Eric Cross
zo ur skrivagner eus
Iwerzhon
a oa ganet e
1905
e
Newry
e
kontelezh Down
. Aet e oa war ar studi da vezan ijinour war ar gimiezh hag ez eas da labourat da Vro-Saoz. Dizolein a reas er bloavezhiou 1930 e talvezfe al labour a rene hag hini tud all da zifraostan an hent evit bezan gouest da vrezelin gant viruzou ha bakteri.
Kuitaat a reas e labour ha mont da vevan da gornog Iwerzhon. Eno e prenas un ti-karr hag ur marc'h hag ez eas gantan war an henchou.
Brudet eo abalamour m'en deus lakaet war ar paper istoriou ur c'hemener kozh, Timothy Buckley, ha kaoziou e wreg Anastasia (Ansty) a oa o chom e-kichen Gougane Barra e kontelezh
Corcaigh
. Embannet e oa da gentan er gazetenn
The Bell
, e miz C'hwevrer 1941, ha goude e lakaas embann
The tailor and Ansty
e 1942 gant ur raklavar gant
Frank O'Connor
.
Degemeret gant plijadur gant un nebeud burutellerien da gentan. Buan avat e oa difennet al levr-se gant gouarnamant
Eamon de Valera
goude un abadenn daer e
sened
Iwerzhon, e
1943
abalamour ma oa dibrenn ha divergont al levr, sanset.
Adembannet e oa levr Eric Cros goude 10 vloaz difenn hag aozet e oa evit ar c'hoariva gant O'Connor. Deuet eo da vezan unan eus oberennou klasel lennegezh Bro-Iwerzhon
Eric Cross en deus skrivet ivez
Silence is golden
, un dibab istoriou hag
arnodskridou
. Aet eo da anaon e 1980.