Fransez Jaffrennou
|
Fransez Jaffrennou, e Kendalc'h keltiek
Caernarfon
e
1904
|
Anv ofisiel
|
Francois Joseph Claude Jaffrennou
|
Anv pluenn
|
Taldir
Julien Carentoir
Fanch
Ar Furcher
Gwilherm
Herninn
Jean du Tacotac
Teod Lem
Wel Skler
|
Obererezh
|
Barzh, kazetenner, saver pezhiou-c'hoari
|
Ganedigezh
|
15
a viz
Meurzh
1879
Karnoed
,
Kernev
,
Breizh
|
Marv
|
23
a viz
Meurzh
1956
Brageirac,
Okitania
|
Yezh skrivan
|
Brezhoneg
Galleg
|
Luskad lennegel
|
Emsav kentan, Goursez Vreizh
|
Enoriou
|
Ofiser ar palmez akademek (1931), Marc'heg al Lejion a Enor (1938)
|
Oberennou pennan
|
An Hirvoudou
An Delenn Dir
Prosper Proux, studiadenn war e vuhez, e lizerou, e varzoniez (tezenn)
Barzaz Taldir ab Herninn
Ur wech e oa... ur c'hrennard, un deskard, ur soudard
|
Traou ouzhpenn
|
Difennet chom e Breizh outan adalek 1946
|
kemman
![Lennit teuliadur ar patrom](//upload.wikimedia.org/wikipedia/commons/thumb/b/b4/Gtk-dialog-info.svg/12px-Gtk-dialog-info.svg.png) |
Fransez Jaffrennou
a oa un
embanner
, ur marc'hadour, ur c'hazetenner hag ur skrivagner
brezhonek
, ganet e
Karnoed
d'ar
15 a viz Meurzh
1879
ha marvet d'ar
26 a viz Meurzh
1956
e
Brageirac
[1]
(departamant an
Dordogne
, en
Okitania
). Goude bezan bet kentan diskibl kenteliou brezhonek
Fransez Vallee
ha troour
kan broadel
Breizh ?
Bro gozh ma zadou
? e kemeras ur perzh bras e-barzh an Emsav kentan p'en deus bet unan eus diazezerien
Kevredigez Broadel Breiz
hag ivez pennadurezh pennan
Goursez Vreizh
, ma zo bet lakaet da zrouiz ennan er vodadeg kentan. Dibab a reas
Taldir ab Herninn
evel anv-drouiz ha
Taldir
da anv-pluenn ha reou all.
Mab e oa da Glaoda Jaffrennou, bet
noter
e Karnoed ha da
Anna Roparzh
, houman barzhez ha saverez-ganaouennou e brezhoneg, eus
Bolazeg
. Tad e voe d'ar soner
Gweltaz Jaffrennou
. Goude e studi e skolaj
Itron-Varia Wengamp
ez eas da
hini Sant-Charlez e Sant-Brieg
. Eno e c'houlennas ma voe roet kenteliou brezhonek hag diouzh-se e tarempredas gant
Fransez Vallee
, a voe anvet da gelenner war ar brezhoneg.
E
Roazhon
e tapas e aotreegezh war ar gwir, evel e dad, dre heulian kenteliou brezhoneg
Joseph Loth
, asambles gant
Per ar Rouz
. Tremen a reas un doktorelezh lennegezh diwar-benn ar barzh ha kaner
Prosper Proux
. Bet eo Taldir-Jaffrennou an den kentan o skrivan un dezenn skol-veur e brezhoneg. Gant Vallee en doe heuliet kenteliou kembraek ken e voe gouest trein kan broadel
Bro-Gembre
,
Hen Wlad fy Nhadau
.
Goude embannedennou teskadou barzhonegou brezhonek (1899, 1900, 1902…), e voe merzet e voe e varregezhiou lennegel, rak e veze gwelet evel modern.
E brezhoneg e tesavas e vugale, ar pezh a oa dibaot-kaer a-berzh ur
bourc'hiz
; an hini nemetan e ker Garaez e voe oc'h ober kement-se. Prenan a reas un ti-moullerezh evit gallout sevel kazetennou kenwerzhel ha skignan e vennozhiou rannvroelour ha diorren ar wask brezhonek. E 1904 ec'h embannas ur gelaouenn viziek e brezhoneg anvet
Ar Vro
, hag ur gazetenn sizhuniek brezhonek-gallek anvet
Ar Bobl
, an daou skignet er
Poc'her
.
Emezelan a reas er vuhez bolitikel, koulz en e vro pa voe cheu etre e gostez rannvroelour ha kristen hag hini ar radikaled-sokialourien a voe e penn ar Poc'her hag e Breizh a-bezh ha pelloc'h. Kemer a reas perzh en daou aozadur nevez, ar
Gevredigez Broadel Breiz
(Union Regionaliste Bretonne) e
1898
hag
Unvaniez Arvor
(Federation regionaliste bretonne) e 1911. O vezan ma oa unan eus an drouized bennan, a-raok ma vo Drouiz-Meur e 1933, e e tapas ul levezon bras war al luskad rannvroelour ao ennan kalz a embregerien vihan eveltan.
A-ratozh-kaer en em vode an Drouized pep bloaz e-doug goueliou keltiek a veze aozet ganto asambles gant o mignoned lec'hel ha pennadurezhiou ar pastell-vro. Un den o tarempredin meur a uhelad e voe F. Jaffrennou ha gouest da vezan degemeret mat gant ar pennadurezhiou. Div wezh e tapas arouezennou enor roet d'an dud ur spered republikan asur ganto.
Ne c'hellas mui kendalc'h gant an embann goude ar Brezel-bed kentan ha, goude bezan bet gwerzhet ar voullerezh e chanchas e vicher da hini marc'hadour gwin, sistr ha alkohol.
Adkregin a reas gant an embann kazetennou e
1921
, pa kavas un den prest da fizian dezhan ur gelaouenn pa glask heman sevel un emglev armerzhel, Kevre Breiz (Le Consortium breton) evit bodan embregerezhiou Breizhen ur rouedad klozarmerzhez.
Er bloaz
1900
e savas strollad ar "Studieren Vreton" gant
Leon ar Berr
a chomas ur c'heneil feal, koulz evel kazetenner hag evel drouiz. E
1899
e kemeras perzh er bodadeg a diazezzas Kevredigez Broadel Breiz, kentan aozadur a zo bet krouet gant an emsaverien e Breizh. Bloaz goude e voe anvet da zrouiz asambles gant
Yann ar Fustek
ha
Erwan Bertou
e-doug kentan bodadeg ar Goursez e 1900.
Er bloaz
1903
en doa tapet lakaat anaout "
Bro Goz ma Zadou
" da "gan broadel" e kendalc'h Kevredigez Vroadel Breiz.
Evitan da vezan ur barzh hag istimet mat e klaske tolpan ar varzhed vrezhonek ken e teufent da vezan embannerien spered kelt Breizh diwar patrom luskad ar varzhed kembraek a ambroug buhez sevenadurel o bro. Ar "varzhelezh" e rae eus al luskad kelt hag e sonje-en, asambles gant izili Skolaj ar Varzhed (un eil anv a veze implijet gantan evit Goursez Vreizh), e c'hellfe krenvaet saviad ar Broiou kelt (Breizh, Kembre, Kernow, Man ha Skos) ma vije staliet liammou strizh etrezo e framm an
Hollgeltiegezh
pe Geltiegezh.
Klask a reas lakaat da ziwanan un "dispac'h sevenadurel" hep ma vefe disrannet Breizh diouzh Bro-C'hall. Darempredin a reas tud ar vegenn evit o c'hendrec'hin e oa un dra vat kelenn ar brezhoneg e Breizh-Izel ha broudan ur santad brezhon e Breizh a-bezh.
Er par denel n'eman ket ar voul ganeomp tamm ebet. En degouezhiou-man, gant ma ya ar Spered da vezan trec'h war an Danvez e ya d'an Emsav sezizan an uhelidi. Ma teu Moloch da ren a-raok ma c'hellimp framman ac'hanomp war savlec'hiou deskadurel ez aimp da goll. Hag ur brezegenn c'houllo a vo ac'hanomp !
–
Testenn c'hallek orin gant Ronan Caerleon,
Complots pour une republique bretonne
, La Table ronde, 1968, p. 111.
E 1911, goude kendalc'h Kevredigez Vroadel Breiz ma tarzhas diemgleviou etre kostezenn an dudjentil rouelour hag hini an izili gant ur spered kristen ha sokial digoroc'h e tibabas mont gant ar re a oa liammet ouzh ar vourc'hielezh vihan a veze o tiorren, a-feur ma kreske an deskadurezh
[2]
. Darn eus ar "Varzhed" a yeas da sevel un aozadur nevez, Unvaniez Arvor (Federation regionaliste de Bretagne) ha Poellgor ar Goursez a oa hogos kuzul-ren an UA. Hervez Michel Nicolas, pennrener gwir an aozadur (kadoriet gant an Varzh
Jos Parker
) e oa
Jean Choleau
, nann-brezhoneger, met barrek war an armerzh. Lezet e veze Taldir hag e genseurted da ren war an temou lennegel ha yezhel, rak kevrennou arbennik a voe evel e KBB hag er c'hevarzheou gouiziek.
Da-genver kendalc'h Unvaniez Arvor e Douarnenez e miz Eost 1912 e voe savet abadennou a bep seurt (ha prezegennou.kanaouennou, dansou, sonerezh, gouren) gant skoazell an ti-ker. Bodadeg ha lid a veze graet ar Goursez digor anezhi a voe dalc'het er mare-se ivez. Kenstrollan abadennou a bep seurt, breizhek o liviou, a voe barregezh dibar an Drouized. Unan eus ar
goueliou keltiek
-se gant 150 kouviad o tont eus ar
Rouantelezh-Unanet
a voe aozet gant Taldir hag ranvroelourien lec'hel evel
Per Mokaer
a voe arc'hantaouet gant
ker Vrest
e 1908. En degouezh-se e kanas
laz-kanan
bugale Karaez ar Vro gozh mz zadou war kae ar
porzh-houarn
.
Etre an daou vrezel-bed e stourmas F. Jaffrennou evit ar brezhoneg hag e klaskas broudan ar Vretoned da chom stag ouzh o gwriziou ha hengouniou. Evel un toullad kefredourien vreton eus Emsav brezhonek ar mare-se, levezonet gant emsav
Kembre
, e oa ezel Taldir eus
Goursez Breizh
, a glaskas kas war-raok.
D'ar
1an a viz Kerzu
1940
e sinas, a-gevret gant
Markiz an Estourbeillon
ha
Roparz Hemon
, ur reketig titlet
Placet au Marechal Petain, Chef de l’Etat Francais
evit ma vije kelennet ar brezhoneg er skoliou
[3]
.
Bez Taldir e bered Karaez
E dibenn an
Eil Brezel-bed
e voe karc'hariet Taldir e toull-bac'h
Kemper
evel ar pep brasan eus an emsaverien bolitikel ha sevenadurel vreizhat. Tamallet e oa dezhan bezan flatret al levrdier Adolf ar Gwazhiou, ar pezh a nac'has grons. Kondaonet e voe ha harluet da Vro-C'hall, difennet ma voe outan chom da vevan e Breizh. Mervel a reas eno en harlu e Brageirac,
Okitania
. Skrivet en deus Taldir ur pikol deizlevr brezel, diwar-benn ar
Brezel-bed Kentan
hag an
Eil Brezel-bed
. E
Levraoueg Vroadel Kembre
en
Aberystwyth
eo miret an darn eus e envorennou a zo chomet diembann.
- Buez Sant Erwan
,
Sant-Brieg
, moul. Sant Gwilherm,
1896
. C'hoariva.
- Buez Sant Briek
, Sant-Brieg, moul. Sant Gwilherm,
1896
.
- An Hirvoudou
, Sant-Brieg, moul. Prudhomme,
1899
. Barzhonegou.
- Gwerziou AbHerve ha Taldir, brezouneg ha keumraeg kenver-ouz-kenver
, Sant-Brieg, moul. Gwion,
1899
.
- C'hoari fentus ar bourc'hiz lorc'hus, pe histor plijadurus eun aotrou divrezhounek deut da veza eur Breizad mad (3 arvest)
,
Montroulez
, moul. Hamon,
1899
.
- An Delen Dir
, Sant-Brieg, moul. Prudhomme,
1900
. Barzhonegou.
- Nigoudenn Berehar mestr-skol (2 arvest)
, Montroulez, emb. La Resistance,
1900
.
- En tu all d'ar maro
, Sant-Brieg, moul. Sant Gwilherm,
1900
.
- Kanaouennou brezhonek
, (3 levr),
Gwened
, moul. Lafolye,
1900
-
1901
.
- Kanaouennou poblus (war follennou distag)
,
Karaez
, moul. Ar Bobl,
1902
-
1914
.
- Barzaz Taldir Ab Herninn
,
Pariz
, moul. Champion,
1903
,
1911
,
1923
ha
1934
. Barzhonegou.
- Pontkallek, pe buez kaer ha maro mad eun dijentil a Vreiz, bet dibennet e Naoned er bloavez 1720
(5 arvest),
Brest
, moul. Derrien,
1903
.
- Ar barz hag ar prokulor
, (4 arvest),
Karaez
,
moulerezh Ar Bobl
,
1904
.
- Janedig ar plac'h divroet
, (2 arvest),
Karaez
, Ar Bobl,
1904
.
- Malo Korret an Tour d'Auvergne
, (4 arvest),
Karaez
, Ar Bobl,
1906
.
- Seiz-ha-seiz-ugent divunaden
,
Karaez
, Ar Bobl,
1908
.
- Breiziz 1810-1910
,
Karaez
, moul. Ar Bobl,
1901
.
- Teatr brezonek poblus
, (teskad),
Karaez
, Ar Bobl,
1911
.
- La genese d'un mouvement - Ganedigez eun emzao
,
Karaez
, Ar Bobl,
1912
.
- Prosper Proux, studiadenn war e vuhez, e lizerou, e varzoniez
, (tezenn),
Karaez
, Ar Bobl,
1913
.
- Giriadur Gallek ha Brezonnek
- Le grand dictionnaire francais-breton de poche
,
Karaez
, Ar Bobl,
1914
.
- Kenteliou labour-douar gant Gwilherm, merour
,
Karaez
, Ar Bobl,
1914
.
- Histoire anecdotique de
Carhaix
, (Ancienne Vorganium) en sept veillees, contee par un Genie romain
,
1924
; ademb.
Kemper
, moul. ATR,
1984
. Istor lec'hel.
- 20 chansons populaires pour les Ecoles de Bretagne sur les airs du Folklore celtique. Chant Breton et Chant Francais
,
1936
; ademb.
Pariz
, moul. H Lemoine,
1954
.
- Kanaouennou evit ar yaouankiz
,
Gwened
,
1942
.
- Ur wech e oa... Envorennou yaouankiz
, Brest, emb. Armorica,
1944
, 218 p. ; ademb.
Ur wech e oa... ur c'hrennard, un deskard, ur soudard
, Lesneven, emb. Mouladuriou Hor Yezh,
1985
, 288 p. Emvuhezskrid.
- Trois Orphees aux enfers
, asambles gant Ronan Pichery-Abroc'hell hag Auguste Boncors,
1952
.
- Francis Favereau
, Jaffrennou-Taldir, erlamet diouzh
Lennegezh ar brezhoneg er XXvet kantved
, Skol Vreizh, 2002, pp. 53-94
- Francis Favereau,
Kazetennerezh Ar Bobl (1904-1914)
, e-barzh
Breizh ha poblou Europa
...en enor da Per Denez, Hor Yezh;PUR, 2000, pp. 223-238.
- Gwenc'hlan Le Scouezec
,
L'Affaire Taldir: Le Grand Druide etait innocent.
(
ISBN 2-9516454-3-1
)
- Philippe Le Stum,
Le Neo-druidisme en Bretagne
, Editions Ouest-France, 1998.
(
ISBN 2-7373-2281-2
)
. Diwar ar c'hounskrid mestroniezh, Skol-Veur Breizh-Izel, Brest.
- Lukian Raoul,
Geriadur ar skrivagnerien hag ar yezhourien vrezhonek
, Al Liamm, 1992. Pennad : Jaffrennou, Francois Joseph Caude.
(
ISBN 2-7368-0034-6
)
- A la cour de justice: l'epilogue de l'affaire Jaffrennou
. In :
La voix de l'Ouest
, N°129, juin 1945.
- ↑
Bergerac
hervez ar stumm ofisiel gallek.
- ↑
Michel Nicolas, Histoire du Mouvement breton, Pariz, Syros, 1982. P. -67.
- ↑
Gw.
Lennegezh ar brezhoneg en XXvet kantved
,
Levrenn gentan
, Fransez Favereau, p. 71.