Charlez Bleaz a voe anvet da zug Breizh gant ar roue gall Fulup VI e 1341, hag a chomas dug betek e varv e 1364 .

Ganet e oa e 1319 e Chatillon . E dad a oa Guy de Chatillon hag un niz d'ar roue gall e oa Charlez, kont Bleaz . Klask a reas ren dugelezh Breizh pa voe dimezet e 1337 da Janed Pentevr , nizez d'an dug Yann III marvet divugel e 1341 . Stourm a reas a-enep ur goulenner all, Yann Monforzh , hantervreur da Yann III ha harpet gant roue Bro-Saoz .

Ar stourm [ kemman | kemman ar vammenn ]

Yann Monforzh a yeas da c'houlenn skoazell digant pennou an Naoned hag e kemeras tenzor an dugelezh . Soutenet e voe gant keriou domani an dug, met ne voe ket resevet mat e lez ar roue Fulup VI. Dre zisentez Conflans e embannas ar roue e anaveze gwiriou Janed Pentevr ha re he fried. Mont a reas Yann Monforzh da glask souten ar roue saoz Edouarzh III . Koll a reas e zugelezh Monforzh e-kichen Pariz , met roet e voe gant Edouarzh "Enor" Richmond, un tiriad saoz a sachas kalz a arc'hant anezhan.

Dont a reas Yann , dug Normandi , mab d'ar roue gall, da lakaat seziz war an Naoned ha pa oa klouaroc'h souten ar vourc'hizien ez eas Yann Monforzh da Bariz da c'houlenn ober emglev gant ar roue. Heman a lakaas Yann en toull-bac'h ha renet e voe an dugelezh gant Charlez Bleaz.

E 1342 e kemeras Roazhon ha mont a reas da vestronian ar c'heriou all a chome dindan dalc'h gwreg Yann Monforzh, an dugez Janed Flandrez . Houman a zifennas An Henbont gant harp ar morlu saoz , met Charlez Bleaz a gemeras An Alre , Gwened , Gwenrann hag Ar Groazig .

E 1347 eo bet paket Charlez Bleaz gant ar Saozon er Roc'h-Derrien . Toullbac'het e Bro-Saoz , e c'hounezas e frankiz en ur lezel e vugale evel gouestlidi war e lerc'h.

En e raok: Yann III

Rouaned ha Duged Breizh 1341 ? 1364

War e lerc'h: Yann IV

Goude e varv [ kemman | kemman ar vammenn ]

Hiriv eman e relegou en iliz Gras-Gwengamp .