Francesco Farnese
(
Parma
, 1678 ?
Piacenza
, 1727), a voe seizhvet
dug Parma
, war-lerc'h e dad
Ranuccio II Farnese
adalek 1694. Ur politikour ampart e voe, hag un ober a bouez en doe en Europa e amzer.
Mab e oa da
Ranuccio II Farnese
(1630 ? 1694) ha da
Maria d'Este
.
Dug Parma
ha
Pacienza
e voe goude marv e dad, e miz Kerzu 1694, pa ne oa nemet 16 vloaz. Abaf ha gak e oa, hogen lemm e spered ha politikour ampart.
E 1693 e varvas e vreur henan
Odoardo II Farnese
hag a oa da ren war-lerc'h o zad. Neuze e ouias e rankje ober war-dro an dugelezh. Ha bloaz goude, e 1694, e varvas an dug kozh. Ha setu Francesco lakaet da zug.
Bloaz goude, e miz Kerzu 1695, e timezas da
Dorothea Sophie von der Pfalz
, pe
Dorothea Sophie von Neuburg
(1670-1748),
intanvez
e vreur henan,
Odoardo II Farnese
(
Colorno
, 1666-1693), da virout outi a gaout hec'h
argourou
en-dro. Eizh vloazh koshoc'h egetan e oa-hi. Bugel ebet n'o doe.
Fall e oa an traou gant arc'hant ar stad abalamour da heuliadou feuriou-emglev
Torino
ha
Vigevano
, e
1696
, rak ret e oa derc'hel armeou alaman e krenvlec'hiou ar vro. Ken fall e oa yalc'h an dugelezh ma tivizas krennan war an dispignou: kaset e voe kuit an darn vrasan eus ar servijourien, sonerien, furlukined, korred, hag echuet e voe gant an abadennou, festou ha banveziou a oa niverus el lez en amzer e dad Ranuccio II.
.
Mervel a reas
roue Spagn
,
Carlos II
, en
1700
, hag en divugel. Bec'h a savas diwar-ben piv a renje en e c'houde. Emgannou a voe en
Italia
etre an div gostezenn. Dont a reas Francesco a-benn da virout ouzh an armeou estren da zont en e zugelezh, a oa dindan ar pab.
E vreur
Antonio Farnese
a renas war e lerc'h a voe divugel ivez. Hag echuet e voe gant an Tiegezh
Farnese
e dugelezh
Modena
. E 1731 e voe roet ar gurunenn d'un niz dezho, mab henan rouanez Spagn, Don Carlos.
- Giovanni Drei,
I Farnese grandezza e decadenza di una dinastia italiana
, La Libreria dello Stato,
Roma
, 1954.
- Emilio Nasalli Rocca,
I Farnese
. De l'Oglio, 1969.