Le Telegramme
(pe "An Telegramm" e brezhoneg) zo ur gazetenn bemdeziek vreizhat e galleg, graet e
Montroulez
. Skignet e vez e
Penn-ar-Bed
dreist-holl, hag ivez en
Aodou-an-Arvor
, er
Mor-Bihan
hag e
Bro-Sant-Malou
.
Talvezout a ra he anv kement hag “ar pellskrid”. A-raok hag e-pad ar brezel e oa anvet
La Depeche de Brest et de l'Ouest
. Savet e oa bet
La Depeche
e
1866
hag aet eo da get e
1944
. Goude bombezadeg Brest gant ar re gevredidi e voe kaset ar gelaouenn da Vontroulez e 1941. E miz Gwengolo 1944 e voe difennet embann anezhi dre m'he doa kemeret perzh er c'henlabour gant ar melestradur nazi ha kemmet e voe da heul se hec'h anv a-benn lakaat hini "Le Telegramme de Brest et de l'Ouest" (“Pellskrid Brest hag ar C'hornog"). "Adgrouet" e voe ar gelaouenn d'an 18 a viz Gwengolo 1944, hag eizh kazetenner a oa d'ar poent-se.
D'ar 25 a viz Ebrel 1968 eo bet embannet ar skouerenn gentan e liv. Kroget o deus gant al lec'hienn internet letelegramme.com e 1996. Krouet eo bet Le Telegramme-Dimanche (ar skouerenn evit ar sul) e 1998.
A-wechou e vez anvet An Telegramm e brezhoneg, hag An Telebramm dre fent.
Perc'hennet eo gant an tiegezh Coudurier. Ur 600 bennak a dud a labour eno, en o zouez ouzhpenn 200 kelaouenner. Embannet e vez 208 000 skouerenn anezhi bemdez
Pegoulz?
. Lennet e vez ar gelaouenn gant 570 000 den pe war-dro
Pegoulz?
. An Telegramme a zo kevezer gwirion diwezhan
Ouest-France
e kornog
Breizh
. Unan eus kelaouennou nemetan Frans gant ur c'hresk eus ar skignerezh war ar pemp bloaz tremenet eo ivez (kresk gwellan ar c'hazetennou e 2004, 2005, 2006, 2007 ha 2008
Mammenn?
).
Resevet en deus an Telegramm ar priz "Pemdezieg gwellan 2009" d'ar 15 a viz Even
2009
. En 8
vet
renk eus ar pemdeziegou eo e Frans. D'ar 15 a viz Here 2009 eo bet embannet an 20 000
vet
niverenn eus ar gazetenn, evit lidan he 65 bloaz
[1]
.
Keleier hag a denn d'al
Liger-Atlantel
a gaver a-wechou er pajennou
Breizh
, er c'hontrol da
Ouest-France
(
Daveou a vank
)
.
Ouzhpenn ar pajennou lec'hel, rannvroel, broadel hag etrevroadel e vez roet en Telegramm un tamm plas d'ar yezh. Bep Yaou e vez ur bajenn vrezhonek, anvet
Spered ar vro
.
Bep bloaz e vez roet ar priz
"
Breizhad ar bloaz
"
gant an Telegramme diwar vot al lennerien.
Le Telegramme de Brest
a zo ivez titl ur ganaouenn gant ar
Wampas
.