Jamestown
zo ur ger eus
Virginia
, e
Stadou Unanet Amerika
. Bez’ eo al lec’h kentan annezet da vat gant trevadennerien eus Europa e
Norzhamerika
. En aber ur ster anvet
James River
eman.
Krouet e voe ar ger d’ar
14 a viz Mae
1607
, gant trevadennerien dilestret eus ur vag kaset gant ar
Virginia Company
, hag anvet e voe ≪ James Fort ≫, en enor d’ar roue
James I
an
, roue Bro-Saoz ha Bro-Skos. En derou e oa un darempred mat a-walc’h etre an drevadennerien hag an Indianed a oa o vevan er vro. Buan e trenkas an traou avat ha dindan un nebeud bloavezhiou e voe lazhet an
Amerindianed
-se.
E Jamestown e tilestras an Afrikaned kentan a voe degaset da Amerika evel
sklaved
, e
1619
. E Jamestown ivez e voe savet an iliz anglikan kentan eus ar Stadou Unanet. Tro-dro da Jamestown ivez e teraouas gounidigezh ar
butun
er Stadou Unanet (e 1614). Hag e Jamestown e voe savet ar c’hentan kuzul dilennet, e 1619, evit ren
Trevadenn Virginia
hag evit kinnig "
lezennou reizh
" d’an dud a oa o chom eno. Ker-benn Virginia e voe Jamestown betek 1699, pa voe kaset sez ar gouarnamant da
Middle Plantation
(anavezet breman evel
Williamsburg
), rak Jamestown a oa bet distrujet gant an
tan
, meur a wech, e 1608, e 1676 hag e 1698. Ouzhpenn-se ne oa ket gwall yac’h, pa oa e-kreiz
geuniou
, hag uhel a-walc’h e oa ar feurm mervel enni.