Mauretania

	Rouantelezh Mauretania
	Location of Mauretania
Ker-benn	Dianav
Gouarnamant	Monarkiezh
Istor
- Krouet	110 kt J-K
- mont a ra d'ur brovins romanek	40

Evit implijou all, gwelet Mauretania (dishenvelout) .

Ur rouantelezh verber war aod Norzhafrika e oa Mauretania (anvet diwar anv ar meuriadou Mauri a roas o anv d'ar Vaoured diwezhatoc'h). En em ledan a rae war kornog Aljeria , ar Plaza de soberania spagnol hag hanternoz Maroko . Ne oa ket diazezet rouantelezh Mauretania e-lec'h m'eman Maouritania hiziv war aod ar Meurvor Atlantel e su Sahara ar C'hornog .

Gant emled an Impalaeriezh roman e teuas Mauretania da vezan ur rouantelezh suj. Roma a anvas enni ar roue suj Juba II eus Numidia . Pa varvas Juba e 23 e savas e vab Ptolemaios Mauretania war an tron en e lec'h. Desavet e oa bet Ptolemaios e doare ar Romaned . E 40 e voe lazhet gant Caligula a zivizas stagan Mauretania da vat ouzh an Impalaeriezh evel ur brovins roman e 42 dindan ur gouarnour impalaerel (ha neket unan a-berzh ar Sened ).

Er I ^an kantved e tivizas an Impalaer roman Glaoda Ian rannan Mauretania e div lodenn etre Mauretania Caesariensis ha Mauretania Tingitana a-hed linenn ar ster Mulucha (Muluya) e-tro 60 km er c'hornog da ker Oran hiziv :

Mauretania Tingitana , anvet da-heul anv he c'her-benn Tingis ( Tanjah hiziv)
Mauretania Caesariensis , enni kornog ha kreiz Aljeria betek Kabilia (ker-benn Cherchell hiziv, diwar an anv Caesaria .

Un Impalaer eus Roma zo bet genidik eus Mauretania : ar marc'heg Macrinus , a dapas krog er galloud goude muntr Caracalla e 217 , nemet trec'het e voe d'e dro ha lakaet d'ar marv war urzh an impalaer Elegabalus er bloaz war-lerc'h.

A-c'houde Tetrarkiezh an Impalaer Diokletian ( 293 ), e voe rannet ar vro e teir frovins pa voe tennet ar vro reteran vihan Sitifensis diouzh Mauretania Caesariensis.