Kleopatra VII Thea Philopator , Κλεοπ?τρα Φιλοπ?τωρ en henc'hresianeg (69 kent JK ^[1] ? 12 a viz Eost 30 kent JK), anvet peurliesan Kleopatra hepken, a oa faraonez diwezhan Henegipt .

Diwezhan ezel eus tierniezh ar Btolemeed e oa, ur familh a orin gresian-ha-makedonian ^[2] a renas Henegipt goude marv Aleksandr Veur e-pad ar prantad hellenistek. Da gentan e renas Kleopatra asambles gant he zad Ptolemaios XII Auletes ha diwezhatoc'h gant he breudeur, Ptolemaios XIII ha Ptolemaios XIV , a voe euredet ganti hervez giziou an Henegiptiz, hogen en diwezh e teuas da vezan ar galloud nemeti. N'he deus bet bugel ebet gant ar priedou-se. Serc'h Julius Caesar e teuas da vout, pezh a grenfaas he zron. Diwezhatoc'h e lakaas ar mab he doa bet gant Julius Caesar , Caesarion , da ren asambles ganti.

Goude drouklazh Julius Caesar e 44 kent JK, ec'h enebas ouzh Marcus Antonius a zeuas da vezan her Caesar hervez al lezenn, Gaius Julius Caesar Octavianus (anvet diwezhatoc'h Augustus ). Gevelled he doa bet gant Marcus Antonius , Kleopatra Selene II hag Aleksandr Helios , hag ur mab all, Ptolemaios Filadelfos . Goude bezan bet trec'het en emgann Actium gant armeou Octavianus, en emlazhas Marcus Antonius. Kleopatra en em jahinas ivez war e lerc'h, gant flemmadenn un naezr diouzh an hengoun, d'an 12 a viz Eost, 30 kent JK ^[3] . Faraon e oa anvet he mab Caesarion , war lerc'h he marv gant e harperien, met drouklazhet e oa bet diwar urzh Octavianus. He rouantelezh a zeuas da vezan provins roman Egipt.

Betek hirie an deiz eo chomet brudet Kleopatra e sevenadur ar C'hornog. He c'houn a gaver bev mat dalc'hmat e-barzh a-bep seurt oberennou arz. Gallout a reer menegin trajedienn William Shakespeare Anton ha Kleopatra , opera Jules Massenet , Cleopatre , ha film 1963 Cleopatra . E-barzh kalzig a zeskrivaduriou e taneveller Kleopatra e giz un dekenn, hag e vez lakaet ar gaoz war he darempredou stank he deus bet gant galloudusan gwazed kempred ar bed. Diwar-se e klasker goulakaat ha diazezan e oa mistr tre ha kenedus.

En e Pensees ec'h embann Blaise Pascal eo gant he c'hened e oa kemmet istor ar bed : ma vije bet berroc'h "Fri Kleopatra, dremm ar bed a-bezh a vije bet chenchet." ^[4]

Notennou [ kemman | kemman ar vammenn ]

1. ↑ Walker, p. 129.
2. ↑ The Oxford Encyclopedia of Ancient Egypt . “,Kleopatra VII a oa merc'h Ptolemaios XII Auletes (80?57 kent JK, faraon etre 55 ha 51 kent JK) ha kleopatra, gresianed-ha-Makedoniz o-daou."
3. ↑ " Who Was Cleopatra? ", p 2, Smithsonian Magazine
4. ↑ title The Beauty of Cleopatra , University of Chicago