Debrecen
(distaget [?d?br?ts?n] en
hungareg
) zo ur ger vras e reter
Hungaria
. An eil ker vrasan eo er vro, goude ar ger-benn
Budapest
. E 2011 e oa 208,016 a annezidi o chom enni.
Skol-veur Debrecen
Meneg zo eus Debrecen er skridou adalek ar bloavezh
1235
. Ur ger vihan e oa d’ar poent-se. E
1361
e voe roet d’an annezidi, gant roue Hungaria, ar gwir da gaout ur barner hag ur c’huzul-ker. A-benn ar XVIvet kantved e oa deuet da vezan ul lec’h a bouez evit ar c’henwerzh, gant foariou bras.
E 1848-1849 e voe, e-pad ur pennadig, ker-benn Hungaria, rak ranket en doa gouarnamant dispac’hel ar vro kuitaat Budapest. E miz Ebrel 1849 e voe embannet dizalc’hted Hungaria gant
Lajos Kossuth
en iliz-veur protestant Debrecen. Hogen e-kichen Debrecen ivez e c’hoarvezas dibenn ar republik dizalc’h berrbad, pa voe trec’het an dispac’herien gant ar Rusianed a roe harp da arme an
Habsbourged
, anezho impalaerien Aostria ha rouaned Hungaria.
Goude ar
Brezel-bed Kentan
e teuas Hungaria da vezan kalz bihanoc’h, gant dizalc’hidigezh Roumania, hag en em gavout a reas Debrecen tost d’an harzou. E-pad an
Eil Brezel-bed
e voe kalz a zistruj e Debrecen hag adsavet e voe ker goude se.
Gevellet eo Debrecen gant ar c'heriou-man :
Commons
