Idi Amin Dada
(war-dro
1925
e
Koboko
- 16 a viz Eost
2003
e
Jeddah
) a oa
Prezidant
Ouganda
etre 1971 ha 1979.
Ne ouzer ket kalz a dra diwar-benn yaouankiz Idi Amin Dada, n’eur ket sur eus e zeiziad ganedigezh zoken. E 1946 ez eas e-barzh ur rejimant eus arme Breizh-Veur, ar
King's African Rifles
, hag a oa diazezet e
Kenya
hag en
Ouganda
. Pa zeuas Ouganda da vezan ur stad dizalc’h e teuas da vezan
major jeneral
, ar grad ofisour izelan, en arme ar vro. E miz Genver 1971 e voe un taol-stad a-enep ar prezidant
Milton Obote
ha mont a reas Idi Amin Dada e penn an arme, gant ar grad komandant. Diwezhatoc’h e roas dezhan e-unan ar grad
marichal
pa oa e penn ar stad.
Dindan ren Idi Amin Dada e voe graet fae war
gwiriou mab-den
en Ouganda, gwasket e voe e enebourien bolitikel koulz hag an dud na oant ket eus e genel, pa ne oant ket lazhet. A-fet ekonomiezh e voe drastus e ren, merket gant an nepotegezh hag ar goubrenerezh. Jedet ez eus bet gant kevredigezhiou etrebroadel a soursi ouzh gwiriou mab-den e oa bet lazhet etre 100 000
[1]
ha 500 000 a dud
[2]
E penn Ouganda, Idi Amin Dada a voe da gentan a-du gant broiou ar gornaoueg ha skoazellet gant
Israel
hag er fin a-du gant diktatour Libia
Muammar al-Gaddafi
, gant hini
Zair
Mobutu Sese Seko
, gant an
Unvaniezh Soviedel
, ha gant
Alamagn ar Reter
[3]
,
[4]
E 1975 e teuas Amin Dada da vezan kadoriad an
Aozadur evit Unvaniezh Afrika
(OUA), savet evit harpan ar c’henlabour etre stadou Afrika. Er bloavezhiou 1977?1979 e oa Ouganda, renet gantan, unan eus izili ar Bodad war Gwiriou Mab-den er Broadou Unanet. Ha war un dro e voe skoazellet Amin Dada gant Stadunaniz ar
CIA
, a gasas bombezennou hag armou all da arme Ouganda hag ar gemeras perzh asambles gant arme Amin Dada e taoliou kaset da benn en Ouganda.
[5]
. E 1977, pa baouezas gouarnamant Londrez da gaout darempred gant Ouganda, e tisklerias Idi Amin Dada e oa bet trec’h war Breizh-Veur hag e lakaas war-lerc’h e anv al lizherennou "CBE", evit "Conqueror of the British Empire" (Alouber Impalaeriezh Breizh-Veur).
Pa glaskas Amin Dada stagan
rannvro Kagera
, ur brovins eus
Tanzania
, ouzh Ouganda, e 1978, e tarzhas ar
brezel etre Ouganda ha Tanzania
. Trec’h e voe Tanzania ha diskaret e voe Idi Amin Dada da-heul. Tec’hout a reas en harlu da
Libia
da gentan ha da
Arabia Saoudat
goude. Eno e vevas betek e varv d’ar
16 a viz Eost
2003
.