Trede lizherenn al lizherenneg c’hresianek eo gamma γ?μμα (Γ, γ) hag a dalvez 3 hervez ar reizhiad niverennin c'hresianek.

Distaget e vez [g] e gresianeg klasel ha [γ] pe [?] dirak [i] pe [ε] e gresianeg a-vreman .

Diorroet e oa bet diwar patrom al lizherenn fenisek gimel . War-lerc'h e oa bet diorroet ivez al lizherenn girillek Г ([g]) diwar al lizherenn c'hresianek-man d'he zro.

Implijou all [ kemman | kemman ar vammenn ]

Alies ez implijer Γ , γ da arouezian un argemmenn er skiantou ( fizik ha matematik dreist-holl).
Steriou arbennik zo d'al lizherenn war lod tachennou-labour.

• Luc'hskeudennerezh , skinwel ha skrammou an urzhiataeriou  : dre ar reizhadur Gamma e kempenner diskemm ar skeudenn a weler war ar skramm evit hec'h azasaat ouzh lagad an den dre an atalad

${\displaystyle V_{\text{out}}=A{V_{\text{in}}}^{\gamma }}$

m'eman V _out krenvder pep pik liv a weler, A un arstalenn ha V _in krenvder pep pik evel ma teu er-maez eus an ardivink video.

• 1 gamma eo unanenn douester ur gwarellvaez , 1 gamma = 10 ^?9 Tesla pe 1 nanotesla.
• Ar skinou gamma eo laez ar skalfad tredanwarellek .
• Skinou Gamma a reer ivez eus skinou dibar a vez bannet gant un empenn , war-dro 40 hertz o zalm .

Pennlizherenn [ kemman | kemman ar vammenn ]

Gant ar bennlizherenn Γ ez arouezier :

• Ar gevreizhenn Gamma e matematik.
• An dasparzh Gamma er feurjedin hag er jedin tebegennou.
• Arouez Christoffel en arlakadurezh Relativelezh hollek Albert Einstein .
• Feur an disvannadur en ijinerezh an tredan .
• Ledander ul linenn e skalfad tredanwarellek un atom , a zo liammet gant gremm e dolz.

Stumm bihan [ kemman | kemman ar vammenn ]

Gant al lizherenn vihan γ ez arouezier :

• Arstalenn Euler-Mascheroni e matematik.
• Muzul arvar ar meran e matematik ar c'hellid.
• Ar foton , a zo ur rannig-diazez e fizik.
• Ar skinou Gamma er fizik hag er steredoniezh .
• Parenn Lorentz er relativelezh hollek hag er steredoniezh.
• Feuriader disgwrezel ( i. e. adiabatek) ur gaz e fizik ; Al lizherenn κ kappa (lizherenn) a vez arveret ivez.
• Arstalenn treled ur wagenn dredanwarellek en ijinerezh an tredan hag en dredanwarellouriezh.
• An trede steredenn skedusan en ur steredeg.

Gwelet ivez [ kemman | kemman ar vammenn ]

• Lizherenneg ar gresianeg
• Treuzlizherennadur gresianek

Daveennou [ kemman | kemman ar vammenn ]

• AN NOALLEG Yann-Baol, Geriadur ar Fizik , Preder, Plomelin, 2006 ISBN 978-2-901383-64-2 Preder
• AN NOALLEG Yann-Baol, Geriadur ar Gimiezh , Preder, Plomelin, 2008 ISBN 978-2-901383-69-7

Porched ar yezhou hag ar skrituriou Adkavit pennadou Wikipedia a denn d'ar yezhou.