Jorj Robin ( Georges Robin en ti-ker) a oa skultour hag engravour-koad ; patromou broderezh a ginnigas ivez evit Nadoziou e Naoned. Ganet e Naoned e 1904, marvet e 1928, falc'het gant an droug-skevent. Ezel e oa eus Unvaniez ar Seiz Breur ^[1] . A-hend-all, sikour a zegasas da sevel Kelc'h Keltiek Naoned.

Krouin a reas, e-touez traou all, an engraviou embannet gant Gwalarn e derou ar bloavezh 1928 da heul an droidigezh eus Prometheus Ereet gant Aesc'hulos savet gant Youenn Drezen ^[2] .

Pa varvas Jorj Robin e fin ar memes bloavezh 1928, Jakez Riou a embannas e Gwalarn (niv. 15) un danevellig dindan an titl Prometheus Ereet . Kenverian a ra ar c'hlanvour war e wele ha Prometheus stag ouzh ar roc'h gant ur c'hemm dister : ur gup eo aman a zeu bemdez da grignat skevent ar paotr (arabat ankouaat e oa tapet Jakez Riou gant ar memes klenved). Jakez Riou a zegas da sonj an tri engrav pennan bet embannet er gelaouenn un nebeud miziou araok hag ar souezh a oa bet d'an dud gwelet Prometheus skeudennet e-giz ur paotr ken yaouank hag an arzour ha neket ur ramz evel boas ^[3] .

Notennou ha daveennou [ kemman | kemman ar vammenn ]