Enrico Paoli

Enrico Paoli a zo bet ganet d'an 13 a viz Genver 1908 e Trieste ( Aostria-Hungaria , breman Italia ) ha marvet d'ar 15 a viz Kerzu 2005 e Reggio Emilia ( Italia ) . Mestrc'hoarier echedou italian e oa. Deskin a reas c'hoari an echedou p'edo nav vloaz. D'an oad a 60 vloaz e trec'has evit ar wezh diwezhan e kampionad Italia . Gantan e veze aozet tournamant brudet “Torneo di Capodanno” (Tournamant Etrebroadel Deiz-Kentan-Bloaz) e Reggio Emilia : lanset e voe e 1958, hag aozet e vez c'hoazh. Hini 1991-1992 a vodas Garry Kasparov , Anatolij Karpov , Viswanathan Anand , Vassily Ivanchuk , Boris Gelfand , Lev Polugaevski , Mikhail Botvinnik , Mikhail Tal , Boris Spassky ha Vasily Smyslov ... Teir gwech e voe Kampion Italia , e 1951 e Venezia , e 1957 e Reggio nell'Emilia hag e 1968 e Milano . E 1950 e Venezia , Enrico Paoli a voe trec'h gant ar pezhiou du war ar Mestr Meur soviedat Aleksandr Kotov . E 1951 e teuas da vezan Mestr Etrebroadel. E 1964 e voe dibabet evel Tredeog Etrebroadel. Mankout a reas un hanter-boent dezhan en un tournamant e 1969 e Vr?ac evit bout anvet Mestr Meur gant ar FIDE (Kevre Etrebroadel An Echedou). E 1996 e voe roet an titl "Mestr Meur" honoris causa gant ar FIDE. E 2004 (96 vloaz e oa) e kemeras perzh en e dournanamant etrebroadel diwezhan, hini Saint-Vincent .