Paco Rabanne
, eus e anv leun
Francisco Rabaneda Cuervo
, bet ganet d'an
18 a viz C'hwevrer
1934
e
Pasaia
(
Gipuzkoa
,
Bro-Vask
) ha marvet d'an 3 a viz C'hwevrer 2023 e
Porsal
(
Bro-Leon
, Breizh), a oa ur c'hemener ha porfumer euskarat. Degaset e voe gantan nevezinti da vat e metou ar c'hiz er bloavezhiou
1960
, ha brudet e oa e
borfumou
ivez (35 bennak a voe ijinet gantan). Brud en doa tapet ivez diwar ar bloavezhiou 1990 gant e
ziouganou
ha danevell e vuheziou kent.
Sae gant Paco Rabanne, 1967.
Fuzuilhet e voe e dad gant ar
frankoourien
e-kerzh
Brezel Spagn
. Tec'hel kuit a reas e familh en tu all d'ar
Pireneou
ha dont da Vreizh da glask repu, war atiz
Tanguy Prigent
, dreist-holl e kostez
Montroulez
, el lec'h ma lavar e komze brezhoneg a-raok gouzout galleg.
Kas a reas studiou
tisavouriezh
da benn met hep ober e vicher gant se. Bravigou a reas da gentan. E miz C'hwevrer
1966
e tiskouezas an dilhad kentan savet gantan, ma reas gant danveziou divoas evel metal, paper ha plastik. Un eil giziaoueg a voe diskouezet d'an 21 a viz Ebrel 1966 gant saeou-kouronkan gwisket gant merc'hed ar "Crazy Horse Saloon".
E 1969 e roas lans d'e borfum kentan, ≪ Calandre ≫, e kenlabour gant
Puig
, un embregerezh katalan bras.
Etre 1990 ha 1998 e krouas dilhad merc'hed "prest da wiskan" hag a rejont berzh, evel ar reizhou gwelet evel oberennou arz en o unan (bravigou, tokou, boteier). E 1993 ha 1996 e roas lans da dou borfum all, ≪ XS ≫ ha ≪ Paco ≫.
Un ti en doa e
Porsal
ma winte ar
Gwenn-ha-Du
warnan. Embann a rae bezan Breton.