Olive Thomas , ganet Oliva R. Duffy d'an 20 a viz Here 1894 hag aet da Anaon d'an 10 a viz Gwengolo 1920 , a oa un top model hag aktourez filmou mut stadunanat . Thomas a oa krog da vezan ur patrom evit treserien e 1914, goude-se e oa faet da labourat er Ziegfeld Follies er memes bloavezh. Gwelet e oa bet goude-se en abadenn The Midnight Frolic . E 1916 he doa komanset da vezan aktourez filmou mut ha troet he doa en 20 film e-doug pevar bloaz. Memes bloavezh e oa hi dimezet gant an aktour Jack Pickford , breur yaouankan an aktourez filmou mut Mary Pickford .
D'an 10 a viz Gwengolo 1920, Thomas a oa marvet e Pariz goude bezan bet lonket pareou he gwaz a-enep ar syphillis , merkur bichloride. Dre lonkan ar pareou-se e oa bet tapet un nephritis ganti. Embannet e oa bet e oa ur marv dre gwallzarvoud, met ur wech aet ar c'helou dre ar bed e oa deuet da vezan iskis evit ar gazetennerien. Lod o devoa embannet e oa un emlazh met n'eus ket prouenn ebet eus ar fed-se betek-henn. Marv Thomas zo unan eus kentan gwallreuziou niverus Hollywood o vezan brudet. Ar strolladou relijiel stadunanat a oa bet roet nerzh dezho en o stourm a-enep bed ar "siou" a oa Hollywood evito.