buonaparte, e voe anvet
Port-Napoleon
gant ar gouarnour Decaen, ha pa erruas ar Saozon e 1810 e voe roet endro he anv a Port Louis (hep barrennig).
147 688 a dud a oa o chom eno e
2003
, 149 194 hervez niveradeg 2015, ha 147 066 hervez niveradeg 2018.
Skoliou publik ha prevez a zo e Port Louis. Goprou ha frejou zo ar skoliou prevez a zo paeet gant ar gouarnamant avat. Chom a ra d'ar gerent paean ar frejou-skol, evit al levriou hag an unwiskou da skouer, met prestou war gampi izel a vez kinniget dezho gant ar gouarnamant.
Ur skol-veur publik zo er vro : Skol-veur an Teknologiezhiou Moris, e distrig Port Louis. Skoliou prevez zo ivez e teknologiezhiou ar c'helaouin, ar management, ar gontouriezh hag ar glanvdiourezh.