Johannesburg eo ker vrasan Suafrika , ker-benn provins Gauteng , hini binvidikan ar vro. E rannvro Transvaal eman.
Ha n'eo ket unan eus teir c'her-benn ar vro, kavout a reer an eskemmdi hag al lez vonreizhel. Gwelet e vez evel ur greizenn armerzherezh a-bouez (kenwerzh aour ha diamant , obererezhiou arc'hant ...).

4 milion a dud zo o chom er ger, ha tost da 8 milion er veurger.

Douaroniezh ha hin [ kemman | kemman ar vammenn ]

Lec'hiet eo e 1650 metr a uhelder. Klouar eo an amzer e-pad an deiz (war-dro 28° da 30° en hanv ha 10° da 20° er goanv), yen eo avat e-pad an noz (ur 15° bennak en hanv ha betek dindan zero er goanv).
Eman en un 50 km bennak e su Pretoria , ker-benn velestradurel ar vro.

Istor [ kemman | kemman ar vammenn ]

Gerdarzh [ kemman | kemman ar vammenn ]

Dont a ra eus an anv nederlandek Johannes ha -burg da lavaret eo bourc'h . N'ouzer ket gwall vat eus peseurt Johannes zo kaoz avat, pe Stephanus Johannes Paulus Kruger brudet dindan an anv Paul Kruger , prezidant ar Republik, pe Christiaan Johannes Joubert, ar besprezidant, pe Johannes Meyer, pe c'hoazh Johann Rissik, ar pennenseller kentan.

Berranviou ha lesanviou zo bet roet dezhi : Joburg, J'burg, The Wild City ha Jozi . E anv zoulouek eo eGoli, hag a dalv ≪ ker an aour ≫ (dre ar saozneg).

Ker an aour [ kemman | kemman ar vammenn ]

Liammet eo ledan ar ger gant dizoloadenn an aour e 1886 . Kresk a ra neuze buan-kenan. Krouet eo ur yalc'h an dalvoudou (ar Johannesburg Stock Exchange ) adal 1887 .
Postaduriou bras diloc'h er bloavezhiou 1930 (savaduriou Art deco ) hag er bloavezhiou 1970 (skrapou-oabl) en deus kemeret perzh e diorren ar ger.

He annezidi [ kemman | kemman ar vammenn ]

73 % eus ar boblans a zo du, 16 % a zo gwenn, 6 % a zo hiron ha 4 % azian (en o zouez Indianed). 42 % eus an annezidi zo dindan 24 bloaz.
An ngunieg eo ar yezh muian komzet (34 %), ha war-lerc'h ar sothoeg (26 %), ar saozneg (19 %) hag an afrikaaneg (8 %).
7 % eus ar boblans zo distudi, 29 % deusouto zo diplomet eus an eil derez ( high school ) ha 14 % deusouto en deus studiet er skol-veur.
Al lodenn vrasan eus an dud en em ziskler kristen (53 %) ha 24 % a zo dizoue pe supozer . 14 % a zo en ilizou afrikan a bep seurt, 3 % a zo muzulmaned , 1 % a zo yuzevien hag 1 % all a zo hindoued .

He c'harteriou [ kemman | kemman ar vammenn ]

11 rannvro velestradurel a zo enni hiziv an deiz :

• Rannvro 1  : Diepsloot, Kya Sand
• Rannvro 2  : Midrand, Ivory Park
• Rannvro 3  : Bryanston, Douglasdale, Fourways, Randburg, Sandton, Strijdompark, Sunninghill, Woodmead
• Rannvro 4  : Northcliff, Rosebank, Parktown
• Rannvro 5  : Roodepoort, Constantia Kloof, Northgate
• Rannvro 6  : Doornkop, Soweto, Dobsonville, Protea Glen
• Rannvro 7  : Alexandra, Wynberg, Bruma
• Rannvro 8  : Inner City
• Rannvro 9  : Johannesburg South, City Deep, Aeroton, Southgate
• Rannvro 10  : Meadowlands, Diepkloof
• Rannvro 11  : Orange Farm, Ennerdale, Lenasia

Amos Masondo eo he maer, eus strollad an ANC . E dilennadegou ar ger d'ar 1an a viz Meurzh 2006 ez eas ar maout gant an ANC gant 62% eus ar mouezhiou (136 kador), hag ouzhpenn un drederenn deuzouto d'an Emglev Demokratel (59 kador).
En norzh eman ar c'harteriou kran, en o zouez Melrose, Four ways, Rivonia hag ar greizenn aferiou e Sandton.
Er mervent eman an township Soweto (SOuth WEst TOwnship) hag a zo a-ziwar-lerc'h an apartheid .

Niver a dud e takadou kerel Johannesburg hervez an niveradeg d'an 09/10/2001 :

mammenn : benveg Superweb :interactive stats SA .

Armerzh [ kemman | kemman ar vammenn ]

N'eo ket ar mengleuziou gennad pennan ar c'horn-bro ken. Diorren ar servijou hag an aerborzh etrebroadel en deus lakaet Johannesburg da vezan ur geoded pouezus evit ar c'henwerzh afrikan ha bedel. Tolpad Johannesburg (Gauteng) a dalvfe 40 % eus PDK Suafrika.

37 % eus ar boblans oberiant zo dilabour (91 % deusouto zo du). 19 % a labour e tachenn ar servijou ha 18 % e tachenn an arc'hant.

Touristerezh [ kemman | kemman ar vammenn ]

Johannesburg zo ur ger danjerus, he c'hreiz-ker da skouer. Disurentez vras zo abaoe penn-kentan ar bloavezhiou 1990.

Al lec'hiou da vezan gweladennet gant an douristed eo mirdi an apartheid , park tematek Gold Reef City ha karteriou Sandton ha Randburg. Ret eo menegin ivez Soweto , an township , e lec'h e vez kavet Mandela House Museum ha Hector Petersen Memorial Monument.

Aveaduriou sport [ kemman | kemman ar vammenn ]

Stad rugby brudet Ellis Park a zo e Johannesburg. Gourfenn trede kip rugbi ar bed oa bet eno e 1995 . Aet e oa ar maout gant ar springboks a-enep an All-blacks . Nelson Mandela , prezidant du kentan ar vro, en doa roet e-unan an trofe d'ar c'habiten suafrikan Francois Pienaar . Un arouez vras e oa pa oa an apartheid o paouez echuin. Brasaet eo bet evit gourfenn Kib vell-droad ar bed 2010 dalc'het d'ar Sul 11 a viz Gouere.

Gevellin [ kemman | kemman ar vammenn ]

• Bro-Saoz : Birmingham
• Stadou-Unanet : New York
•   Brazil : Sao Paulo
•   Sina : Xi'an

Tud liammet gant ar ger [ kemman | kemman ar vammenn ]

• Peter Abrahams , romantour saoznek ganet e 1919
• Robyn Orlin , korollourez dans a-vreman , ganet er ger-man e 1955
• J.R Rotem produour amerikan

Liammou diavaez [ kemman | kemman ar vammenn ]

• (en) Lec'hienn ofisiel Johannesburg