Gwalenn ar c'hein , pe ar walenn-gein , pe al livenn-gein , pe ar mellkein , eo ar geriou a reer ganto eus an hollad eskern bihan anvet mellou a zalc'h kein ar mellkeineged . Gwarezin a ra ar mel-livenn dalc'het e kanol ar mellkein .

Livenn-gein an den [ kemman | kemman ar vammenn ]

Peurliesan eo graet livenn-gein an den gant :

• seizh mellenn ar gouzoug , an hini gentan o vout an Atlas , an eil o vout ar vellenn ahel  ;
• daouzek mellenn ar brusk
• pemp mellenn an dargreiz
• an askorn kroazell
• an askorn belost

Ar mellou [ kemman | kemman ar vammenn ]

1 Mel al livenn-gein - 2 Nervenn al livenn-gein - 3 Begaskorn-kenvell krec'h - 4 Baleg, pe Spernenn - 5 Torzhell ziadrenv ar baleg treuz - 6 Digor-treuz - 7 Torzhell ziaraok ar baleg treuz - 8 Korf - 9 Disk etre-mellou - 10 Gronn bouedennek En den ez eus 32 pe 34 mellenn dre ma 'z eus 5 anezhe kendeuzet en askorn kroazell, hag etre 3 ha 5 en askorn belost. Div lodenn zo en ur vellenn : ar c'horf , da lavaret eo al lodenn diaraok ; ar baleg , anvet ' spernenn ivez, da lavaret eo al lodenn diadrenv a endalc'h toull kanol mel al livenn-gein. Etre div vellenn eman an disk etre-mellou .

Plegou al livenn-gein [ kemman | kemman ar vammenn ]

Pevar fleg a vez graet gant al livenn-gein :

• daou bleg war-zu ar brusk pe ar c'hof  : pleg ar gouzoug ha pleg an dargreiz ;
• daou bleg war-zu ar c'hein  : pleg ar brusk ha pleg al lestr.

Plegou kentan a vez graet eus pleg ar brusk ha pleg al lestr, peogwir int stummet er grouell .
Eil plegou a vez graet eus pleg ar gouzoug ha pleg an dargreiz, abalamour ma tiorroont goude ar c'hanedigezh. Diorren a ra pleg ar gouzoug etre 3 ha 9 mizvezh oad pa c'hell ar babig derc'hel e benn sonn hag azezan. Pleg an dargreiz a ziorro etre 12 ha 18 miz pa grog ar bugel da gerzhet.